Morgunblaðið - 06.09.2018, Blaðsíða 10

10 FRÉTTIRInnlent
MORGUNBLAÐIÐ FIMMTUDAGUR 6. SEPTEMBER 2018
Kristján H. Johannessen
khj@mbl.is
„Hagsmunir okkar Íslendinga liggja
í alþjóðalögum sem virka og að við
séum þátttakendur í því samstarfi,“
segir Guðlaugur Þór Þórðarson
utanríkisráðherra í samtali við
Morgunblaðið og vísar í máli sínu til
þvingunaraðgerða Íslands gegn
Rússum vegna hernaðarumsvifa
Rússlands á Krímskaga og þeirrar
alvarlegu öryggiskreppu sem fylgdi
aðgerðunum í Evrópu.
Þvingunaraðgerðir gagnvart
Rússlandi hafa gilt frá mars 2014 og
er þessum aðgerðum beitt af flest-
öllum ríkjum sem teljast til hóps
Vesturlanda, m.a. af Bandaríkjunum,
Evrópusambandinu og Kanada. Er
markmið þvingunaraðgerða að við-
halda friði og öryggi í heiminum og
tryggja um leið virðingu fyrir mann-
réttindum og mannfrelsi.
Morgunblaðið setti sig í samband
við þingmenn allra flokka sem sæti
eiga á Alþingi í þeim tilgangi að
kanna hug þeirra til aðgerðanna. Sú
athugun leiddi í ljós breiða samstöðu
meðal flokkanna. Fulltrúar Flokks
fólksins lýstu þó yfir efasemdum um
þátttöku Íslands og tók einn
stjórnarþingmaður undir með þeim.
Dagar hjásetu eru liðnir
„Ríkisstjórn þess tíma ákvað að
fara í þetta og staðan hefur í sjálfu
sér ekkert breyst síðan þá – Rússar
hafa enn Krímskaga og hafa þannig
brotið alþjóðalög og -samninga. Mér
finnst því engin ástæða til að endur-
meta þetta þó að ríkisstjórnin gæti
það auðvitað,“ segir Gunnar Bragi
Sveinsson, þingmaður Miðflokksins.
Logi Einarsson, formaður Sam-
fylkingar, segir mikilvægt að Ísland
sýni samstarfsþjóðum sínum sam-
stöðu í þessu máli. „Við getum ekki
liðið framferði á borð við það sem
leiddi til þessara aðgerða. Og það er
nauðsynlegt að við stöndum saman
um áframhaldandi aðgerðir gagn-
vart Rússum,“ segir hann.
Ágúst Ólafur Ágústsson, þing-
maður Samfylkingar, tók í svipaðan
streng. „Rússland hefur oft og
mörgum sinnum gengið of langt
gagnvart nágrönnum sínum og lýð-
ræðinu í eigin landi. Ég tel því
ástæðu til að halda uppi alþjóðlegum
þrýstingi á Rússland,“ segir hann og
heldur áfram: „Við getum ekki sætt
okkur við að Evrópuríki ráðist á
annað Evrópuríki og við situm bara
hjá, þeir dagar eru einfaldlega liðn-
ir.“
Utanríkismál oftar á dagskrá
Steinunn Þóra Árnadóttir, þing-
maður Vinstri grænna, segir flokk
sinn þurfa að fara yfir málin eigi
hann að koma fram með breytta af-
stöðu. „Hún liggur a.m.k. ekki fyrir,“
segir hún og bætir við: „Ég hef hins
vegar alltaf talað fyrir því að við
ræðum almennt utanríkismál meira
inni í þingsal Alþingis.“
Þorsteinn Víglundsson, þingmað-
ur Viðreisnar, segir Ísland hljóta að
starfrækja utanríkisstefnu sína út
frá grundvallaratriðum en ekki
þröngum viðskiptahagsmunum.
„Við eigum að standa sterk áfram
með bandalagsþjóðum okkar í Evr-
ópu,“ segir hann og bætir við að þörf
sé á meiri umræðu um utanríkismál.
„Ég tel mikilvægt að mótun utan-
ríkisstefnu Íslands fari fram í
utanríkismálanefnd og á vettvangi
þingsins en ekki eftir hentugleika ut-
anríkisráðherra hverju sinni. Og það
á augljóslega við um þessa ákvörðun
á sínum tíma þó að ég sé hlynntur
henni.“
Þórhildur Sunna Ævarsdóttir,
þingmaður Pírata, segir brýnt að
standa með bandalagsþjóðum í
þessu máli. „Ég myndi þó vilja ræða
þessi mál og utanríkismál almennt
meira í þingsal,“ segir hún.
Willum Þór Þórsson, þingmaður
Framsóknarflokksins, segir samráð
hafa skort við þingið í upphafi þó að
ekki sé víst að niðurstaða hefði verið
önnur. „Þátttaka okkar í alþjóða-
samfélaginu, s.s. NATO, Sameinuðu
þjóðunum og annars staðar, gerir
það erfitt að taka aðra ákvörðun.“
Mun ekki skila árangri
Ásmundur Friðriksson, þing-
maður Sjálfstæðisflokksins, segist
alltaf hafa verið á móti þvingunar-
aðgerðunum. „Við eigum hér mjög
mikið undir. Ég er á móti þessari
leið, hún mun ekki skila árangri og
við töpum á henni,“ segir hann.
Ólafur Ísleifsson, þingmaður
Flokks fólksins, og Inga Sæland, for-
maður sama flokks, segjast bæði
vera andvíg þvingunaraðgerðunum.
„Við hefðum sennilega sett við-
skiptalega hagsmuni Íslands ofar og
ekki samþykkt þetta,“ segir Inga, en
Flokkur fólksins sat ekki á þingi
þegar ákvörðunin var tekin á sínum
tíma. „Við verðum að vera raunsæ í
þessu máli, við getum ekki þvingað
Rússa til að skila einu né neinu. Þeir
hafa hingað til bara gert það sem
þeim sýnist,“ segir hún.
Þá segist Guðlaugur Þór Þórðar-
son utanríkisráðherra fagna því að
þingmenn vilji meiri umræðu um
utanríkismál í þingsal Alþingis.
„Við erum að reyna að færa um-
ræðuna meira inn í þingsal og
nefndir. Það er einnig afar mikilvægt
þegar farið er út í refsiaðgerðir að
það sé vitneskja um af hverju það er
gert, hvaða afleiðingar það hefur og
svo framvegis. Það sama á við um ör-
yggis- og varnarmál, viðskipti og
þróunaraðstoð – upplýsa þarf þing-
heim og þjóð um þetta og sömuleiðis
þarf að ræða málin,“ segir hann.
Breið samstaða ríkir um aðgerðir
 Þingmenn nær allra flokka segja mikilvægt að sýna samstöðu þegar kemur að þvingunaraðgerðum
gegn Rússum  Flokkur fólksins lýsir yfir efasemdum  Kallað eftir meiri umræðu um utanríkismál
Morgunblaðið/Eggert
Þingheimur Kjörnir fulltrúar vilja utanríkismál oftar á dagskrá þingsins.
SLÖKKTU Á EYÐSLUNNI OG
KVEIKTU Á SP M
FYRIR HUGSANDI FÓLK
HEKLA · Laugavegi 170-174 · Reykjavík · Sími 590 5000 · hekla.is
Umboðsmenn um land allt: Höldur Akureyri · Bílasala Selfoss · Bílás Akranesi · HEKLA Reykjanesbæ · BVA Egilsstöðum
5 ára ábyrgð fylgir fólksbílum HEKLU að uppfylltum ákvæðum ábyrgðarskilmála. Þá er að finna á www.hekla.is/abyrgd
Mitsubishi Outlander PHEV er glæsilega hannaður, rúmgóður og háþróað fjórhjóladrifið kemur
þér lengra allt árið. Þú getur ekið á hreinni íslenskri orku svo að bíllinn verður sparneytnari
og umhverfisvænni. Outlander PHEV var vinsælastur í flokki jeppa og jepplinga árið 2017.
Nú fylgir 350.000 kr. sumarauki ásamt hleðslustöð að verðmæti 150.000 með öllum
nýjum Mitsubishi Outlander PHEV bílum keyptum hjá HEKLU. Slökktu á eyðslunni og
kveiktu á sparnaðinum í nýjum Outlander PHEV. Hlökkum til að sjá þig!
Outlander Instyle PHEV
Sjálfskiptur, fjórhjóladrifinn frá:
5.490.000 kr.
Mitsubishi PHEV kemur þér inn í framtíðina
Sumarauki&hleðslu
stöð
samtals að verðmæ
ti
500.000kr. fylgir!