Morgunblaðið - 06.09.2018, Blaðsíða 38
38 FRÉTTIRInnlent
MORGUNBLAÐIÐ FIMMTUDAGUR 6. SEPTEMBER 2018
Ágúst Ásgeirsson
agas@mbl.is
Til átaka kom á Ermarsundi í ný-
liðinni viku er franskir sjómenn
lögðu til atlögu gegn breskum skel-
fiskslæðurum skammt undan
Signuósum í Normandí; á þeim
slóðum sem herir bandamanna í
seinna heimsstríðinu gengu á land í
Frakklandi 6. júní 1944. Vegna sjó-
orrustunnar hafa breskir sjómenn
kallað eftir flotavernd við veiðarnar
og skírskotuðu meðal annars til að-
stoðar herskipa hennar hátignar í
Þorskastríðunum við Íslendinga.
Franskir sjómenn eru æfir yfir
veiðum breskra skelfiskbáta á auð-
ugum miðum undan ósum Signu á
sama tíma og þeir sjálfir mega
ekki veiða þar í fjóra mánuði á ári
vegna verndunar fiskistofna. Snýst
deilan um hafsvæði milli frönsku
Ermarsundsbæjanna Barfleur og
Antifer. Saka franskir sjómenn
breska starfsbræður sína um rán-
fiskirí á þeim slóðum.
Dimitri Rogoff, forsvarsmaður
sjómanna í Normandí, sakar Breta
um að nýta glufu í reglum um
stjórn skelveiða á svæðinu sem
undanþiggur veiðar breskra báta
undir 15 metrum að lengd. „Við
höfum um fimm ára skeið mótmælt
þessari undanþágu en daufheyrst
hefur verið við kröfum okkar,“
sagði Rogoff við fréttastofuna
AFP. Franskir sjómenn hafa und-
anfarin ár siglt út á veiðislóðina og
mótmælt en þeir atburðir hafa ver-
ið lítilræði í samanburði við átökin
í síðustu viku.
Sjónvarpsmenn um borð
Fimm breskir bátar voru að
veiðum á alþjóðlegu hafsvæði um
12 mílur undan landi þegar á
fjórða tug franskra báta birtust um
miðja nótt og upp úr sauð. Létu
Frakkar grjóti, glerflöskum og
öðru grýtanlegu rigna yfir and-
stæðinginn og bresku sjómennirnir
svöruðu í sömu mynt. Kveikt var á
blysum og heimamenn sigldu ógn-
andi og rákust utan í aðkomubát-
ana svo að á þeim sá. Enginn mátti
við margnum og því hífðu bresku
bátarnir upp veiðarfærin og hörf-
uðu heim á leið. Talsmenn franskra
hafnarbæja sögðust smeykir um að
ofbeldisaðgerðir af þessu tagi gætu
átt sér stað sig annars staðar. „Ég
óttast að þetta gerist aftur því að
deiluaðilar eru fokillir,“ sagði
Laurent Jacques, bæjarstjóri í Le
Treport í Normandí.
Myndskeið frá átökunum sem
birt var í frönskum fjölmiðlum
sýndi ásiglingar og návígi skipa á
fullri ferð, m.a. er skoski botnslæð-
arinn Honeybourne III og fransk-
ur togbátur skullu saman.
Eftir átökin við strendur Norm-
andí náðu breskir og franskir ráða-
menn samkomulagi um að reyna að
leysa deiluna um skelfiskveiðarnar
með samningum. Ráðgert var að
þær færu fram í London í gær,
miðvikudag, með þátttöku fulltrúa
sjómanna beggja landa auk emb-
ættismanna, að sögn samtaka hvít-
fiskframleiðenda í Skotlandi.
Breski umhverfisráðherrann
Michael Gove sagði að bresk
stjórnvöld hefðu átt í samtölum við
frönsk yfirvöld til að tryggja að
átök af þessu tagi endurtækju sig
ekki. Sögðust Frakkar reiðubúnir
að senda lögreglu- og varðskip á
vettvang til að afstýra ófriði. Loks
hvatti Evrópusambandið (ESB) til
þess að fundin yrði „vinsamleg“
lausn á deilunni.
Verðmætur afli
Verðmæti skelfiskveiða Breta er
áætlað vera 120 milljónir punda –
jafnvirði 17 milljarða íslenskra
króna – en alls hafa um 1.350
manns afkomu sína af þessum veið-
um. Fulltrúar breskra sjómanna
gefa lítið fyrir þær skýringar
Frakka að ósanngjarnt sé að Bret-
ar stundi skelfiskveiðarnar á pör-
unartíma hörpuskeljarinnar – og
það á sama tíma og frönskum sjó-
mönnum sé bönnuð veiðin á for-
sendum verndunar. Aaron Brown,
stofnandi samtakanna Fishing for
Leave sem styðja útgöngu Breta
úr ESB, sagði við frönsku frétta-
stofuna France24 að hér væri ekk-
ert um annað en hræsni að ræða af
hálfu frönsku sjómannanna og
dæmigerðan yfirgang ESB. Sjóorr-
ustan í fyrri viku hefur orðið til að
kynda undir deilum í Bretlandi um
útgönguna úr sambandinu.
Brown sagði Frakka eiga sökina
á illindunum undan Signuósum.
„Ofbeldið og þrælundirbúnar
þvingunartilraunir þeirra voru al-
gjörlega óásættanleg – og allt fór
þetta fram fyrir framan mynda-
vélar sjónvarpsstöðva sem um borð
í skipum þeirra voru. Frá sjónar-
hóli frjálsra siglinga var þetta óá-
sættanlegt framferði og algjör
hræsni. Í krafti sameiginlegrar
fiskveiðistefnu ESB í 40 ár hafa
Frakkar og aðrar þjóðir veitt um
60% þess fisks sem veiddur er í
breskri lögsögu. Floti franskra
fiskiskipa er að staðaldri að veiðum
sex mílum undan ströndum Corn-
wall. Að Frakkar skuli svo grípa til
ofbeldis þegar breskir sjómenn
nýta rétt sinn samkvæmt sameig-
inlegu sjávarútvegsstefnunni er
bláköld hræsni. Hefðu ESB og
Frakkar ekki rænt auðlindum okk-
Slást um skelfisk á Signuflóa
Signuflói nær vel út fyrir 12 mílur og því hafa breskir bátar getað athafnað sig á skelfiskslóðinni
þar árið um kring Frökkum eru hins vegar veiðarnar bannaðar í rúma fjóra mánuði árlega
Hörð átök Návígið var mikið í átökunum á Signuflóa. Frakkar létu grjóti, glerflöskum og öðru grýtanlegu rigna yfir andstæðinginn og bresku sjómennirnir svöruðu í sömu mynt.
SJÁ SÍÐU 40Tónastöðin • Skipholti 50d • Reykjavík • sími 552 1185 • www.tonastodin.is
Láttu drauminn rætast.