Morgunblaðið - 06.09.2018, Blaðsíða 8
Velunnarar meðferðarheimilisins í
Krýsuvík afhentu Önnu Lilju Gunn-
arsdóttur, ráðuneytisstjóra velferð-
arráðuneytisins, í gær áskorun um
að tryggja áframhaldandi starfsemi
Krýsuvíkur og höfðu 1.300 ein-
staklingar skrifað undir áskorunina,
að því er segir í tilkynningu til fjöl-
miðla.
Þá segir að mikil óvissa ríki um
starfsemi meðferðarheimilisins í
Krýsuvík sem rekið hefur verið frá
árinu 1986 og að „samningar um
heimilið eru ótryggir og standa yfir
viðræður við opinbera aðila um
áframhaldandi stuðning við starf-
semina“. Krafist er endurnýjunar
samnings um rekstur heimilisins og
tilheyrandi fjárframlaga, en við-
ræður standa yfir um áframhaldandi
stuðning við starfsemina.
Meðferðarstofnunin hefur skilað
mælanlegum árangri fyrir vímu-
efnaneytendur samkvæmt Velunn-
urum meðferðarheimilisins og getur
óvissa um starfsemina leitt af sér að
skjólstæðingar þess hafi „hvergi
höfði sínu að halla“.
Helena Gísladóttir og Soffía
Smith afhentu ráðuneytisstjóra vel-
ferðarráðuneytisins undirskriftalist-
ann.
Við afhendinguna sagði Soffía
meðal annars að um dauðans alvöru
væri að ræða og að á heimilinu væri
mannslífum bjargað. »47
Vilja tryggja starfsemi Krýsuvíkur
Afhentu ráðuneytisstjóra 1.300 undirskriftir vegna meðferðarheimilisins
Ljósmynd/Velunnarar Krýsuvíkur
Velunnararar Undirskriftum safnað.
AFP
Auga Kona greindi lifandi orm í
auganu á sér sem náðist þó ekki.
Tvö tilfelli þar sem svonefndur Loa
loa-ormur hefur verið í auga sjúk-
lings hafa greinst á Landspítalan-
um á síðustu misserum. Frá þessu
er greint í nýjasta hefti Lækna-
blaðsins. Í báðum tilvikum áttu í
hlut konur sem höfðu verið á ferð í
Afríku, og önnur þeirra var raunar
fædd þar en búsett hér á landi.
Saga hennar er í stuttu máli sú að
hún greindi fyrirbæri sem hreyfðist
eftir yfirborði augans og sást með
berum augum. Við nánari skoðun
sást að þetta var lifandi ormur sem
náðist þó ekki.
Í hinu tilvikinu var um að ræða
íslenska konu sem hafði verið á ferð
í Afríku. Heimkomin leitaði hún á
Landspítala vegna gruns um orm
undir slímhúð hægra auga, en í
Afríku hafði hún sýkst af horn-
himnubólgu af völdum svepps svo
og malaríu. Á sjúkrahúsinu fór kon-
an í aðgerð og þar var klippt op á
slímhúð augans svo ormurinn náð-
ist.
Að rannsóknum loknum voru
sjúklingar tveir meðhöndlaðir með
sýkladrepandi og bólgueyðandi
augndropum. Síðarnefnda konan
var einkennalaus í sjö mánuði eftir
lok meðferðar en hafði þá aftur
samband vegna gruns um lifandi
orm undir húð á handlegg. Lyfja-
meðferð vann á því svo og því þeg-
ar konan greindist með sýkingu af
völdum þráðorms.
Umrædd tilvik eru þau fyrstu
þar sem hinn afríski augnsjúkdóm-
ur lóasýki greinist hér á landi.
„Með vaxandi fjölda innflytjenda og
innlendra og erlendra ferðamanna
frá fjarlægum slóðum er viðbúið að
framandi sýkingar taki að reka á
fjörur íslenskra lækna,“ segir í
Læknablaðinu. Lóasníkillinn er
þráðormur sem berst í fólk með biti
dádýraflugu og er landlægur víða í
Vestur- og Mið-Afríku. Er talið að
þar séu 10 milljónir manna sýktar
en 30 milljónir útsettar fyrir sníkil-
inn og vangreining heilbrigðis-
starfsfólks algeng. sbs@mbl.is
Afrískur augnsjúk-
dómur á Íslandi
Vaxandi líkur eru á framandi sýkingum
8 FRÉTTIRInnlent
MORGUNBLAÐIÐ FIMMTUDAGUR 6. SEPTEMBER 2018
Hér á landi hefur stundum skot-ið upp kollinum sú furðulega
hugmynd að hringla í klukkunni
tvisvar á ári.
Ríki Evrópu-
sambandsins
gera þetta og
þess vegna
kemur svo sem
ekki á óvart að
það hefur ver-
ið góð fylgni á
milli afstöðu til aðildar að samband-
inu og klukkuhringlsins.
Nú hefur gleðimaðurinn og for-seti framkvæmdastjórnar
ESB, Jean-Claude Juncker, kynnt
áform sambandsins um að hætta
hringlinu enda munu kannanir
sýna að íbúar sambandsins séu al-
mennt orðnir leiðir á þessum rugl-
anda.
Þar með má búast við að fækkitillögum íslenskra Evrópusam-
bandssinna um þessa aðgerð, sem
þeim hefur hingað til þótt svo brýn.
Í þessu sambandi er umhugsunar-vert að öll ríki ESB eru skyldug
til að hræra í klukkunni og sú
ákvörðun var árið 2001 líka tekin
upp í EES-samninginn.
Einhverjum hefur þannig þóttnauðsynlegt að íbúar EFTA
vöknuðu í góðu samræmi við íbúa
ESB, en Ísland fékk reyndar und-
anþágu þannig að hér mega lands-
menn hafa klukkuna eftir eigin
höfði. Óvíst er hvernig farið hefði
ef aðildarsinnum hefði orðið að ósk
sinni og tekist að innlima Ísland í
stórríkið.
En þá vaknar líka spurningin:Fyrst Ísland getur verið
ótengt tímahringli ESB, sem sann-
arlega er undir sömu sól og Ísland,
hvers vegna skyldi það þá ekki geta
verið ótengt ótengdum raforku-
markaði ESB?
Úr ESB
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Askalind 3 • 201 Kópavogur • Sími: 562 1500 • friform.is
Nettoline fær 5 stjörnur frá
dönskum gagnrýnendum
styrkur - ending - gæði
Eldhúsinnréttingar
hÁgÆÐa dansKar
OpiÐ:
Mán. - fim. kl. 09 til 18
Föstudaga kl. 09 til 17
Laugardagar kl. 11 til 15
úrVal innréttingaViÐ hönnum Og tEiKnum VönduÐ gÆÐaVaragOtt sKipulag