Morgunblaðið - 27.09.2018, Blaðsíða 8

8 FRÉTTIRInnlent
MORGUNBLAÐIÐ FIMMTUDAGUR 27. SEPTEMBER 2018
Athygli vekur að þingmenn Við-reisnar skuli enn staðfastir í
þeirri trú sinni að koma verði Ís-
landi inn í Evrópusambandið með
öllum tiltækum ráðum. Jón Stein-
dór Valdimarsson kvaddi sér til
dæmis hljóðs á Alþingi í fyrradag
og fann að orðum
utanríkisráðherra
um Brexit-ferlið.
  
Orð utanríkis-ráðherra voru
þessi: „Stóra málið
kannski fyrir okkur
Íslendinga þegar
við horfum á þetta.
Við hljótum að
draga þá ályktun að
við getum alls ekki
verið inni í Evrópu-
sambandinu. Því allt
það sem hefur verið
sagt um það að það
sé ekkert mál að
fara út ef okkur líkar ekki við
veruna, það eru röksemdir sem
enginn getur notað aftur.“
  
Við blasir að þetta er rétt lýsinghjá utanríkisráðherra, en hún
hentar ekki sanntrúuðum ESB-
sinnum og þess vegna andmælti Jón
Steindór henni og sagði hana „með
miklum eindæmum. Túlkun og
greining hæstvirts ráðherra er al-
gerlega út í hött.“ Svo bætti hann
við að auðvitað væri hægt að ganga
úr ESB og að það myndu Bretar
gera nema breska þjóðin gripi í
taumana.
  
Staðreyndin er þó vitaskuld sú aðEvrópusambandið reynir allt
sem það getur til að gera Bretum
sem erfiðast að ganga úr samband-
inu og tryggja að þeir fari sem
verst út úr útgöngunni.
  
Þegar sambandið kemur þannigfram við eina af sínum öflug-
ustu þjóðum, hvernig halda þing-
menn Viðreisnar þá að ESB færi
með minni þjóð sem reyndi að
sleppa úr vistinni?
Jón Steindór
Valdimarsson
Trúarhitinn blindar
STAKSTEINAR
Guðlaugur Þór
Þórðarson
Sameinar það besta í rafsuðu
Smiðjuvegi 66 • Kópavogi • 580 5800 • www.landvelar.isFuruvöllum 3 • Akureyri • 461 2288
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Tvær tillögur eru gerðar um
stækkun og eflingu sveitarfélaga á
landsþingi Sambands íslenskra
sveitarfélaga sem fram fer á Akur-
eyri. Annars vegar er lagt til
óbreytt orðalag í stefnuyfirlýsingu
sambandsins um stækkun sveitar-
félaga með frjálsum sameiningum
og hins vegar að sambandið styðji
stækkun og eflingu sveitarfélaga.
Landsþingið þarf að taka afstöðu til
málsins, velja á milli tillagnanna.
Fyrir liggur skýrsla þar sem lagt
er til að sveitarfélög verði sameinuð
með lögum með tilliti til fólksfjölda
á tilteknu árabili.
Stefnumörkun til næstu fjögurra
ára verður afgreidd á þessu þingi,
eins og venja er við upphaf kjör-
tímabils. Þá verður einnig kosinn
nýr formaður og stjórn. Aldís
Hafsteinsdóttir, bæjarstjóri í
Hveragerði, og Gunnar Einarsson,
bæjarstjóri í Garðabæ, gefa kost á
sér í formannsembættið. Meðal
nýrra markmiða í tillögu að stefnu-
mörkun má nefna að miðlægu sam-
starfi sveitarfélaga verði komið á
sem greitt geti götu þeirra í staf-
rænni framþróun. Lagt er til að
sambandið beiti sér fyrir heild-
stæðu lagaumhverfi um byggingu
og starfsemi vindorkuvera og að
það taki virkan þátt í mótun heild-
stæðrar stefnu um fiskeldismál.
helgi@mbl.is
Styðji stækkun og eflingu sveitarfélaga
 Tillögur að stefnumörkun Sambands sveitarfélaga afgreidd á þingi á Akureyri
Kópavogur Stefnumörkun fjallar
um allt starfssvið sveitarfélaga.
Björgun ehf. átti langlægsta tilboð í
dýpkun í og við Landeyjahöfn næstu
þrjú árin. Tilboð fyrirtækisins
reyndist 200 milljónum króna undir
áætlun Vegagerðarinnar um verk-
takakostnað.
Í útboði Vegagerðarinnar er mið-
að við dýpkun um 300 þúsund rúm-
metra á ári, alls um 900 þúsund rúm-
metra. Er það talsvert minna en
undanfarin ár.
Tilboð lægstbjóðanda, Björgunar
ehf., hljóðaði upp á tæpar 618 millj-
ónir kr. sem er liðlega 75% af áætl-
uðum verktakakostnaði sem var 817
milljónir. Tvö önnur tilboð bárust,
Jan De Nul n.v. bauðst til að taka
verkið að sér fyrir 1.179 milljónir.
Það er belgíska fyrirtækið sem ann-
ast hefur dýpkunina undanfarin þrjú
ár og notað dýpkunarskipið Galilei
2000 við verkið. Þá bauð Tohde Niel-
sen A/S í Kaupmannahöfn tæpar
1.400 milljónir. Hæsta tilboð er því
meira en tvöfalt hærra en það
lægsta.
Eftir að meta tilboðin
Ekki er búið að yfirfara tilboðin,
að sögn Sigurðar Áss Grétarssonar,
framkvæmdastjóra siglingasviðs
Vegagerðarinnar, og því ekki fullvíst
hvaða tilboð er best, samkvæmt út-
boðsskilmálum. Sigurður er þó
ánægður með að hagstætt tilboð hafi
borist.
Við val á verktökum verður miðað
við tvennt; annars vegar verð og hins
vegar hversu vel búið og afkastamik-
ið dýpkunarskip á að nota. Verðið
hefur mun meira vægi en tæknin.
Sigurður á von á því að niðurstaða
Vegagerðarinnar um mat á tilboðum
liggi fyrir í næstu viku. Samningur
mun taka gildi um næstu áramót og
verður fyrsta dýpkun nýs verktaka
seinnihluta vetrar. helgi@mbl.is
200 milljónum
undir áætlun
 Lágt tilboð í dýpkun Landeyjahafnar
Morgunblaðið/Styrmir Kári
Dæling Skip Björgunar við störf í
Landeyjahöfn fyrir nokkrum árum.