Morgunblaðið - 27.09.2018, Page 67

MENNING 67
MORGUNBLAÐIÐ FIMMTUDAGUR 27. SEPTEMBER 2018
Bjarni Rafn Kjartanssonhefur fengist við raftónlistaf ýmsum toga síðan árið2009. Hann gaf út sitt
fyrsta lag á vormánuðum það ár þeg-
ar hann var enn búsettur í heimabæ
sínum, Egilsstöðum. Tveimur mán-
uðum síðar tók
hann svo þátt í
tónlistar-
vinnustofu á
listahátíðinni
Lunga, sem haldin
er ár hvert á
Seyðisfirði, og það
má segja að boltinn hafi ekkert hætt
að rúlla síðan þá.
Þrátt fyrir að hafa verið iðinn við
kolann og gefið út fjöldann allan af
smáskífum, stuttskífum og
endurhljóðblöndunum fyrir aðra
listamenn er Empire einungis önnur
breiðskífa Muted. Inni á muted-
.bandcamp.com má finna mikið af
því efni sem komið er út og það er
gaman að bera saman og heyra
hljóminn breytast og meitlast, og í
raun og veru sjálfan „Muted-
hljóminn“ verða til. Á Black & White
EP sem kemur út árið 2011 má
greinilega heyra að þarna er eitt-
hvað verulega spennandi á ferð. Á
fyrstu breiðskífunni, Muted World
sem kom út 2015 er svo enn greini-
legra að þarna er raftónlistarmaður
á ferð sem hljómar mjög frumlega,
og er afskaplega tilbúinn til að setja
mark sitt á heiminn.
En hvað er svo „Muted-hljómur-
inn“? Það hefur að minnsta kosti
heilmikil áhrif að Bjarni vinnur mik-
ið með Zoom-upptökutækið sitt og
safnar þannig hljóðum sem hann
vinnur svo áfram inn í lögin sín. Það
býr til einhverja blöndu af mjög líf-
rænum heimi, en að sama skapi afar
dularfullum. Á fyrri breiðskífunni,
Muted World, er meiri orka en jafn-
framt örlítið minni fókus, sem skrif-
ast líklega bara á ungan tónlistar-
mann sem er mikið niðri fyrir og vill
koma öllu að í einu. Lagið Special
place sem Jófríður Ákadóttir söng er
áberandi áheyrilegast og með þægi-
lega stemningu sem skilaði sér í ein-
hverri útvarpsspilun og það er ein-
mitt þar sem margir heyrðu fyrst í
Muted.
Það er frábært að bera Muted
World og svo nýju plötuna, Muted
Empire, saman og heyra hvaða risa-
stökk verkefnið hefur tekið fram á
við. Hljómurinn er allur meitlaðri,
yfirvegaðri, og lagasmíðar eru
komnar á nýjan og betri stað. Maður
finnur fyrir einhverjum slaka og ró
sem höfundur er búinn að ná, og
hann skilar því alla leið til hlustand-
ans í gegnum tónlistina.
Þetta er samt engan veginn á
kostnað spennunnar og ævintýr-
anna, sem enn má greina og finna
fyrir í lögunum sjálfum. Það er
nefnilega auðvelt að gera sveimandi
ambient tónlist svo rosalega „tjill-
aða“ að hún haldi ekki athygli. Það
sé hreinlega allt svo hrikalega
pollrólegt að tónlistin rennur bara
milli fingra manns og maður nær
engu tangarhaldi á neinu. Muted er
dæmi um hið gagnstæða. Lögin eru
vissulega „tjilluð“ en þau virka aldr-
ei sem einhver ládeyða. Það er alveg
hægt að láta plötuna rúlla í bak-
grunni meðan verið er að bjóða upp
á eftirmiðdagste í stofunni, en á ein-
hverjum tímapunkti mun pottþétt
einhver gestanna spyrja hvað sé ver-
ið að spila og allir fara að leggja við
hlustir.
Það eru tvö sungin lög á hvorri
hlið vínylplötunnar: Á A-hlið er Jó-
fríður aftur mætt í afbragðsfínu og
dreymandi lagi og svo er framúr-
skarandi lag, Núna, sungið af Fann-
eyju Ósk Þórisdóttur. Á B-hliðinni
heyrum við svo bæði í Ásdísi Maríu
Viðarsdóttur og Steinunni Harðar-
dóttur, sem kallar sig stundum
Dj.flugvél og geimskip. Það verður
eiginlega að koma fram líka að
Steinunn málaði fram- og afturhlið
plötuumslagsins og fyrir það eitt og
sér er vínylplatan mikil og góð fjár-
festing því umslagið getur farið
beint upp á vegg, svo fínt er það.
En aftur að tónlistinni á Empire:
Söngkonurnar fjórar eru virkilega
vel valdar og þrátt fyrir þeirra ólíku
nálgun og mismunandi raddsvið og
tíðni þá gengur allt hundrað prósent
upp. Milli sungnu laganna eru svo
ósungin lög, hekluð úr einhverju æv-
intýragarni sem býr til lungamjúkt
og notalegt teppi sem er afar auðvelt
að vefja um hlustir sínar og kúra sig
í sófanum. Raddirnar fjórar gegna
samt mikilvægu hlutverki, því án
þessara sterku kvenna væri einbeit-
ing plötunnar mun minni og söng-
konurnar virka því eins og fjórir vit-
ar sem beina ljósum sínum í allar
réttu áttirnar svo hlustandinn rati
nú í gegnum hljóðheiminn heill á
húfi.
Empire er góður gripur sem á
fullt erindi til alls kyns hlustenda og
hér er tvímælalaust einn okkar flink-
asti raftónlistarmaður á ferð.
Ratað í gegnum hljóðheiminn
Iðinn Þrátt fyrir að hafa verið iðinn við kolann og gefið út fjöldann allan af smáskífum, stuttskífum og endurhljóðblöndun-
um fyrir aðra listamenn er Empire einungis önnur breiðskífa Muted sem heitir réttu nafni Bjarni Rafn Kjartansson.
Raftónlist
Muted – Empire bbbbn
Tónlist eftir Bjarna Rafn Kjartansson.
Textar eftir Ásdísi Maríu Viðarsdóttur,
Fanneyju Ósk Þórisdóttur, Jófríði Áka-
dóttur og Steinunni Harðardóttur.
Hljóðblöndun: Bjarni Rafn Kjartansson
og José Diogo Neves. Tónjöfnun: José
Diogo Neves. List á plötuumslagi: Stein-
unn Harðardóttir.
Muted gefur út í ágúst 2018.
RAGNHEIÐUR
EIRÍKSDÓTTIR
TÓNLIST
Ljósmynd/Bjarni Rafn Kjartansson
Við látum framtíðina rætast.
HEKLA · Laugavegi 170-174 · Reykjavík · Sími 590 5000 · hekla.is
Höldur Akureyri · Bílasala Selfoss · Bílás Akranesi · HEKLA Reykjanesbæ · BVA Egilsstöðum
www.volkswagen.is
Touareg Offroad.
3.0 TDI V6.
Verð 9.290.000 kr.
Tiguan Offroad.
Fjórhjóladrifinn og sjálfskiptur.
Verð 5.790.000 kr.
Tilboðsverð 4.990.000 kr.
T- Roc.
Fjórhjóladrifinn
og sjálfskiptur.
Verð 4.590.00 kr.
Tiguan Allspace.
7 manna og rúmgóður.
Verð 7.635.000 kr.
Tilboðsverð 6.990.000 kr.
Vetrardekk, dráttarkrókur
og gúmmímotta í farangursrými
fylgir öllum nýjum jeppum og
jepplingum í september.
Vetrarpakki fylgir
með í september.
Fjórhjóladrifna
fjölskyldan.