Morgunblaðið - 27.09.2018, Blaðsíða 55

MINNINGAR 55
MORGUNBLAÐIÐ FIMMTUDAGUR 27. SEPTEMBER 2018
✝ Kolbrún fædd-ist á Ísafirði
28. desember 1936.
Hún andaðist á
Landspítalanum
20. september
2018.
Kolbrún var
dóttir hjónanna
Bjarneyjar Þórðar-
dóttur, f. 6.3. 1905,
d. 3.1. 1970, og
Sigurðar Bents-
sonar, f. 23.10. 1906, d. 11.9.
1967, en ólst upp hjá hjónunum
Jónínu Ósk Guðmundsdóttur og
Bjarna Andréssyni. Systkini
Kolbrúnar eru Anna Ingibjörg,
Hafdís, Þórir Bent, Elsa Rós-
borg, Sigurjón og Gunnsteinn,
en hann er sá eini sem er eftir-
lifandi af þeim systkinum.
Kolbrún var gift Ara Auðuni
Jónssyni, f. 15.8. 1933, d.
29.11., 1974 en hann lést af
slysförum á Guðbjörgu ÍS 46.
Börn Kolbrúnar og
Ara Auðuns eru
Jón Valur, f. 31.7.
1956, Auður Ósk, f.
20.3. 1962, d. 2.7.
2017, Sigríður Kol-
brún, f. 29.3. 1966,
Bjarni Andrés, f.
13.7. 1971, og
Arna Hrönn, f. 2.6.
1975. Kolbrún
eignaðist einnig
Bryndísi Rut, f.
17.6. 1964. Kolbrún ólst upp á
Ísafirði til 12 ára aldurs og
flutti svo með fósturfjölskyldu
sinni í Laugarneshverfi í
Reykjavík en flutti síðar með
eiginmanni sínum og börnum
til Ísafjarðar. Ömmubörn Kol-
brúnar voru 16 og langömmu-
börn fimm.
Kolbrún Gerður verður jarð-
sungin frá Laugarneskirkju í
dag, 27. september 2018,
klukkan 15.
Elsku mamma mín. Á þessari
stundu lít ég yfir æviskeið okkar
saman í þessu lífi og rifja upp
góðu stundirnar sem við áttum
saman. Þakklæti er efst í huga
mínum, að hafa gefið mér líf,
stutt við mig og reynt að skilja
mig. Ég veit að lífið þitt gaf þér
endalaus verkefni að leysa og þú
upplifðir sorg of oft um ævina
þína. Þú hélst áfram, ólst upp
börnin þín, barnabörn og kennd-
ir okkur muninn á réttu og
röngu og fyrir það er ég þakk-
lát. Þú stóðst uppi sem sigur-
vegari og stolt en ég veit að þú
saknaðir alltaf pabba og talaðir
við hann í huga þínum. Þú barst
harm þinn í brjósti alla tíð sem
var erfitt fyrir okkur að horfa á.
Nú ertu komin til pabba, Elsu
Kristínar og Auðar og þau taka
þig í faðm sinn. Takk fyrir lífið
og samfylgdina, elsku mamma.
Minning um þig mun lifa í hjört-
um okkar barnanna.
Kærleikskveðja,
Arna Hrönn Aradóttir.
Tengdamamma hefur kvatt
okkur. Ef allt er eins og ég hef
ímyndað mér er hún komin í
faðm Ara síns sem hún hefur
saknað sárt í mörg ár. Hún er
líka alveg örugglega búin að
hitta Elsu Kristínu sína og fær
loksins að njóta hennar eftir
langan aðskilnað.
Síðustu ár hafa verið Kollu
erfið. Hún var mikið veik og átti
fleiri stundir inni á spítala en
heima hjá sér. Kolla var sterkur
persónuleiki sem lét engan segja
sér fyrir verkum og fékk hún nú
oftast sitt fram.
Kolla átti að mörgu leyti erf-
iða ævi, hún missti manninn sinn
ung í sjóslysi og þá ólétt að sínu
yngsta barni. Síðar átti hún eftir
að missa barnabarn sitt úr
krabbameini og sorgin hefur
verið mikil, mér fannst hún allt-
af bera þess merki að hafa mikla
sorg í hjarta sínu.
En hún var börnunum mínum
góð amma og ég þakka henni
fyrir það. Hún var ávallt boðin
og búin að passa fyrir okkur
Bjarna á meðan hún hafði heilsu
til. Mér finnst erfitt að hugsa til
þess að Soffía Ísabella yngsta
dóttir okkar hafi fengið að hafa
ömmu sína svona stutt hjá sér,
nú verða það bara sögur og
myndir sem hún þarf að alast
upp við til að fá mynd af henni.
Endar nú dagur, en nótt er nær,
náð þinni lof ég segi,
að þú hefur mér, Herra kær,
hjálp veitt á þessum degi.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sigurður Jónsson frá Prests-
hólum)
Takk fyrir allt, elsku Kolla,
við sjáumst seinna.
Þín tengdadóttir
Silja.
Tilvera okkar er undarlegt ferðalag.
Við erum gestir og hótel okkar er
jörðin.
Einir fara og aðrir koma í dag
því alltaf bætast nýir hópar í skörðin.
(Tómas Guðmundsson)
Elsku amma, þá ertu farin,
farin héðan frá okkur og yfir á
annan stað og tilverustig.
Fyrir ungan mann sem rétt
er að ljúka sínum fyrsta þriðj-
ungi á æviskeiði sínu er ómögu-
legt að setja sig í þau spor að
þurfa að kveðja lífið hérna.
Veikindi þín voru farin að taka
yfir, svo höfðu þau betur fyrir
rest en þú varst búin að berjast
vel og lengi.
Líf þitt hefur nú ekki verið
neinn dans á rósum, mörg hafa
áföllin verið en flest dundu þau
yfir áður en ég kom til sög-
unnar.
Á mínum fyrstu árum bjugg-
um við mamma hjá þér í Mel-
bænum. Þaðan á ég margar
minningar þótt ungur hafi verið.
Þar lærði ég t.d að hjóla, eign-
aðist mína fyrstu bílabraut, og
rauði bletturinn var í hvíta tepp-
inu eftir melónuna sem ég
reyndi að burðast með, Bósi var
ágætis félagi þó svo að hann hafi
bara verið hundur.
Við mamma fluttum svo í
Breiðholtið, í Írabakka, og þú
komst svo nokkrum árum seinna
þangað, í Hjaltabakkann. Í
Bakkana þar sem þið afi voruð
ein af frumbyggjum Breiðholts-
ins á sjöunda áratugnum.
Þar voru árin góð og var ég
mikið hjá þér þar. Daglega kom
ég til þín eftir skóla og oft gisti
ég hjá þér. Það held ég að séu
fáir sem tala eins mikið í svefni
og þú. Oft hrókasamræður sem
þú gast verið í í svefni.
Dugleg varstu að baka tertu
með gafflamynstri, þú eignaðist
svo rauðan Skóda með vöðva-
stýri. Á þessum kagga varstu
dugleg að þeytast um og vílaðir
það ekki fyrir þér að skjótast
vestur.
Svo leið nú að unglingsárum
mínum og var ég þá minna hjá
þér en alltaf var gott samband
okkar á milli. Ég fór svo að
stunda sjómennsku og var þá
aðallega spjallað í síma og svo
kom ég til þín eins og ég gat
þegar ég var í landi. Í okkar
spjalli um gömlu tímana kom
alltaf fram hvað þú hafðir gam-
an af því að dansa og unglings-
árin voru þér kær, þar áttir þú
góðan tíma í Laugarneshverfinu
þar sem útför þín fer fram í dag.
Amma mín, ég sit hérna og er
að skrifa þessi orð og hlusta á
gömlu lögin; Fats Domino, Elv-
is, Ragga Bjarna o.fl. Við kveðj-
um þig í dag, þínar jarðnesku
leifar en þú verður ávallt mér í
huga. Elsku amma, góða ferð og
þú skilar kveðju.
Ingimar Finnbjörnsson.
Kolbrún Gerður
Sigurðardóttir
✝ Louise KristínTheodórsdóttir
fæddist í Reykjavík
24. ágúst 1934. Hún
lést á Heilbrigðis-
stofnun Norður-
lands á Siglufirði
15. september
2018.
Louise Kristín
var dóttir
hjónanna Lauf-
eyjar Þorgeirs-
dóttur, f. 14.8. 1914, d. 29.7.
2009, og Theodórs Guðmunds-
sonar, f. 8.8. 1912, d. 21.12.
1981. Systkini hennar eru Hlíf,
f. 31.7. 1937, Þorgeir, f. 23.5.
1940, og Guðmundur Ægir, f.
20.2. 1952.
Lúlú, eins og hún var kölluð,
ólst upp í Reykjavík. Á yngri ár-
um starfaði hún við verslunar-
störf.
Lúlú giftist Ragnari Má Hans-
syni rafvirkjameistara, f. 12.6.
1954, d. 18.10. 2003. Foreldrar
hans voru Jóhanna Frederiksen
Þórðarson húsfreyja, f. 24.2.
1901, d. 1.6. 1993, og Hans
Ragnar Þórðarson stór-
kaupmaður, f. 19.11. 1901, d.
18.7. 1974.
Börn þeirra eru: 1) Jóhanna
Hlín Ragnarsdóttir hárgreiðslu-
meistari, f. 26. október 1954. M.
Karl Eskil Pálsson. Þau eiga
samtals fjögur börn. 2) Hans
Ragnar Ragnarsson vélvirki, f.
14. desember 1957. K. Kristín
Pálsdóttir. Þau eiga þrjú börn.
3) Laufey Theodóra
Ragnarsdóttir, f.
26. júní1961. Hún á
dóttur. 4) Særún
Hrund Ragnars-
dóttir leikskóla-
kennari, f. 15. mars
1966. M. Ingi Geir
Sveinsson. Þau eiga
þrjú börn.
Ættboginn er
langur. Barnabörn-
in eru samtals 11,
barnabarnabörnin eru samtals
20 og barnabarnabarnabörnin
eru orðin fimm talsins.
Tónninn var snemma sleginn
hjá Lúlú og var tónlist í háveg-
um höfð á æskuheimilinu. Pía-
nóið varð fyrir valinu í tónlistar-
náminu og meðal kennara
hennar var Victor Urbancic.
Lúlú og Ragnar Már hófu bú-
skap í höfuðborginni, sama ár
fæddist fyrsta barnið. Fjöl-
skyldan fluttist til Víkur í Mýr-
dal og bjó þar á árunum 1960 til
1964 er fjölskyldan flutti aftur
til höfuðborgarinnar. 1973 var
stefnan sett á Siglufjörð.
Lúlú hóf að kenna tónmennt
við grunnskólann og við Tón-
skóla Siglufjarðar kenndi hún á
blokkflautu og píanó, þar sem
hún kenndi allan sinn starfs-
aldur. Lúlú hafði yndi af prjóna-
skap og útsaumi.
Útför Louise Kristínar fer
fram frá Siglufjarðarkirkju í
dag, 27. september 2018,
klukkan 14.
Í dag kveð ég móður mína
sem hefur í gegnum tíðina verið
mín stoð og stytta. Ávallt tilbúin
að aðstoða eins og hún gat. Ég
kveð móður mína með ljóði eftir
Steingrím Thorsteinsson.
Svanfleyga sál!
Svifin til himins þú stundarheim yfir
sólhrein með englum í ljósvaka lifir,
nær lít eg þig, elskaða, burtfarna sál?
Seg, hvar þú skín;
Hve þögul er nóttin með þúshundruð
loga,
þín leitar sjón mín um stjarnanna
boga,
hvar má eg finna þig, heilaga vera?
hvenær fæ eg vængina, sem að mig
bera
til þín?
Þín dóttir,
Hanna Hlín.
Það er farið að húma að hausti
og trén fella laufin. Daginn er
tekið að stytta nokkuð hressilega
og skammdegið bankar á dyrnar.
Náttúran tekur á sig aðra mynd,
gróðurinn leggst í dvala og far-
fuglarnir undirbúa langt ferða-
lag. Sumarið hérna fyrir norðan
var gott og minningarnar einar
eftir. Þetta er einfaldlega lífsins
gangur.
Tengdamóðir mín til nærri
fjögurra áratuga, Louise Kristín
Theodórsdóttir, Lúlú, unni vor-
inu.
Á vorin kviknar einmitt líf í
kringum mann. Grasið grænk-
ar, lauf trjánna blómgast, ná-
grannar fara á stjá, börn kæt-
ast og leika sér úti. Á vissan
hátt minnir vorið á vonina og
jákvæðnina, sem svo mikilvægt
er að bera í brjósti sér.
Hjá okkur hjónunum var fast-
ur liður að fara til Lúlúar á vor-
in og undirbúa komu sumarsins.
Koma sumarhúsgögnunum fyrir
á pallinum, setja blóm í pottana
og dytta að ýmsu utandyra. Á
þessum stundum fann maður
hversu vel Lúlú kunni að meta
árstíðarskiptin. Hún kunni líka
vel að meta haustið, þá hófst
skólinn og tónlistarkennslan.
Segja má að tónninn hafi
snemma verið sleginn hjá Lúlú,
tónlistargyðjan gerði fljótt vart
við sig, enda var tónlist í háveg-
um höfð á æskuheimilinu í
Reykjavík og sömuleiðis á Siglu-
firði.
Píanóið varð fyrir valinu í tón-
listarnáminu og kennari hennar
var meðal annars Victor Urban-
cic. Með komu hans til landsins
á sínum tíma urðu miklar fram-
farir í tónlistarlífi höfuðborgar-
innar og landsins alls og því er
ekki ólíklegt að Urbancic hafi
haft djúp áhrif á sína nemendur.
Á þessum árum hvarflaði sjálf-
sagt ekki að unga píanónemand-
anum að tónlistarkennsla ætti
eftir að verða hennar ævistarf í
kaupstaðnum norður í landi,
Siglufirði, sem þekktur er fyrir
svo öflugt og líflegt tónlistar-
starf.
Sá sem kennir tónlist í ára-
tugi, hlýtur að hafa stuðlað að
því að stór hópur hefur lært að
njóta tónlistar og leika á hljóð-
færi. Lúlú er í þeim hópi þeirra
kennara. Á margan hátt stend-
ur Siglufjörður í þakkarskuld
við slíkan kennara.
Ættingjar og vinir kveðja í
dag Louise Kristínu, sem skilað
hefur góðu dagsverki. Góðar og
hlýjar minningar um hana lifa
og munu gera um ókomin ár.
Hún hefur sig nú til flugs með
farfuglunum.
Í mínum huga er vorið að
renna upp á nýjum áfangastað
kærrar tengdamóður.
Ingveldur Einarsdóttir samdi
fallegt ljóð um vorið, sem minnir
okkur á vonina og jákvæðnina.
Kæra vornótt, vertu hjá mér,
vef þú mig í faðmi þínum,
hverf þú síðan aldrei, aldrei,
aftur burt úr huga mínum.
Karl Eskil
Pálsson.
Louise Kristín
Theodórsdóttir
✝ Áslaug FjólaGuðmunds-
dóttir, bóndi frá
Ingólfshvoli í Ölf-
usi, fæddist á
Nesjavöllum í
Grafningi 25. febr-
úar 1926. Hún lést
á hjúkrunarheim-
ilinu Skjóli 23. júlí
2018.
Foreldrar henn-
ar voru Guðrún
Sæmundsdóttir, f. 1904, og
Guðmundur Jóhannesson, f.
1897, lengst bændur í Króki í
Grafningi. Þau eru bæði látin.
Áslaug Fjóla ólst upp í
Króki ásamt systkinum sín-
um. Þau eru Egill, f. 1921
(látinn), Guðrún Mjöll, f. 1923
(látin), Jóhannes Þórólfur, f.
1931, Sæunn Gunnþórunn, f.
1933, Jóhanna, f. 1936, Elfa
Sonja, f. 1944, Erlingur Þór,
f. 1947.
Ása, eins og hún var ávallt
kölluð, gekk í Flensborgar-
skóla sem unglingur. Hún
kynntist manni sínum, Kjart-
ani Hannessyni frá Stóra-
Hálsi í Grafningi,
þegar hann kom
sem kaupamaður
að Króki. Þau
voru kornung
þegar þau byrjuðu
búskap. Lengst af
bjuggu þau á Ing-
ólfshvoli í Ölfusi.
Áður bjuggu þau í
Hvassahrauni og
Hveragerði.
Þau hjónin
bjuggu stóru og góðu búi á
Ingólfshvoli. Saman eignuðust
þau sex börn. Þau eru: Hrafn-
hildur Bláey, Njáll Hannes,
Úlfar Grettir (d. 1965), Hrefna
Sóley, drengur, f. 1952, d.
sama ár, og Smári Kjartan.
Afkomendur Ásu og Kjartans
eru 50.
Eftir að Kjartan dó flutti
Ása til Reykjavíkur, þar
kynntist hún sambýlismanni
sínum, Pétri Geirssyni, f.
1916, hann lést af slysförum
árið 1995.
Útför hennar fór fram frá
Hafnarfjarðarkirkju 2. ágúst
2018.
Ása virtist ekki allra við
fyrstu kynni, en var viðræðu-
góð og skemmtileg eftir að við-
ræður voru hafnar. Henni gekk
mjög vel í skóla enda ágætlega
greind og var hún ákveðin í að
ganga menntaveginn. Hún
hafði sérlega gaman af allri
handavinnu sem lék í höndum
hennar eins og margt sem hún
tók sér fyrir hendur.
Fyrir löngu hitti ég konu á
svipuðum aldri og Ása, eitthvað
barst í tal fólkið í Króki. Konan
sagði mér að hún hefði verið í
Flensborgarskóla á sama tíma
og Ása og að hún hefði verið
mjög góður námsmaður og ver-
ið með hæstu einkunn þann
vetur sem hún var með henni í
skólanum.
Ása ætlaði sér að verða
kennari og hafði aðeins byrjað
að kenna sem farkennari. En
örlagadísirnar réðu ferð eins og
oft vill verða og Ása varð bóndi
ásamt eiginmanni sínum Kjart-
ani.
Lífið hennar Ásu var ekki
alltaf dans á rósum, oft var erf-
itt að láta alla hluti ganga upp
fyrstu árin. Þau hjónin voru
harðduglegt fólk og bjuggu
stóru og góðu búi á Ingólfs-
hvoli. Hún varð oft ein að sinna
heimili, börnum ásamt bú-
skapnum, þar sem Kjartan
vann við önnur störf að heiman
frá morgni til kvölds. En hún
hafði þann einstaka eiginleika
að gera gott úr hlutunum með
sínu jafnaðargeði og alltaf var
stutt í brosið.
Hún hafði mjög gaman af því
að dansa eins og fleiri af fólk-
inu frá Króki. Á seinni árum
lærði hún að spila á orgel og
var Pétur sambýlismaður henn-
ar, hennar helsti hvatamaður
og kenndi henni að spila.
Dansa, spila, syngja og njóta,
það var þeirra líf yndi.
Hún fór margar ferðirnar til
Kanaríeyja, einkanlega til að
heimsækja eldri dótturina
Hrafnhildi og fjölskyldu hennar
sem þar býr. Naut hún þess að
vera hjá þeim löngum stundum.
Ása dvaldi síðustu árin á
hjúkrunarheimilinu Skjóli.
Við feðgin biðjum Áslaugu
blessunar og vottum venslafólki
hennar virðingar. Farðu í Guðs
friði.
Friðrik Hermannsson og
Kolbrún Friðriksdóttir.
Áslaug Fjóla
Guðmundsdóttir
FALLEGIR LEGSTEINAR
Auðbrekku 4, 200 Kópavogi, sími: 537-1029, www.bergsteinar.is
Á góðu verði
Verið velkomin
Opið: 10-17 alla virka daga
Hugheilar þakkir til allra sem sýndu okkur
samúð og hlýhug við andlát og útför móður
minnar, tengdamóður, ömmu og
langömmu,
BJARNHILDAR HELGU
LÁRUSDÓTTUR.
Ragnheiður M. Guðmundsd. Ragnar Ágúst Edvaldsson
Bjarnhildur Helga Ragnarsd. Magnús Finnbogason
Þórunn Magnea Ragnarsd.
Eðvald Ágúst Ragnarsson
Jóhanna Dís Magnúsdóttir
Magnús Ingi Magnússon