Morgunblaðið - 27.09.2018, Blaðsíða 22

22 FRÉTTIRInnlent
MORGUNBLAÐIÐ FIMMTUDAGUR 27. SEPTEMBER 2018
Helgi Bjarnason
helgi@mbl.is
Landsvirkjun hyggst byggja
göngu- og reiðbrú yfir Þjórsá við
Búrfellshólma. Tilgangurinn er að
bæta aðgengi að Búrfellsskógi
sem hefur versnað vegna fram-
kvæmda við Búrfellsstöð 2. Brúin
mun tengja saman kerfi reiðvega
og göngustíga sem eru beggja
vegna Þjórsár, það er að segja í
sveitarfélögunum Rangárþingi
ytra og Skeiða- og Gnúpverja-
hreppi.
Bygging brúarinnar er liður í
mótvægisaðgerðum vegna fram-
kvæmda við Búrfellsstöð 2 sem
var gangsett í sumar. Leiðin í
Búrfellsskóg að vestanverðu lá yf-
ir frárennslisskurð sem ekki var
vatn í fyrr en Búrfellsvirkjun 2
var tekin í notkun.
Breytt áform
Óli Grétar Blöndal Sveinsson,
framkvæmdastjóri þróunarsviðs
Landsvirkjunar, kynnti áform um
brúargerð á fundi með fulltrúum
sveitarstjórna Skeiða- og Gnúp-
verjahrepps og Rangárþings ytra
fyrr í mánuðinum. Óli Grétar segir
að áformin hafi breyst vegna óska
Skeiða- og Gnúpverjahrepps sem
fram komu í rammaskipulagi
Þjórsárdals frá árinu 2013. Nú sé
ætlunin að byggja brú á gamla
farveg Þjórsár, ofan við Þjófafoss,
á milli Bjarnalóns og Búrfells-
stöðvar.
Með þessu móti verður aðgengi
að Búrfellsskógi auðveldað til
muna fyrir gangandi umferð og
ríðandi. Þetta þýðir að reiðvega-
og göngustígakerfi Rangárþings
ytra tengist við Búrfellsskóg með
smá viðbót frá Þjófafossi og jafn-
framt við reiðleiðir í Skeiða- og
Gnúpverjahreppi.
Auknir útivistar-
möguleikar
„Við erum mjög jákvæð fyrir
þessu,“ segir Kristófer A. Tóm-
asson, sveitarstjóri Skeiða- og
Gnúpverjahrepps, um brúar-
áformin. Hann segir að þessi um-
ræða hafi vaknað þegar ákveðið
var að stækka Búrfellsvirkjun.
Sveitarstjórn hafi viljað að Lands-
virkjun kæmi til móts við íbúa
sveitarfélagsins vegna þess rasks
sem fylgdi framkvæmdinni en tók
þó fram að Landsvirkjun hefði
haldið því í lágmarki og gengið vel
frá eftir sig. Þess má geta að
stöðvarhús Búrfellsstöðvar 2 er
grafið djúpt inn í Sámsstaðaklif.
Ofanjarðar eru aðrennslisskurður
sem leiðir vatnið úr lóninu og frá-
rennslisskurður sem tekur við
vatninu úr stöðvarhúsinu og leiðir
út í Fossá.
Kristófer segir að útivistar-
möguleikar batni mjög við betra
aðgengi að Búrfellsskógi og þar
skapist einnig tækifæri til að
planta trjám til að kolefnisjafna
verkefni.
Óli Grétar segir að þeir sem
nauðsynlega þurfa að aka í Búr-
fellsskóg geti áfram farið fyrir
frárennslisskurð Búrfells 2 og
eftir slóða inn í Búrfellsskóg.
Hestamenn geti einnig farið þá
leið.
Kostar 300-400 milljónir
Sú útfærsla á brú sem nú er
rætt um yrði 45 metra löng og
2,5 metrar að breidd. Kostnaður
er áætlaður 300-400 milljónir.
Breyta þarf aðalskipulagi
sveitarfélaganna, gera jarðfræði-
rannsóknir, hanna brú og bjóða
út. Talið hefur verið raunhæft að
miða við að byggja brúna sum-
arið 2020. Óli Grétar segir að
vinna við breytingar á aðal-
skipulagi sveitarfélaganna sé á
lokastigi og texti um þessa
breytingu verði settur þar inn.
Því sé hugsanlegt að hefja fram-
kvæmdir fyrr, eða haustið 2019.
Tengir saman stíga við Búrfell
 Landsvirkjun áformar að byggja göngu- og reiðbrú við Búrfellshólma  Bætir aðgengi að
Búrfellsskógi og tengir við reiðleiðir austan Þjórsár  Auknir útivistarmöguleikar í Búrfellsskógi
Göngubrú yfir Þjórsá Heimild: Landsvirkjun
Búrfells-
stöð II
Búrfells-
stöð II
BjarnarlónBúrfells-
stöð
Búrfells-
stöð
Búrfellsskógur
Bú
rfe
ll
Bú
rfe
llReið- og göngubrú
við Búrfellshólma
Reið- og gönguslóði
Reið- og
gönguslóði
Reið- og
gönguslóði
Morgunblaðið/Sigurður Bogi
Þjórsá Slóðar hafa verið lagðir austan Þjórsár að Þjófafossi. Fyrirhuguð göngubrú er ofar á ánni en litla viðbót þarf til að tengja slóðakerfið við brúna.
Bragð af
vináttu • Hágæðagæludýrafóður
framleitt
í Þýskalandi
• Bragðgott og
auðmeltanlegt
• Án viðbættra
litar-, bragð- og
rotvarnarefna
Útsölustaðir:
Byko, Gæludýr.is,
4 loppur, Multitask,
Launafl, Vélaval, Landstólpi.
F
IM
M
TU
DAGSLEIKU
R
•
M
O
RGUNBLAÐ
SI
N
S
•
FINNDU
HAPPATÖLUNA
Í BLAÐINU
– og þú gætir dottið
í lukkupottinn