Morgunblaðið - 27.09.2018, Blaðsíða 49

UMRÆÐAN 49
MORGUNBLAÐIÐ FIMMTUDAGUR 27. SEPTEMBER 2018
Bloggari nokkur hef-
ur kvartað yfir grein
þar sem ég voga mér að
halda því fram að
þjóðernissinnar hafi
ýkt vandamálin sem
fylgja komu mikils
fjölda innflytjenda til
Svíþjóðar á skömmum
tíma. Hann tekur þetta
til sín, enda virðist
hann hafa gert það að
markmiði lífs síns að lýsa Svíþjóð
sem ríki óttans. Finna skal Svíþjóð
allt til foráttu, hún skal vera verst
eða næstverst í öllum samanburði við
önnur lönd. Samt kemur fram á
bloggsíðu hans að hann hefur kosið
að búa í þessu fallega og friðsama
landi.
Í greininni segi ég að mikil fjölgun
innflytjenda á síðustu áratugum hafi
valdið verulegum vandamálum í Sví-
þjóð. Til að mynda er bent á að skýrt
hefur verið frá því að af 112 mönnum
sem dæmdir voru fyrir hópnauðgun í
Svíþjóð á árunum 2012-2017 hafi 82
fæðst í löndum utan Evrópu. Enn-
fremur er skírskotað í greininni til
upplýsinga sem koma fram í bók
sænska hagfræðingsins Tino San-
andaji. Þar kemur m.a. fram að um
53% þeirra sem afplána langa fang-
elsisdóma í Svíþjóð fæddust í öðrum
löndum. Um 54% atvinnulausra og
60% þeirra sem fá félagslega fram-
færslustyrki fæddust utan Svíþjóðar.
Rúm 70% barna fátækra fjölskyldna
eru af erlendum uppruna og 76% af
meðlimum glæpa-
gengja koma úr röðum
innflytjenda. Við þetta
má bæta að of margir
ungir menn hafa beðið
bana í átökum glæpa-
gengja síðustu árin og
skotárásum hefur fjölg-
að verulega, eins og
fjallað hefur verið um í
sænskum fjölmiðlum.
Bloggarinn skrifar
grein í miðopnu Morg-
unblaðsins og bendir
réttilega á að fjöldi
myrtra í skotárásum karlmanna á
aldrinum 15-29 ára er mestur í Sví-
þjóð í samanburði við tólf Evrópu-
lönd. Hann lætur þó hjá líða að geta
þess að fjöldi myrtra er í meðallagi í
Svíþjóð í samanburði við hin löndin
þegar litið er til skotárása þeirra sem
eru þrítugir eða eldri (eins og fram
kemur í European Journal of crim-
inal policy and research). Svíþjóð
telst koma of vel út í þeim saman-
burði og þjóðernissinnar vilja því láta
þetta liggja í þagnargildi.
Í greininni bendi ég einnig á það er
út í hött að líta á alla innflytjendur
sem hugsanlega morðingja eða
nauðgara þótt 0,3% þeirra hafi verið
ákærð fyrir nauðgun eða tilraun til
nauðgunar og 0,03% fyrir morð.
Glæpavarnastofnun Svíþjóðar hefur
greint frá því að kærðum nauðg-
unum hafi fjölgað í landinu um 10% á
síðasta ári. Afbrotafræðingur stofn-
unarinnar segir þó að nauðgunum ut-
andyra hafi ekki fjölgað, heldur
fækkað. „Fjölgunin skýrist af nauðg-
unum innandyra, þegar brotamaður-
inn er maki konunnar eða einhver
sem hún þekkir.“
Í tölvupósti frá íslenskum þjóð-
ernissinna var ég vændur um að hafa
gert lítið úr þjáningum kvenna sem
hafa orðið fyrir hópnauðgunum. Þess
vegna vil ég taka skýrt fram að hóp-
nauðganir eru viðbjóðslegar og hafa
skelfilegar afleiðingar fyrir fórnar-
lömbin, óháð því af hvaða þjóðerni
nauðgararnir eru. Hið sama er að
segja um nauðganir innan veggja
heimilanna, m.a. kynferðisbrot gegn
börnum, þegar gerendurnir eru í
mörgum tilvikum innfæddir Svíar.
Í einu af fjölmörgum bloggum sín-
um um glæpi innflytjenda kjamsaði
bloggarinn á því að Svíþjóð væri orð-
ið „næst versta nauðgunarland
heimsins, aðeins Lesotho í Suður
Afríku“ væri verra. Hann skírskotaði
til frétta sem sumir fjölmiðlar og
þjóðernissinnaðir bloggarar hafa
gert sér mikinn mat úr. Fréttirnar
byggjast á alþjóðlegum saman-
burðartölum sem eru mjög hæpnar,
svo vægt sé til orða tekið. Samkvæmt
þeim eru um 63,5 nauðgunartilvik
kærð í Svíþjóð á hverja 100.000 íbúa,
27,3 í Bandaríkjunum og 27,9 í Belg-
íu, svo dæmi séu tekin.
Afbrotafræðingar segja að ekki sé
hægt að nota slíkar tölur til að bera
saman fjölda nauðgana, m.a. vegna
þess að skilgreiningarnar á nauðg-
unum eru mismunandi eftir löndum.
Skilgreiningin á því hvað telst nauðg-
un er rýmri í Svíþjóð en víða um
heim. Kynferðislegt ofbeldi, sem Sví-
ar skrá sem nauðgun, telst ekki vera
nauðgun í sumum löndum, heldur lík-
amsárás. Skilgreiningunni var breytt
í Svíþjóð árið 2005.
Þar að auki eru tölurnar ekki sam-
bærilegar vegna þess að í sumum
löndum byggjast þær á fjölda þeirra
sem kæra nauðgun en í öðrum á
fjölda kærðra nauðgana. Þetta hefur
mikla þýðingu í tengslum við heim-
ilisofbeldi og getur skipt miklu máli í
samanburðinum milli landa. Til að
mynda ef kona í Svíþjóð kærir maka
sinn fyrir nauðgun á hverju kvöldi í
tvær vikur teljast nauðgunartilvikin
vera fjórtán. Í öðrum löndum væri
kæran skráð sem eitt tilvik.
Enn fremur hefur verið bent á að
mikil umræða hefur verið um kyn-
bundið ofbeldi í Svíþjóð og konur þar
eru líklegri til að kæra nauðgun en
kynsystur í öðrum löndum þar sem
það er álitið skömm fyrir konu ef
henni er nauðgað. Rannsóknir á kyn-
bundnu ofbeldi í Svíþjóð benda til
þess að nauðganir séu álíka tíðar þar
og í löndum á borð við Danmörku og
Holland.
Þjóðernissinnar virða allar þessar
ábendingar að vettugi vegna þess að
þær samræmast ekki pólitískum
rétttrúnaði þeirra. Bloggarinn segir í
miðopnugreininni í Morgunblaðinu
að það yrði „heimsfrétt“ ef sænsk
eiginkona eða stúlka kærði fjórtán
nauðganir innan veggja heimilis síns
og hann vanmetur þar tíðni slíkra
kynferðisbrota í Svíþjóð og fleiri
löndum. Þrátt fyrir andúðina á íslam
virðist hann einnig ganga út frá því
sem vísu að nauðganir séu algengari í
Svíþjóð en í löndum á borð við Sádi-
Arabíu þar sem flestum fórnarlamba
nauðgana dettur ekki einu í sinni í
hug að kæra kynferðisofbeldið vegna
kvennakúgunar.
Það hentar ekki heldur pólitískum
markmiðum þjóðernissinna að benda
á að manndrápum hefur fækkað í
Svíþjóð frá árinu 1990, þrátt fyrir
mikla fjölgun innflytjenda í landinu
síðan þá, eins og sænska glæpa-
varnastofnunin hefur bent á. Hafa
skal það sem betur hljómar í póli-
tíska rétttrúnaðinum.
Þjóðernissinnum er einnig mikið í
mun að þagga niður í þeim sem voga
sér að benda á að morðtíðnin í Sví-
þjóð er lág miðað við mörg önnur
lönd. Í Svíþjóð voru framin 1,08 morð
á hverja 100.000 íbúa árið 2016 og
morðtíðnin var mun meiri í grannrík-
inu Finnlandi, eða 1,42 á hverja
100.000 íbúa (skv. upplýsingum frá
Eurostat og UNODC, fíkniefna- og
glæpamálastofnun Sameinuðu þjóð-
anna). Þjóðernissinnum hentar ekki
að ræða mikinn fjölda manndrápa í
Finnlandi vegna þess að þar eru
færri innflytjendur en í Svíþjóð. Í
Ungverjalandi, sem þjóðernissinnar
dásama þessa dagana, er morðhlut-
fallið enn hærra, eða 1,91 á hverja
100.000 íbúa. Varla er það innflytj-
endum að kenna?
Bloggarinn og þjóðernissinnarnir
halda örugglega áfram að ýkja
vandamálin í Svíþjóð og japla á
gömlu tuggunni um þöggun. Viðbúið
er að þeir haldi áfram að staglast á
því að fjölgun flóttamanna frá Mið-
Austurlöndum á síðustu árum hafi
leitt til ógurlegrar hrinu glæpa og
orðið til þess að Svíþjóð hafi breyst
úr friðsömu samfélagi í land skot-
árása, morða, nauðgana og ótta. Og
eflaust halda fjölmiðlar áfram að
hampa ýkjunum, ef það þjónar póli-
tískum rétttrúnaði þeirra.
Ýkjur þjóðernissinna
og pólitíski rétttrúnaðurinn
Eftir Boga Þór
Arason » Í einu af fjölmörgum
bloggum sínum um
glæpi innflytjenda
kjamsaði bloggarinn á
því að Svíþjóð væri orð-
ið „næst versta nauðg-
unarland heimsins, að-
eins Lesotho“ væri
verra.
Bogi Þór Arason
Höfundur er blaðamaður.
Sjónmælingar eru okkar fag
Tímapantanir
í síma:
Optical Studio
í Smáralind
sími 5288500
Optical Studio
í Keflavík
sími 4213811
Optical Studio
í Leifsstöð
sími 4250500