Skessuhorn - 17.06.2015, Síða 46

MIÐVIKUDAGUR 17. JÚNÍ 201546
Hvað finnst þér vera stærsta
skrefið sem stigið hefur
verið í átt til jafnréttis?
Spurning
vikunnar
Margrét Ragnarsdóttir:
„Jafnlaunastefnan.“
Ásthildur Ósk Ragnarsdóttir:
„Stærsta sýnilega skrefið myndi
ég telja að væri kosningaréttur-
inn. Það var ekkert smá skref
sem var stigið þegar konur fengu
kosningarétt.“
Dýrfinna Torfadóttir:
Þegar konur hlutu kosningarétt:
Sigrún Sigurðardóttir:
„Ætli það hljóti ekki að vera
kosningarétturinn.“
Ósk Jóhannesdóttir (t.v.) og
Guðrún Daníelsdóttir (t.h.):
„Kosningaréttur kvenna fyrir
hundrað árum, við erum sam-
mála um það.“
(Spurt á Akranesi)
Allir sem eru 50 ára og eldri
geta tekið þátt í keppnisgreinum
fimmta Landsmóts UMFÍ 50+
sem haldið verður á Blönduósi
dagana 26.-28. júní næstkomandi.
Hægt verður að taka þátt hvort
sem fólk er skráð í ungmennafélag
eða ekki. Þátttakendur greiða eitt
mótsgjald, 3.500 krónur, og öðl-
ast þar með þátttökurétt í öllum
keppnisgreinum. Á mótinu verð-
ur jafnframt boðið upp á fyrir-
lestra um heilbrigðan lífsstíl ásamt
heilsufarsmælingum.
Fjölmargar keppnisgreinar
verða í boði á Landsmótinu. Það
eru hestaíþróttir, frjálsar, boccia,
bridds, dráttavélaakstur, golf, línu-
dans, júdó, lomber, pútt, ringó,
skák, skotfimi, starfshlaup, Dala-
hlaup, sund, pönnukökubakstur
og stígvélakast. „Markmið móts-
ins er að skapa fólki 50 ára og eldri
vettvang til að koma saman og
keppa í hinum ýmsu íþróttagrein-
um og kynna um leið þá mögu-
leika sem eru í boði til þess,“ segir
í tilkynningu. Nánari upplýsing-
ar má finna á heimasíðu mótsins
á síðunni www.umfi.is. Skráningin
fer fram á skraning.umfi.is.
mm
Lomber og stígvélakast meðal
keppnisgreina á Landsmóti 50+
Norðurálsmótið í knattspyrnu fyrir
7. flokk karla verður haldið á Akra-
nesi um næstu helgi, dagana 19. - 21.
júní. Mótið er stærsti árlegi íþrótta-
viðburður sem haldinn er á Vestur-
landi. Að þessu sinni eru skráð til
leiks 176 lið frá 30 félögum og kepp-
endur eru alls um 1.450 talsins og að
sögn Jóns Þórs Haukssonar, yfirþjálf-
ara yngri flokka knattspyrnufélags
ÍA, eru það talsvert fleiri en í fyrra og
í raun metfjöldi þátttakenda. Kepp-
endum fylgja svo þjálfarar, fararstjór-
ar og fleiri á vegum íþróttafélaganna
og svo auðvitað foreldrar og aðr-
ir gestir. Því má reikna með að um
4.000 manns sæki Akranes heim á
einhverjum tímapunkti um helgina.
Mótið hefst formlega á föstudag-
inn klukkan 11:00 með skrúðgöngu
og setningarathöfn í Akraneshöll. Að
sögn Jóns Þórs hefur undirbúningur
mótsins gengið afar vel. „Við búum
svo vel að hafa hóp af fólki sem hef-
ur mikla reynslu af mótinu. Einnig er
vel haldið utan um allar upplýsing-
ar á milli ára sem auðveldar vinnuna
mikið. Það er gríðarlega mikill fjöldi
fólks sem kemur að undirbúningn-
um með einum eða öðrum hætti sem
vinnur ómetanlegt starf fyrir knatt-
spyrnufélagið. Án þeirrar fórnfýsi
væri ómögulegt að framkvæma þetta
stórmót,“ segir hann.
„Okkar markmið er að keppendur
fái góða upplifun af keppni í knatt-
spyrnu. Margir eru að stíga sín fyrstu
skref í keppni. Öll okkar vinna miðast
við að sú reynsla verði góð og allir fari
glaðir heim eftir gott og vel heppn-
að mót, jafnt börn sem fullorðnir,“
segir Jón Þór og bætir því við hve
skemmtilegt sé að fylgjast með strák-
unum hefja sinn knattspyrnuferil af
þeirri gleði og ástríðu sem þeir hafi
fyrir leiknum. Að lokum vill hann
koma á framfæri þökkum til allra sem
að mótinu koma. „Um 600 sjálfboða-
liðar vinna hörðum höndum að því
að mótið geti farið fram og án þeirra
væri þetta ómögulegt. Einnig erum
við afar þakklát bæjarbúum fyrir
gott viðmót á meðan á móti stend-
ur sem og Akraneskaupstað og fyrir-
tækjum sem bæði stór og smá styrkja
og styðja mótið með stórkostlegum
hætti,“ segir Jón Þór að lokum.
Ýmsar praktískar upplýsingar
um mótið má lesa á bls. 23-26.
kgk
Norðurálsmótið á
Akranesi um helgina
Á laugardaginn fór fram keppni í
skotfimi á svæði Skotfélags Akraness.
Keppt var í svokallaði skeet-skotfimi.
Hún gengur út á að keppendur nota
haglabyssur og skjóta leirdúfur sem
kastað er frá tveimur kastturnum á
svæðinu. Keppendur voru alls 14 tals-
ins, bæði konur og karlar, alls staðar af
landinu. Keppnin var hluti af lands-
mótaröð Skotsambands Íslands. Þeir
voru frá hinum ýmsu aðildarfélög-
um. Stefán Gísli Örlygsson keppti
fyrir hönd Skotfélags Akraness. Hann
var jafnframt eini Vestlendingurinn á
mótinu. „Mótið gekk afar vel fyrir sig.
Aðstaðan er að verða til fyrirmyndar
hjá okkur. Við lentum í foktjóni í vet-
ur þar sem hluti af húsakostinum fauk.
Það hefur verið endurnýjað. Svæðið
er orðið mjög snyrtilegt og fínt. Það
er töluvert notað og er alltaf að fjölga
þeim sem leggja stund á þessa íþrótt.
Svæðið er bæði notað til æfinga og
keppni auk þess sem við prófum verð-
andi hreindýraskyttur fyrir Umhverf-
isstofnun,“ segir Stefán Gísli.
Lokaútslitin á mótinu á laugar-
dag urðu eftirfarandi:
1. sæti: Sigurður Unnar Hauksson
frá Skotfélagi Reykjavíkur með 124
stig.
2. sæti: Örn Valdimarsson frá Skot-
félagi Reykjavíkur með 123 stig.
3. sæti: Guðlaugur Bragi Magnússon
frá Skotfélagi Akureyrar og Stefán
Gísli Örlygsson frá Skotfélagi Akra-
ness, báðir með 121 stig. mþh
Ólympísk skeet-keppni í
skotfimi á Akranesi
Kjartan Örn Kjartansson frá Skotfélagi
Reykjavíkur og Stefán Gísli Örlygsson
frá Skotfélagi Akraness á góðri stundu
milli skotpalla.
Stefán Gísli mundar haglabyssu sína af Beretta-gerð á mótinu sem var háð í
veðurblíðu á Skaganum.
Dagskrá þjóðgarðsins Snæfellsjök-
uls er komin út og er hún aðgengi-
leg á heimasíðunni snaefellsjokull.
is og á facebook-síðu þjóðgarðsins.
Boðið er upp á göngu- og nátt-
úruskoðunarferðir undir leiðsögn
landvarða og sérfróðra manna.
Göngurnar eru gestum að kostn-
aðarlausu nema ganga á Jökul-
inn um sumarsólstöður. Um helg-
ar verða fastar göngur frá 20. júní
til 20. ágúst en auk þeirra verður
m.a. farið í selaskoðun, gengið á
Bárðarkistu, sögum miðlað, farið í
Tröllakirkju, fræðst um fornminj-
ar á Gufuskálum og hægt að kynn-
ast störfum landvarða. Þær ferðir
verða sérstaklega auglýstar þegar
nær dregur. Pólskur túlkur verður
með í för í ferð í ágúst en marg-
ir Pólverjar búa í nágrenni þjóð-
garðsins og eru þeir sérstaklega
hvattir til að mæta. Allir eru vel-
komnir í ferðir þjóðgarðsins.
Guðríðar Þorbjarnardóttur
minnst 19. júní
Þjóðgarðurinn Snæfellsjökull og
Soroptimistaklúbbur Snæfellsness
standa fyrir gönguferð um æsku-
slóðir Guðríðar Þorbjarnardótt-
ur föstudaginn 19. júní. Ferðin er
í tilefni af því að 100 ár eru liðin
frá því að konur á Íslandi fengu
kosningarétt en Guðríður er verð-
ugur fulltrúi þeirra. Hún ólst upp
á Laugarbrekku við Hellna, sigldi
ung til Grænlands og þaðan til
Vínlands. Seinna á ævinni gekk
hún suður til Rómar en síðustu
árin bjó hún í Skagafirði. Gengið
verður um Laugarbrekku og rætt
um uppvöxt hennar og ævi. Ferð-
in byrjar kl. 20 og stendur í um tvo
tíma. Leiðsögumenn verða Sæ-
mundur Kristjánsson og Ragn-
hildur Sigurðardóttir.
Tvær göngur verða á vegnum
Þjóðgarðsins í tilefni af sumarsól-
stöðum. Farið verður í um tveggja
tíma ferð á fjallið Hreggnasa kl.
22:30 laugardaginn 20. júní. Þá
verður gengið á Jökulinn sama dag
og er brottför kl. 18 frá Arnar-
stapa. Sú ferð er í samstarfi við Go
West sem sjá um skipulag og bók-
anir í síma 695 9995. Ferðin tek-
ur um 6-8 tíma og er verð í þá ferð
12.000 kr. -fréttatilkynning
Fjölbreyttar göngur í
þjóðgarðinum í sumar