Skessuhorn - 17.06.2015, Síða 47

MIÐVIKUDAGUR 17. JÚNÍ 2015 47
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
Eins og Skessuhorn greindi frá í
síðustu viku hefur Frjálsíþróttafélag
Borgarfjarðar lagt í það stórvirki að
festa kaup á nýjum og fullkomn-
um tímatökutækjum, en slík tæki
eru ein forsenda þess að félagið geti
haldið lögleg frjálsíþróttamót. „Ef
það á að halda úti einhverju frjáls-
íþróttastarfi verður að vera hægt
að bjóða upp á mót öðru hvoru. Ef
maður getur það ekki verður þetta
starf dálítið erfitt allt saman. Þetta
eru sem sagt rafmagnstímatökutæki
sem við vorum að fjárfesta í, lögleg
tímatökutæki, nú til dags er ekki
nóg að vera bara með gömlu góðu
skeiðklukkurnar.“ sagði Bjarni Þór
Traustason, gjaldkeri Frjálsíþrótta-
félags Borgarfjarðar, í samtali við
Skessuhorn. Hann bætir því við að
ákveðið hafi verið að ráðast í þessa
fjárfestingu vegna aukins áhuga á
frjálsum íþróttum og nefnir í því
samhengi SamVest, samstarfsverk-
efni íþróttafélaga á Vesturlandi og
sunnanverðum Vestfjörðum. „Með
tilkomu SamVest kemur meira ut-
anumhald um frjálsíþróttastarfið,
það er alltaf einhver dagskrá í gangi
og við erum að reyna að spila að-
eins með í því,“ segir hann.
Á dögunum voru tækin afhent
og af því tilefni var boðað til opins
barna- og unglingamóts í Borgar-
nesi miðvikudaginn 10. júní þar sem
tækin voru vígð. „Þarna voru um
hundrað keppendur frá 16 ára og
allt niður í fjögurra ára. Mótið gekk
mjög vel fyrir sig og nýju tímatöku-
tækin virkuðu,“ segir Bjarni glaður
í bragði og bætir því að hann hafi
verið með 30 krakka í frjálsíþrótta-
skóla UMFÍ í vikunni og því ákveð-
ið að halda mótið þennan dag svo
þau gætu einnig tekið þátt.
Að sögn Bjarna hafa fjölmargir
komið að fjármögnun tækjakaup-
anna með einum eða öðrum hætti.
„Ungmennafélag Stafholtstungna
styrktu mjög ríflega, SamVest fékk
tvo styrki sem voru lagðir í þetta. Ei-
ríkur Ingólfsson smiður, sem fagn-
aði stórafmæli sínu fyrir skömmu,
ákvað að nýta tækifærið og styrkja
UMSB og það fé var látið renna til
þessara tækjakaupa. Það er ágætt að
þeir sem gáfu viti hvert peningarnir
fóru,“ segir Bjarni glaður í bragði.
„Svo styrktu UMSB og aðildar-
félög innan sambandsins okkur eft-
ir fremsta megni,“ bætir Bjarni við
og nefnir að Kvenfélög á svæðinu,
Rótarý- og Lionsklúbburinn hafi
einnig lagt þeim lið.
„En mín von og trú var sú að
Borgarbyggð kæmi að þessu með
veglegum hætti. Það var búið að
setja á stefnuskrána að keypt yrðu
ný tímatökutæki fyrir Unglinga-
landsmót UMFÍ sem á að halda hér
á næsta ári. Ég leit þannig á málið
að fyrst þetta var sett í stefnuskrána
hlytu þau að ætla sér að taka stóran
þátt í þessu. Ég er ekki alveg nógu
sáttur með hikstið í Borgarbyggð í
þessu máli, það hefur aðeins stað-
ið á svörum frá þeim,“ segir Bjarni
ómyrkur í máli. kgk/ Ljósm. tfk.
Ný tímatökutæki tekin í notkun í Borgarnesi
Ánægðir keppendur með verðlaunapeningana sem þeir fengu á mótinu.
Spretthlaupskappar koma í mark á frjálsíþróttamótinu í síðustu viku.
Skagamenn heimsóttu erkifjendurna
í KR í Frostaskjólið í áttundu umferð
úrvalsdeildar karla í knattspyrnu á
mánudagskvöldið. Leikurinn byrjaði
fjörlega og bæði lið sóttu. Strax á 7.
mínútu leiksins bjargaði Gylfi Veig-
ar Gylfason glæsilega á marklínu eftir
þunga sókn KR-inga. Aðeins þrem-
ur mínútum síðar fékk Ásgeir Mar-
teinsson dauðafæri þegar hann komst
einn í gegn, lék á markvörð KR-inga
en skaut framhjá opnu markinu úr
nokkuð þröngu færi. Skagamenn
léku vel sín á milli og voru betri aðil-
inn í leiknum framan af en KR-ingar
komust hægt og sígandi inn í leikinn
og jafnræði var með liðunum síðasta
korter fyrri hálfleiks. Aðeins mínútu
áður en hálfleiksflautan gall kom Ás-
geir Marteinsson Skagamönnum yfir
þegar hann skallaði frábæra fyrirgjöf
Ólafs Vals Valdimarssonar í bláhorn-
ið.
Síðari hálfleikur hófst þar sem sá
fyrri endaði. Bæði lið sköpuðu sér
færi en í þetta sinn höfðu heima-
menn heldur yfirhöndina. Þeir fengu
þrjú ákjósanleg marktækifæri á fimm
mínútum, það besta fékk Óskar Örn
Hauksson þegar hann þrumaði bolt-
anum hátt yfir fyrir opnu marki.
Það var hins vegar á 61. mínútu að
KR-ingar jöfnuðu. Óskar Örn átti þá
skot sem fór af Almarri Ormarssyni
og í markið.
Eftir þetta duttu Skagamenn held-
ur til baka og vörðust sóknaraðgerð-
um heimamanna. Lokamínúturn-
ar voru þó heldur betur fjörugar. Ár-
mann Smári bjargaði á línu frá Jacop
Schoop og örfáum sekúndum síðar
mátti litlu á muna að Þorsteinn Már
Ragnarsson næði að skora úr dauða-
færi en Árni Snær varði frá honum
í marki Skagamanna. Næsta kapít-
ula í æsilegum lokamínútum skrifaði
Jón Vilhelm Ákason. Hann átti frá-
bært skot af um 25 metra en Stefán
Logi í marki KR-inga náði að koma
hönd á boltann áður en hann small í
þverslánni. Lokatölur í Frostaskjól-
inu, 1-1.
Næsti leikur Skagamanna verður
á Akranesvelli mánudaginn 22. júní.
Þá fá þeir Keflvíkinga í heimsókn og
verður sá leikur að sjálfsögðu í beinni
á vef Skessuhorns. kgk
ÍA gerði jafntefli við KR
Ásgeir Marteinsson skoraði mark ÍA þegar liðið gerði jafntefli við KR í fjörugum
leik í Frostaskjólinu á mánudag. Ljósm. úr safni frá leik við Víking R: gbh.
Ágúst Júlíusson sundkappi af Akra-
nesi var í sundlandsliði Íslands á
Smáþjóðaleikunum sem haldnir
voru í Reykjavík dagana 2. - 6. júní.
Hann keppti í 100m flugsundi og
50m skriðsundi og var einnig í boð-
sundssveit Íslands í 4x100m fjór-
sundi og 4x100m skriðsundi. Ágúst
varð í 5. sæti í 100m flugsundi og
bætti tíma sinn á árinu, synti á 56,22
sek. og var aðeins 0,24 sekúndum frá
sínum besta tíma. Hann varð síðan
í 4. sæti í 50m skriðsundi og bætti
Akranesmet, sem hann átti sjálf-
ur, um 0,46 sekúndur er hann synti
vegalengdina á 24,20 sekúndum. Í
4x100m fjórsundi synti Ágúst flug-
sundið og varð liðið í 2. sæti. Aðr-
ir íslenskir sundmenn í karlaflokki
voru þeir Kolbeinn Hrafnkelsson
sem synti baksund, Anton Sveinn
McKee sem synti bringusund og
Alexander Jóhannesson sem synti
skriðsund. Í 4x100m skriðsundi
hafnaði boðsundssveitin í 4. sæti.
Með Ágústi í liði voru þeir Alexand-
er Jóhannesson, Kristinn Þórarins-
son og Anton Sveinn McKee.
Framkvæmd Smáþjóðaleikanna
tókst með ágætum og var Íslending-
um til sóma. Fjölmargir Skagamenn
störfuðu sem sjálfboðaliðar á leikun-
um, ekki bara við sundmótið held-
ur einnig fararstjórn og hinar ýmsu
íþróttagreinar sem keppt var í svo
sem blak, körfubolta, frjálsar íþrótt-
ir, golf og fimleika.
tg
Að loknum Smáþjóðarleikum
Ágúst ásamt Blossa, lukkudýri Smáþjóðaleikanna, og nokkrum sjálfboðaliðum af
Akranesi.
Skagakonur mættu sameiginlegu liði
HK/Víkings í fyrstu deilda kvenna á
Akranesvellinum á laugardag. Fyr-
irfram var búist við hörkuleik enda
reiknað með því fyrir tímabilið að
bæði þessara liða myndu berjast um
sæti í úrslitakeppninni um laust sæti í
úrvalsdeild að ári.
Leikurinn var jafn framan af fyrri
hálfleik. Heimamenn í ÍA tóku frum-
kvæðið í sóknarleiknum en gestirnir
í HK/Víkingi vörðust vel og gáfu fá
færi á sér. Svipað var uppi á teningn-
um í síðari hálfleik. Skagakonur sóttu
áfram og sköpuðu sér nokkur góð
færi en tókst ekki að koma boltanum
í netið. Þær vildu fá vítaspyrnu undir
lok leiksins þegar brotið var á Eyrúnu
Eiðsdóttur en dómari leiksins sýndi
því engan áhuga og leiknum lauk því
með markalausu jafntefli.
Úrslit leiksins þýða að Skagakonur
sitja í fjórða sæti A-riðils með fjögur
stig eftir tvo leiki en eiga leik til góða
á liðin fyrir ofan sig og meira að segja
tvo leiki á Augnablik.
Næsti leikur liðsins er útileik-
ur gegn Haukum. Sá verður leikinn
á gervigrasinu á Schenkervellinum
í Hafnarfirði á fimmtudaginn næst-
komandi og hefst klukkan 18:00.
kgk
Markalaust jafntefli hjá Skagakonum
Leikmenn Víkings Ólafsvíkur
gerðu sér ferð í Kópavoginn síð-
asta laugardag og mættu HK á
gervigrasinu í Kórnum í sjöttu
umferð fyrstu deildar karla í knatt-
spyrnu. Leikurinn var daufur fram-
an af þar til rétt rúmur hálftími var
liðinn. Þá áttu Víkingar þrjú skot
í sömu sókninni. Fyrst skaut Ing-
ólfur Sigurðsson í varnarmann, því
næst átti Alfreð Hjaltalín skot sem
markvörður HK-inga varði. Bolt-
inn datt í markteiginn þar sem
Arnar Sveinn kom aðvífandi og
skaut en í varnarmann og yfir. Það
var svo á 38. mínútu að Ingólfur
átti stungusendingu inn fyrir vörn
HK á William Dominguez sem lék
á markvörðinn og kom Víkingum
yfir. Staðan í hálfleik 0-1, gestun-
um í vil.
Aðeins fjórum mínútum eft-
ir að flautað var til síðari hálfleiks
átti varnarmaður slæma sendingu,
beint fyrir fætur William Dom-
inguez sem lagði boltann á Alfreð
sem skoraði úr dauðafæri. Á 54.
mínútu fengu Víkingar víti eftir að
boltinn fór í hönd varnarmanns.
Ingólfur steig á punktinn en Beitir
Ólafsson varði í marki HK-inga.
Fátt markvert gerðist það sem
eftir lifði leiks og tveggja marka
sigur Víkinga í Kópavoginum
verðskuldaður.
kgk
Verðskuldaður sigur Víkings Ó.
Víkingar fagna marki fyrr í sumar.
Ljósm. úr safni.