Heimsmynd - 01.04.1990, Qupperneq 50

skyldunnar hefur gengið eins hreint til
verks í ástarmálum sínum og Játvarður,
hertoginn af Windsor, sem afsalaði sér
krúnunni til að kvænast ástinni sinni. Ef
til vill hefur breska konungdæmið ekki
enn náð sér eftir þann atburð. John Jun-
or, ritstjóri Sunday Express í London,
sagði að sú ákvörðun hertogans af Wind-
sor að ganga að eiga hinu fráskildu, am-
erísku Wallis Simpson árið 1936 hefði
skaðað breska konungdæmið um
ókomna framtíð.
í>að er erfitt að ímynda sér breskt
Fyrirtækið.
Þrjár kynslóðir Windsorfjölskyldunnar
á svölum Buckinghamhallar.
Kvennamál Karls og Andrews
tilheyrðu piparsveinsárunum. A efstu
myndinni er Karl í hestvagni með
Davinu Sheffield og fyrir neðan í fylgd
Sabrinu Guinness. Andrew sóttist eftir
félagsskap ungfrú Bretlands, hinni átján
ára gömlu Carolyn Seaward, en allt
ætlaði vitlaust að verða þegar uppvíst
varð að ástkona hans, Koo Stark, hafði
leikið í klámmyndum. Nú eru prinsarnir
báðir fjölskyldumenn og bernskubrekin
fyrirgefin.
samfélag án konungsfjölskyldunnar sem
þrátt fyrir allt virðist eiga óhemju ítök í
þjóðinni. í hugum Breta er kóngafjöl-
skyldan almenningseign sem þeir hampa
öðrum þræði en vilja líka vera í þeirri
aðstöðu að geta fylgst náið með hverju
hennar fótmáli og gagnrýnt um leið. Sú
mynd sem dregin er upp af konungsfjöl-
skyldunni í fjölmiðlum er greinilega
kynskipt. Karlmennirnir birtast sem leið-
togar, í einkennisbúningum í störfum
fyrir herinn, á hestbaki eða í ræðustól.
Konurnar eru í drögtum, kjólum með
hatta og blómvendi við móttökur eða í
sjúkrahúsheimsóknum í hlutverki eigin-
kvenna og mæðra. En stundaskrá þeirra
er strembin. í ofanálag bætast þær
ströngu kröfur sem gerðar eru til þeirra
um að vera óaðfinnanlegar.
Fyrstu sex mánuði ársins 1989 þurfti
Díana prinsessa af Wales að vera við-
stödd níutíu og átta opinberar athafnir,
allt frá opinberum heimsóknum til
borðaklippinga fyrir utan bréfaskriftir,
ræðuhöld og stöðug ferðalög. Þess utan
er hún stöðugt undir smásjá fjölmiðla og
þarf að líta óaðfinnanlega út. Fergie,
svilkona hennar, lýsti því svo að hlutverk
þeirra væri átján stunda vinnudagur og
jafnvel þegar þær slöppuðu af þyrftu þær
að gera það á réttan hátt. Þær eru aldrei
lausar undan þeim væntingum sem til
þeirra eru gerðar.
Victoria Lockwood, fyrrum ljós-
myndafyrirsæta sem nýlega giftist bróður
Díönu prinsessu, Charles Viscount Al-
thorp, sagði við það tækifæri að það eina
sem skipti hana máli væri velferð eigin-
manns hennar. Þetta er í anda þeirra
væntinga sem gerðar eru til eiginkvenna
breska aðalsins.
Díana prinsessa er orðin nokkuð
sjóuð í sínu hlutverki. Hún hefur
mátt þola harðan aðgang press-
unnar í tæp tíu ár. Blöð hafa
ekki hikað við að birta af henni
myndir við alls lags tækifæri,
ófrískri í bikini, í fylgd myndar-
legs karlmanns að kvöldlagi og
allt þar á milli. Hún hefur mátt
þola fréttir af því tagi að hún
væri með anorexíu, að hún væri hætt að
sænga hjá manninum sínum, að þau
væru skilin, að hún héldi framhjá, að
hún væri illa gefin, hvað hún borðaði og
hverja hún hitti. Jafnvel áður en hún
gifti sig lýsti ritstjórinn John Junor því
yfir að hún yrði að vera hrein mey. Ann-
að kæmi ekki til greina fyrir brúði
krónprinsins. Enginn talaði um þörfina á
því að Karl prins væri hreinn sveinn við
sama tækifæri. Varla var eina ástæðan sú
að hann var eldri. Fergie fékk skammir
alþjóðar yfir sig þegar hún fór í langt
ferðalag frá nýfæddu barni sínu og nú
hefur hún tekið við hlutverki Díönu sem
anorexíusjúklingur kóngafjölskyldunnar
þar sem blöðin fylgjast grannt með
þyngd hennar nú þegar hún gengur með
sitt annað barn.
Fyrir þær þjóðir sem búa við þingræði
en ekki konungdæmi er erfitt að skilja þá
hollustu sem þegnar nútímaríkja sýna
konungum sínum og drottningum.
Ahuginn á þessu fólki nær þó langt út
fyrir ríki þess. Um það vitnar allur ara-
grúinn af vikublöðum með myndum af
kóngafólki á forsíðunni. Af öllum
kóngafjölskyldum heims nýtur sú breska
mestra vinsælda og er það ekki síst að
þakka nýliðunum tveimur sem kallaðir
eru gælunöfnunum Di og Fergie. Þessar
vinsældir eru konungdæminu breska afar
mikilvægar. Þótt umfjöllun bresku blað-
anna gangi stundum fram úr hófi er hætt
við því að almenningur í Bretlandi færi
að velta fyrir sér réttmæti krúnunnar og
þeim fjáraustri sem hún krefst ef þetta
sjónarspil fylgdi ekki með í kaupunum.
Þær Di og Fergie gera það sama fyrir
breskan almenning og Hollywoodstjörn-
urnar fyrir þann bandaríska. James
Whitaker, breskur blaðamaður sem
skrifar eingöngu fréttir um meðlimi kon-
framhald á bls. 87