Heimsmynd - 01.04.1990, Page 52

SVIÐSLJÓS
Elva Ósk Ólafsdóttir
Djóshærð braggastelpa með túperað hár og blöðrutyggjó, munninn
fyrir neðan nefið og ákveðni sem dugar til að komast út úr von-
lausri aðstöðu; Malla í leikritinu Kjöti eftir Ólaf Hauk Símonar-
son sem nú er sýnt á stóra sviði Borgarleikhússins. Ósköp venju-
leg hress íslensk stelpa og bak við gervi Möllu leynist önnur hress
íslensk stelpa, Elva Ósk Ólafsdóttir. Eyjapæja sem útskrifaðist úr
Leiklistarskóla íslands síðastliðið vor og hefur síðan leikið Aðelu
í sýningu Leikfélags Akureyrar á Húsi Bernhörðu Alba eftir
Lorca og Gunillu í sjónvarpsleikritinu Nóttin, já nóttin eftir Sig-
urð Pálsson, auk Möllu.
Þrátt fyrir að vera nýútskrifuð sem leikkona hefur Elva Ósk
verið viðloðandi sviðið í þrettán ár. Tólf ára gömul lék hún Grétu
í Hans og Grétu hjá Leikfélagi Vestmannaeyja og eftir það var
hún árlega á fjölunum í sýningum þess félags, allt þar til hún inn-
ritaðist í Leiklistarskóla íslands haustið 1985. Hún hafði líka kynnst kvik-
myndaleik áður en hún ákvað að gera leiklistina að ævistarfi því hún lék ung-
frú Snæfells- og Hnappadalssýslu í kvikmyndinni Nýju lífi eftir Þráin Bertels-
son. Henni finnst kvikmyndaleik ekki sinnt nóg á Islandi og langar til að læra
meira í sambandi við hann: „Það væri ánægjulegt ef einhver tæki sig til og
héldi námskeið í kvikmyndaleik fyrir starfandi leikara,“ segir hún. Hana
dreymir um að fá frekari tækifæri til kvikmyndaleiks og var búin að fá hlutverk
í fyrirhugaðri mynd Ágústs Guðmundssonar Hamarinn og krossinn, en vegna
fjárskorts hefur gerð þeirrar myndar verið frestað.
52 HEIMSMYND
Elva Ósk Ólafsdóttir
Eyjapæja sem útskrifaðist úr
Leiklistarskóla Islands
síðastliðið vor. „Ef mér tekst
að vera heiðarleg, einlæg og
samkvæm sjálfri mér óttast ég
ekkert. Það er svo auðvelt að
ofmetnast í þessu starfi.“