Litli Bergþór - des. 2017, Blaðsíða 4

4 Litli-Bergþór
Síðustu helgina sem lífrænn markaður var á Engi
(4.-7. ágúst, 2017) tilkynnti Unnur Malín, vinkona
okkar, að hún myndi framkvæma ,,lífrænan
gjörning“.
Við vissum ekki við hverju mátti búast, en
útkoman var skemmtileg og hristi upp í fólkinu
sem varð vitni að honum. Maður sá að sumir
horfðu með undrun á þessa ungu konu ganga um
nakta og klædda einungis í akrýldúk.
Sumir fóru hjá sér, aðrir létu þetta ekki koma sér
neitt við, flestir fylgdust þó með af áhuga þegar
gjörningskonan gekk um og rótaði í jörðinni, sleit
upp gróður og jós yfir sig sandi. Þannig færðist
gjörningurinn út og suður og einnig fylgdu honum
hljóð.
Líklega hafði hver sína skoðun á og upplifun
af tiltækinu og örugglega vakti hún fólk til
umhugsunar um lífið og náttúruna. Gjörningurinn
tók okkur út fyrir þægindarammann. Það er alltaf
skemmtilegt þegar maður er vakinn til lífsins á
skemmtilegan og nýstárlegan hátt.
Unnur Malín frumflutti líka lag um Ingólf og
Sigrúnu á Engi.
Takk fyrir Unnur, þú gefur lífinu lit og haltu áfram
að safna ljósi og gefa til annarra.
Lífrænn gjörningur
á Engi
Sigrún Elfa Reynisdóttir:
Gleðileg jól og farsælt komandi ár