Litli Bergþór - des. 2017, Blaðsíða 39

Litli-Bergþór 39
föður Guðmundar Ingimarssonar, og þeir voru
frá Bergsstöðum, en móðir hans, Ragnheiður
Grímsdóttir var frá Syðri-Reykjum. Grímur
fékk til liðs við sig sama ár Stefán Árnason,
húsgagnasmið úr Reykjavík, og ætluðu þeir
að reka gróðurhús saman. Það varð þó ekki úr
því, en Stefán keypti land og hálfan hverinn og
hóf sjálfur gróðurhúsarekstur. Var stórhuga og
reisti m.a. stærsta gróðurhús landsins, um 1.000
fermetra, austan við Nýborg, en Nýborg var hús
sem hann byggði sem einskonar verbúð fyrir
starfsfólkið. Það er nú hús Ólafs og Bärbel. Einar,
bróðir Sigurðar í Úthlíð, og Elín kona hans, ráku
Nýborg í þá daga.
Sjálfur var ég til húsa í herbergi í kjallaranum
hjá Grími og Ingibjörgu, í hornherberginu, sem
snéri í suðvestur, en á því eru gluggar báðumegin
við hornið. Ég sá því út að hvernum og yfir til
Stefáns og Áslaugar. Stundum voru tveir með mér
í herberginu, en þess á milli var ég einn í því.
Það er kannski gaman að segja aðeins frá því
hvernig umhorfs var í Tungunum þegar ég kom
þangað 1942. Bílaeign var lítil sem engin. Stefán
Árnason átti þá vörubíl og Eiríkur í Fellskoti líka.
Svo sáu rútur Óla Ket um flutninga. Stefán keypti
Willis jeppa 1946 og sama ár keypti Grímur einnig
Willis jeppa og nýjan 4ra tonna Austin vörubíl.
Stefán hafði keyrt ofan í moldarslóðann að Syðri-
Reykjum, en árið 1946 kom sýsluýtan til að ýta
upp veginum. Ýtti í hann mold og grasi langar
vegalengdir. Það voru mikil nýmæli að fá að sjá
ýtu! Stefán sá um að fá hana og varð að keyra
hana upp eftir á vagni. Það komu djúp hjólför í
moldarveginn og þurfti því að setja keðjur á bílinn
til að komast. Það var ein símstöð í Tungunum, á
Torfastöðum, en handvirkur sími var þá kominn
Myndin er tekin inni á afrétti haustið 1951 og var ferðinni heitið inn í Hvítárnes, að heilsa upp á fjallmennina. En eftir þá fjallferð var féð skorið
niður út af mæðiveiki. Frá vinstri á myndinni eru: Sigurður Þorsteinsson á Vatnsleysu, síðar Heiði 27 ára, Róbert Róbertsson á Syðri-Reykjum 26
ára, Guðmundur Ingimarsson frá Efri-Reykjum, 51 árs, Ingvar Eiríksson á Efri-Reykjum 60 ára og Bragi Einarsson 22 ára, síðar kenndur við Eden
í Hveragerði. Bragi var vinnumaður hjá Stefáni Árnasyni á Syðri-Reykjum sumrin 1944 og 1945, réði sig þangað aðeins 15 ára gamall, sem
aðstoðarmann í gróðurhús. Hann mun hafa verið eitthvað hjá Stefáni meðan hann var á Garðyrkjuskólanum að Reykjum í Ölfusi 1948-1950, því
Stefán vantaði oft vinnumenn. Í bakgrunni er Land Rover jeppi Þorsteins á Vatnsleysu X-600.
Féð að renna yfir gömlu Hvítárbrúna inni á Kili haustið 1951.