Litli Bergþór - des. 2017, Blaðsíða 47

Litli-Bergþór 47
Í fréttinni sagði ennfremur:
Bygging brúar hjá Iðu, var að einhverju
leyti hafin á síðastliðnu hausti, en þótti
nú nokkur vafi á, að því verki yrði haldið
áfram.
Framkvæmdir við brúna lágu alveg niðri
árið 1952, hverju svo sem um var að kenna.
Nærtækast er að ætla að talsverð átök hafi átt
sér stað um málið þó ekki hafi ég fundið þeim
stað.
1953
1953 var kosningaár og eins og þekkt er, fer oft
að komast hreyfing á mál í aðdraganda kosninga.
Frá 1950 hafði ríkisstjórn Framsóknarflokks og
Sjálfstæðisflokks setið við völd undir forsæti
Steingríms Steinþórssonar.
Í Tímanum þann 25. janúar 1953 birtist frétt
undir fyrirsögninni: Brú á Hvítá aðkallandi
nauðsyn. Í fréttinni sagði að líkur væru taldar
á að haldið yrði áfram með verkið þá um
sumarið. Jafnframt að reiknað væri með að
verkið tæki tvö til þrjú ár, enda um eina af
mestu brúm landsins að ræða.
Í mars var fjallað um brúna í Alþýðublaðinu
undir fyrirsögninni: Byrjað á Hvítárbrúnni
hjá Iðu 1951, en ekkert gert síðan. Í fréttinni
sagði síðan:
Heyrst hefur að eitthvað eigi að vinna í
brúargerðinni í vor, að minnsta kosti fyrir
kosningarnar, en vafalaust verður það fyrst og
fremst til málamynda.
Sumarið 1953 var vestari/syðri stöpullinn
reistur á Iðuhamri.
Í september tók síðan við ríkisstjórn
Sjálfstæðisflokks og Framsóknarflokks undir
forsæti Ólafs Thors.
1954
Ekkert var unnið við brúna 1954, vegna
verkfalls verkfræðinga, að sagt var, en nú var
hún komin fremst í forgangsröðina ásamt brú
yfir Skjálfandafljót.
Í mars segir svo um brúna í fréttum frá Alþingi
í Mbl.:
Liggur næst fyrir að Ijúka brúnum á Hvítá
hjá Iðu og á Skjálfandafljóti og þarf til þess
um 4,1 millj. kr. eða sem næst tveggja ára
tekjur brúarsjóðs, eins og þær eru nú.
Sjálfstæðismenn í Árnessýslu skoruðu á
Alþingi í desember, þar sem þeir töldu
Strengur dreginn yfir ána. Það má greina mjórri línu sem strengirnir voru
hengdir í og þannig, hver af öðrum dreginn milli stöplanna. Í bátnum eru
menn tilbúnir að bregðast við ef eitthvað ber út af. Myndin er tekin frá
Iðuhamri og fjær má sjá Launrétt. Mynd frá Vegagerðinni
Búðir brúarvinnumanna vestan ár. Í baksýn barnaheimili Rauða krossins
(Krossinn). Skúrinn sem næst stendur var verkstjóraskúrinn. Að sögn var raðað
í tjöldin í virðingarröð, þannig að virðingin fór þverrandi eftir því sem tjöldin
voru fjær verkstjóraskúrnum. Tveir voru í hverju tjaldi og líklega var ekki komið
timburgólf í tjöldin á þessum tíma, en þau komu um þetta leyti. Mynd frá
Vegagerðinni.
F.v. ógreindur, Jón Eysteinsson, Haukur Einarsson, Gestur Magnússon, Marinó
Þ. Guðmundsson, Ragnar (sterki)? Mynd frá Vegagerðinni