Fréttir - Eyjafréttir - jul. 2019, Qupperneq 7

7
www.n1.is facebook.com/enneinn
Til hamingju
með 100 ára
afmælið!
Alltaf til staðar
N1 Friðarhöfn
s. 481 1127
E
N
N
E
M
M
/
S
ÍA
/
N
M
9
4
0
7
2
Við á N1 erum stolt af því að
vera traustur hluti af samfélaginu
í Vestmannaeyjum. Okkar bestu
hamingjuóskir til Vestmanneyinga
á 100 ára afmæli kaupstaðarins.
Þær eru margar myndirnar sem kvikna í huganum
þegar minnst er á Vestmannaeyjar. Ein þeirra er
fræg fréttamynd úr Vestmannaeyjagosinu. Hún er
tekin við kirkjugarðinn. Hlið garðsins í forgrunni,
orðin Ég lifi og þér munuð lifa á steinboga hliðs-
ins og eldurinn í bakgrunni. Þessi einstaka mynd
rammar inn í huga mínum þann hörmulega atburð
þegar eldur braust upp úr iðrum jarðar á Heimaey.
Það er erfitt að ímynda sér að vakna með fjölskyldu
sinni við að jörðin hafi hreinlega opnast og fyrir
liggi að yfirgefa heimili sitt og halda til lands. Vest-
mannaeyingar tóku þessu af einstöku æðruleysi og
á fasta landinu var vel tekið á móti þeim sem þang-
að leituðu. Margir sneru aftur til Eyja en ekki allir.
Það orð sem ég tengi einna helst við Vestmannaeyj-
ar og Vestmannaeyinga er kraftur. Það er einstakur
kraftur í landinu, ekki bara nálægðin við eldinn,
heldur er náttúran einhvern veginn svo voldug og
kraftmikil. Björg rísa dramatísk úr hafinu sem getur
verið ansi úfið og grimmt þótt það sé gjöfult og ríkt.
Það eru fáar hafnir sem eru jafn mikilfenglegar og í
Vestmannaeyjum.
Það kvikna líka í huganum myndir úr kvikmynda-
verkum Þráins Bertelssonar. Mynd af Þór og Danna
og ungfrú Snæfells- og Hnappadals í Nýju lífi og þá
ekki síður af stórleikurunum Gísla Halldórssyni
og Rúrik Haraldssyni ásamt Steinunni Ólínu Þor-
steinsdóttur og Ingvari E. Sigurðssyni í Sigla himin-
fley. Og þegar hugurinn leitar þangað er ekki hjá því
komist að það heyrist tónlist. Oddgeir Kristjánsson
og Ási í Bæ eru hluti af því sem Vestmannaeyjar
hafa gefið íslenskri menningu með lögum sem eru
fyrir svo löngu orðin inngreypt í þjóðarsálina.
Hvað ætli margir hafi orðið ástfangnir á Þjóðhátíð
í Eyjum? Hvort heldur á hlýrabolum eða þykkum
regnstökkum frá 66°. Hluti af því hversu Vest-
mannaeyjar eru tilfinnanlegur hluti í lífi margra
Íslendinga eru þessar stóru hátíðir sem státa af feg-
ursta tónlistarsal á norðurhveli jarðar.
Samfélagið í Vestmannaeyjum og allt það fjölskrúð-
uga menningar- og mannlíf sprettur auðvitað af ein-
stakri hæfni Eyjamanna til að nýta auðlindir hafs og
eyja. Sjósókn er móðurmjólk þessa samfélags.
Mér þótti afar gleðilegt að geta sem ráðherra sam-
göngumála unnið að því að nýr Herjólfur væri
ekki aðeins upp á erlenda orkugjafa kominn. Það
er stór stund í sögu siglinga við Ísland að geta nýtt
raforkuna okkar í siglingar þessa mikilvæga sam-
göngutækis sem nýr Herjólfur er. Og nú er hann
kominn í höfn í Vestmannaeyjum á árinu sem Vest-
mannaeyjar fagna 100 ára kaupstaðarafmæli.
Ég óska Vestmannaeyingum til hamingju með
aldarafmælið og með nýjan Herjólf.
Ég veit þú kemur
Sigurður Ingi Jóhannsson
samgöngu- og
sveitarstjórnarráðherra