Fréttir - Eyjafréttir - jul. 2019, Page 38

38
Páll Zóphóníasson, tæknifræðingur
var bæjarstjóri í Vestmannaeyjum 1976
til 1982. Páll kom til starfa fyrir Vestmannaeyjabæ
sem bæjartæknifræðingur í byrjun árs 1972. Ári
síðar reyndi mikið á hann þegar eldgos braust út á
Heimaey 1973.
,,Ég var bæjartæknifræðingur þegar gosið hófst og tók
fljótlega við sem annar af tveimur framkvæmdastjórum
Viðlagasjóðs í Vestmannaeyjum, hinn var Guðmundur
Karlsson framkvæmdastjóri Fiskiðjunnar. Haustið 1973
þegar Vestmannaeyjabær tók aftur við stjórn bæjarins
hætti ég hjá Viðlagasjóði og tók aftur við sem bæjar-
tæknifræðingur. Sigfinnur Sigurðsson var ráðinn bæj-
arstjóri 1975. Þegar honum var sagt fyrirvaralaust upp
störfum af bæjarstjórn Vestmannaeyja 31. janúar 1976,
var ég beðinn um að taka við tímabundið, þar sem ég
var talinn vera inni í flestu sem gerst hafði í gosinu og
uppbyggingunni á eftir,” segir Páll sem í framhaldinu
var ráðinn bæjarstjóri út kjörtímabilið sem lauk vorið
1978.
,,Ég var ráðinn bæjarstjóri af vinstri flokkunum með
stuðningi tveggja sjálfstæðismanna en tveir sjálfstæði-
menn greiddu atkvæði á móti ráðningu minni. Eftir
kosningarnar 1978 náðu vinstri menn aftur hreinum
meirihluta og ég hélt áfram sem bæjastjóri út kjörtíma-
bilið. Þegar vinstri menn tapa meirihlutanum til sjálf-
stæðismanna 1982 er starfskrafta minna ekki lengur
óskað og Ólafur Elísson er ráðinn bæjarstjóri,” segir Páll
sem gjarnan hefði viljað halda áfram.

valdi milli teiknistofunnar
og bæjarstjórastólsins
Eftir að Páll hætti hjá Vestmannaeyjabæ stofnaði hann
Teiknistofu Páls Zóphóníassonar, sem er ráðgjafa-
verkfræðistofa. Páll átti stofuna einn fyrstu árin en
síðar gengu Björgvin Björgvinsson og Sigurjón Pálsson
tæknifræðingar til liðs við stofuna og starfa þar enn í
dag. Eva Andersen tækniteiknari var einnig hlutahafi
meðan hún var í starfi en hún hætti fyrir sex árum.
,,Mér var boðið að koma aftur sem bæjastjóri þegar
vinstri flokkarnir komust í meirihluta 1986. Þá hafði ég
rekið Teiknistofuna í fjögur ár og þurfti að velja milli
þess að verða hugsanlega atvinnulaus eftir fjögur ár eða
halda áfram með Teiknistofuna.
Ég samþykkti að gegna starfi bæjarstjóra þangað til
nýr tæki við. Arnaldur Bjarnason tók svo við sem bæjar-
stjóri um haustið,” segir Páll sem gladdist þegar honum
var boðinn bæjarstjórastóllinn enda hafði samstarfið
við bæjarstjórn verið gott.
,,Stjórnun bæjarfélags veltur ekki á einum manni.
Hún veltur á pólitískri samstöðu, trausti og sameigin-
legri sýn um velferð bæjarbúa. Mér fannst það vera mitt
hlutverk að efla eldmóð starfsmanna og vinna fyrir
alla bæjarbúa en ekki í mínum verkahring að halda
saman pólitíkusunum,” segir Páll sem segist hafa verið
heppinn með samstarfsfólk og gengið vel að vinna með
flestum bæjarfulltrúum.
,,Verkefnin voru krefjandi og stór en uppbyggingin
eftir eldgosið 1973 og félagslegar umbætur voru þau
stærstu. Það kom sér vel að eiga góða konu, Áslaugu
Hermannsdóttur, sem stóð með mér í öllum þeim
pólitísku væringum sem fylgdu starfinu. Hún tók oftar
nærri sér umræðu og gagnrýni á mín störf en ég. Starfið
tók allan minn tíma og á sex árum fór ég einu sinni í
almennilegt sumarfrí,” segir Páll en saman eiga þau Ás-
laug þrjú börn, Zóphónías vélstjóra, Sigríði iðnhönnuð
og Sif landslagsarkitekt.
Í forystuHlutverki Á örlagatÍmum
Í sögu vestmannaeyja
1972
Guðrún ErlInGSDÓttIr
gudrun.erlingsdottir@gmail.com
Páll Zóphóníasson, fékk ærin verkefni sem
bæjartæknifræðingur í gosinu. Sem slíkur kom
hann mikið að uppbyggingu bæjarins og sem
bæjarstjóri 1976 til 1982. (Mynd: Sigurgeir Jónasson)