Fréttir - Eyjafréttir - júl. 2019, Qupperneq 29

29
bendir á að ákveðið hefði verið að Dagar lita og tóna,
yrði tónlistar- og myndlistarviðburður. Hóað hafi verið
í gamla spilafélaga úr Eyjum og ofan af landi sem tóku
með sér kunningja úr bransanum. Dagar lita og tóna
hafi tekist svo vel að ákveðið var að endurtaka þá að ári
og þannig gekk það í 20 ár.
tónlistar- og myndlistarveisla
á hvítasunnu
,,Dagar lita og tóna voru alltaf um hvítasunnuhelgi
í Akóges. Þeir opnuðu með myndlistarsýningu á
fimmtudegi og djassinn var spilaður frá föstudegi til
sunnudags. Fyrstu árin voru þátttakendur mikið til
eldri tónlistarmenn sem hættir voru að vinna og tóku
ekkert fyrir að spila en fengu uppihald og ferðir greidd-
ar. Við fengum smá styrk frá menntamálaráðuneytinu
og sluppum þannig fyrir horn fjárhagslega með hátíð-
ina. Margir ungir tónlistarmenn sem voru að stíga sín
fyrstu spor en eru nú framarlega í tónlistar- og djass-
senunni báðu um að fá að spila eða syngja á Dögum lita
og tóna, og komu jafnvel opinberlega fyrst fram þar,“
segir Ingi Tómas og bætir við að með tímanum hafi
þetta þróast frá sjálfboðavinnu yfir í að greiða þurfti
tónlistarmönnum sem höfðu lifibrauð af tónlistinni
laun.
,,Á 20 árum þynntist hópurinn sem stóð að Dögum
lita og tóna, út. Sumir fluttu úr bænum, aðrir féllu frá
og nú síðast Hermann Einarsson sem hélt vel til haga
öllum gögnum tengdum hátíðinni. Í byrjun var fullt út
úr dyrum í Akóges. Þar mætti fastur kjarni ár eftir ár til
að hlusta. Það var líka stór hluti sem mætti sem okkur
grunaði að væru ekki beint djassunnendur. Þegar Dagar
lita og tóna byrjuðu voru ekki margir staðir sem máttu
hafa opið á þessum tíma vegna ákvæða um helgidaga.
Þegar það breyttist dró hægt og sígandi úr aðsókn,“ seg-
ir Ingi Tómas og bendir á að á tímabili hafi djassenan
verið mjög öflug á Íslandi. Það þýddi ekkert fyrir Eyja-
menn að kvarta yfir aðsókn á tónleika, því aðsóknin hér
a.m.k. miðað við höfðatölu var mun betri en í Reykja-
vík.
meira framboð en eftirspurn fyrstu árin
,,Það myndaðist mikil nánd og klúbbastemning í Akó-
ges sem gerði það að verkum að margir vildu koma
og spila. Fyrstu árin var meira framboð af tónlistar-
mönnum en eftirspurn. Til þess að koma til móts við
þá sem lögðu hönd á plóg bauð Hermann Einarsson í
humarsúpu sem hann útbjó sjálfur og svartfuglsegg í
Akóges í hádeginu á hvítasunnudag,“ segir Ingi Tómas
og bætir við að með tónlistarmenntuðum músíköntum
og meiri hljóðgræjum hafi krafan um að nýta salinn í
Akóges til æfinga og stillinga á hljóðkerfum að deg-
inum til ýtt myndlistarsýningunum út. Margir þekktir
listamenn hafi sýnt myndlistarverk sína á hátíðinni og
undir lokin hafi Dagar lita og tóna, staðið yfir í tvo daga.
Ingi Tómas er tregur til þess að telja upp þá sem komu
að hátíðinni fyrir utan hópinn í Eyjum. Fyrir þrábeiðni
blaðamanns nefnir hann nokkra sem fyrstir koma upp
í hugann af meginlandinu.
,,Árni Elfar kom á hverja einustu hátíð, spilaði á öll
hljóðfæri og hjálpaði til við undirbúning auk þess stillti
Sigurður Kristinsson píanóið á hverju ári og Vernharð-
ur Linnet var kynnir á nokkrum hátíðum,“ segir Ingi
Tómas stoltur af þeim uppeldis- og stökkpalli sem Dag-
ar lita og tóna voru fyrir tilstuðlan djassáhugamanna
sem höfðu ungmennafélagsandann að leiðarljósi.
Ljósmyndir frá Inga Tómasi af nokkrum tónlistarmönnum og söngvurum, Daga lita og tóna.
Guðlaug
Ólafsdóttir
Egill
Ólafsson
Ómar
Guðjónsson
Árni Elfar
Útlendinga-
hersveitin
Jón Páll
Bjarnason
Óskar
Guðjónsson
Ragnheiður
Gröndal
Tómas R.
Einarsson
Sigurður
Flosason