Fréttir - Eyjafréttir - júl. 2019, Blaðsíða 72

2018
Fiskiðjuhúsið fær nýtt hlutverk. Í mars 2019 flutti Náttúru-
gripa- og sjávardýrasafn á jarðhæð hússins og hvalasundlaug
tekin í notkun sunnan við húsið. (Mynd: Páll Marvin Jónsson)
Eyjamaðurinn, tannlæknirinn og landsliðsþjálfarinn
Heimir Hallgrímsson. Ísland í fyrsta sinn á EM 2016 og
HM 2018. (Mynd: GettyImages)
72
Elís Jónsson, forseti bæjarstjórnar setti fund og fór yfir
sögu samfélags og atvinnulífs Vestmannaeyja síðustu
hundrað árin.
Íris Róbertsdóttir bæjarstjóri fór yfir sögu bæjarstjórn-
arkosninga og bæjarstjórna Vestmannaeyja.
Hildur Sólveg Sigurðardóttir bæjarfulltrúi fór yfir
sögu og hlutverk Ráðhúss Vestmannaeyja frá byggingu
þess til dagsins í dag. Hildur bar upp eftirfarandi há-
tíðarsamþykkt bæjarstjórnar.
Hátíðarsamþykkt
„Bæjarstjórn Vestmannaeyja samþykkir í tilefni af 100
ára afmæli Vestmannaeyjakaupstaðar að halda áfram
endurbótum á Ráðhúsi Vestmannaeyja við Stakka-
gerðistún með það að markmiði að húsið hljóti þann
virðingarsess sem því sæmir og að innan veggja þess
rúmist m.a. viðhafnarsalur og hluti safna Vestmanna-
eyjabæjar. Undirbúningur, áætlanagerð og nánari til-
lögur um framtíðarhlutverk hússins verði kynnt bæj-
arbúum haustið 2019. Áætlað er að endurbótunum ljúki
á 3 árum.
Húsið var byggt sem Sjúkrahús Vestmannaeyja og
var tekið í notkun 1928. Húsið var teiknað af Guðjóni
Samúelssyni þáverandi húsameistara ríkisins og var
bygging þess mikið átak á sínum tíma. Húsið var gert að
Ráðhúsi Vestmannaeyjabæjar 1977 að loknum miklum
endurbótum, en þá hafði engin starfsemi verið í húsinu
frá upphafi Heimaeyjargossins 23. janúar 1973 og starf-
semi Sjúkrahússins flutti í nýtt húsnæði haustið 1974.
Húsið gegndi hlutverki ráðhúss til haustsins 2016.“
Tillagan var samþykkt með sjö samhljóða atkvæðum.
Hátíðarbókun
Til máls tók Jóna Sigríður Guðmundsdóttir sem fór yfir
sögu og hlutverk Kvenfélagsins Líknar og las upp eftir-
farandi bókun bæjarstjórnar:
„Kvenfélagið Líkn var stofnað þann 14. febrúar 1909,
af þáverandi héraðslækni og 23 konum úr Vestmanna-
eyjum. Félagið fagnar því 110 ára afmæli sínu í dag.
Líkn hefur starfað óslitið frá þeim tíma sem það var
stofnað og í dag telur félagið 119 konur sem allar sinna
líknarstörfum fyrir félagið í sjálfboðavinnu. Það er
Vestmannaeyjabæ gríðarlega mikilvægt að starfsrækt
sé félag sem sinnir störfum í þágu samfélagsins með
þeim hætti sem Kvenfélagið Líkn hefur gert undan-
farna öld og áratug betur.“
Bæjarstjórnin þakkaði Kvenfélaginu Líkn og öðrum
þeim sjálfboðaliðum sem komið hafa að starfi félagsins
síðustu 110 árin, fyrir ómetanlegt framlag til samfélags-
ins og óskar félaginu til hamingju með þennan merka
áfanga.
Hátíðarfundur bæjarstjórnar
var haldinn fimmtudaginn 14.
febrúar í bíósal Kviku. Fundurinn var sá 1543.
í röðinni en þá voru liðin slétt 100 ár frá fyrsta
fundi bæjarstjórnar Vestmannaeyja. Fund-
inn sátu Elís Jónsson forseti bæjarstjórnar,
Njáll Ragnarsson aðalmaður, Hildur Sólveig
Sigurðardóttir aðalmaður, Trausti Hjaltason
aðalmaður, Helga Kristín Kolbeins aðalmaður,
Íris Róbertsdóttir aðalmaður og Jóna Sigríður
Guðmundsdóttir aðalmaður.
2019
HÁtÍðarfundur
á 100 ára afmæli
Vestmannaeyjabæjar
Bæjarfulltrúar Vestmannaeyjabæjar 2019.
Frá vinstri, Helga Kristín Kolbeins, Trausti
Hjaltason, Njáll Ragnarsson, Íris Róbertsdóttir,
Hildur Sólveig Sigurðardóttir, Jóna Sigríður
Guðmundsdóttir og Elís Jónsson.