Tímarit hjúkrunarfræðinga - 2016, Síða 12

Fólkið10/15
hjúkrunarfræðistéttin efldist urðu hagsmunir lækna ólíkari og ólíkari
og ekki lengur hægt að tala um einn hóp lækna. Spítalinn var vígi
hjúkrunarfræðinga. Þær voru ekki með sambærilegar útgönguleiðir og
læknarnir.
Markmið stjórnvalda var sparnaður og hagræðing
Sigurbjörg segir tíunda áratuginn hafa einkennst af samstöðu á
meðal hjúkrunarfræðinga en sundrungu meðal lækna. Áratugurinn
einkenndist af miklum þunga á sparnað og hagræðingu innan spítala-
kerfisins í Reykjavík. Í aðdraganda og í kjölfar sameiningar Landakots
og Borgarspítala varð til hópur óánægðra sérgreinalækna innan
spítalanna sem höfðu unnið við afkastatengt launakerfi á Landakoti
sem með sameiningunni færðust yfir í fastlaunakerfi. Vaxandi hópur
sérgreinalækna, sem störfuðu á afkastatengdum kjörum þar sem
greitt var samkvæmt reikningi fyrir hvert unnið verk úti í bæ, átti í
hagsmunalegu tilliti sífellt minna sameiginlegt með sjúkrahúslæknum
sem höfðu helgað sig starfi innan spítalanna.