Tímarit hjúkrunarfræðinga - 2016, Síða 40

Félagið18/22
siðaráð Félags íslenskra hjúkrunarfræðinga var stofnað og tók
til starfa í byrjun árs 2013. Eitt af stærri og mikilvægari verkefnum
siðaráðs fyrstu tvö starfsárin var að endurskoða siðareglur FÍH og
færa þær nær nútímanum. Í gildi voru vandaðar siðareglur frá árinu
1997 sem voru afar vel unnar en með tilkomu vef- og samfélags-
miðla þótti brýnt að endurskoða þær. Var því lagt af stað í ítarlega
endurskoðun og mikla vinnu á nýjum siðareglum. Leiðarljós í vinnu
siðaráðs var allan tímann að ekki skyldi umbylta siðareglunum enda
engin ástæða til, einungis var
því breytt sem þurfti og mjög
margt hélt sínu, í einhverjum
tilvikum með nýju orðalagi.
Eitt fyrsta skrefið í
vinnunni var að skoða
vandlega endurskoðaðar
siðareglur Alþjóðaráðs
hjúkrunarfræðinga (ICN) frá
2012 og útfærslu þeirra í Noregi en það var nokkuð sem siðaráði þótti
vert að horfa til. Í þeirri vinnu voru siðareglur alþjóðaráðsins þýddar
yfir á íslensku og notaðar að einhverju leyti í uppbyggingu nýrra
endurbættra reglna. Siðareglur annarra landa voru einnig hafðar til
hliðsjónar, má þar nefna kanadísku og áströlsku siðareglurnar, eitt
og annað gagnlegt var notað úr þeim. Fyrst og fremst voru þó siða-
reglurnar frá 1997 hafðar til hliðsjónar.
Áhugasömum hjúkrunarfræðingum boðin þátttaka
Siðaráði þótti mikilvægt að bjóða öllum áhugasömum hjúkrunar-
fræðingum til að taka þátt í koma að þessu verkefni. Því var efnt
til vinnufundar haustið 2013 sem haldin var í húsnæði FÍH að
Suðurlandsbraut. Þrátt fyrir dræma þátttöku á fundinum komu fram
ný sjónarhorn og ný atriði bættust við siðareglurnar. Vorið 2014,
þegar vinnan hafði staðið í tæplega eitt og hálft ár, vorum við komnar
með í hendur afar stórt og mikið skjal sem átti á næstu mánuðum
eftir að styttast verulega í meðförum. Alltaf var leiðarljósið að gera
siðareglurnar faglegar og hagnýtar og alls ekki of langar. Um haustið
fór siðaráð þess á leit við sviðstjóra fagsviðs FÍH að tilnefndur yrði
rýnihópur sem myndi fá í hendur drög siðaráðs að nýjum siðareglum.
Í þeirri vinnu voru siðareglur
alþjóðaráðsins þýddar yfir
á íslensku og notaðar að
einhverju leyti í uppbyggingu
nýrra endurbættra reglna.