Tímarit hjúkrunarfræðinga - 2016, Side 51

Fagið07/08
Meðferð við óráði
Ef sjúklingur hefur verið greindur með óráð er mikilvægt að greina
og meðhöndla þær orsakir sem liggja að baki. Á meðan einkenni um
óráð eru til staðar er lögð rík áhersla á góð samskipti við sjúkling til
að hjálpa honum að ná áttum, til dæmis útskýra fyrir honum hvar
hann er staddur og hughreysta hann, ásamt því að stuðla að þægilegu
og öruggu umhverfi. Að auki er mikilvægt að meta þörf fyrir stuðning
frá ættingjum og vinum sem eru samstarfsaðilar í umönnun sjúklings.
Alltaf skal fyrst reyna að róa sjúkling með eða án orða. Meðferð með
lyfjum ætti að vera lokaúrræði ef aðrar aðferðir duga ekki og ef sjúk-
lingur er í hættu á að skaða sjálfan sig og aðra. Þá er mælt með því að
nota halóperídól eða ólanzapín í skamman tíma, helst styttra en viku,
byrja með lága skammta og auka varlega ef þörf er á í samræmi við
einkenni. Ætíð skal forðast notkun geðrofslyfja eða gæta varúðar við
notkun hjá sjúklingum með Parkinsonsjúkdóm, Parkinsonheilkenni
eða Lewy Body-heilabilun. Ef óráð lagast ekki þarf að fara aftur
yfir hvaða orsakir geta legið að baki og meta sjúkling með tilliti til
hugsanlegrar heilabilunar.
Bregðast við
vannæringu
Fylgja klínískum leiðbeiningum um næringu
sjúklinga.
Tryggja að lausar tennur passi vel, sé fólk með
þær.
Bregðast við
breyttri/skertri
skynjun
Fjarlægja orsök ef við á, svo sem hreinsa burt
eyrnamerg.
Tryggja að gleraugu og heyrnartæki séu tiltæk
fyrir þá sem nota slíkt.
tryggja
góðan svefn
og eðlilegt
svefnmynstur
Forðast inngrip á svefntíma.
Skipuleggja lyfjagjafir þannig að ekki verði
truflun á svefntíma.
Tryggja rólegt umhverfi og draga úr áreitum á
svefntíma.
Bjóða upp á slakandi tónlist.
Bjóða upp á baknudd, fóta- eða handanudd
fyrir svefntíma.