Tímarit hjúkrunarfræðinga - 2016, Qupperneq 66

Fólkið04/05
mikil náttúrubörn og margir eiga litla fjallakofa eða bústaði sem þeir
fara í um helgar og skella sér á gönguskíði eða stunda annars konar
útivist. Þeir verja þannig mun meiri tíma með fjölskyldum sínum,“
segir Edda. Íslendingum hefur verið tekið vel og oft litið á þá sem litlu
frænku og dönskugrunnurinn hjálpar til við að ná tökum á norskunni.
Edda segir það góða tilbreytingu að vinna annars staðar tímabundið.
Hún leggur stund á meistaranám samhliða vinnu. „Það er mikilvægt
að sjá hvernig hlutirnir eru gerðir annars staðar. Fyrir vikið er ég
gagnrýnni á aðstöðuna og aðbúnaðinn heima. Húsakosturinn er það
slæmur á Landspítalanum að í nokkrum tilfellum getur fólk ekki
unnið vegna myglusvepps.“
Hvað myndirðu vilja sjá breytast þegar heim kemur? „Það þyrfti
að skoða vinnutímann. Í kjaraviðræðunum á síðasta ári var mikil
áhersla lögð á hærri laun því þau máttu að sjálfsögðu bæta, en
það er líka mikilvægt að vinnuskyldan sé hæfileg. Ísland er varla
samanburðarhæft að þessu leyti. Stytting vinnuvikunnar yrði um leið
kjarabót. Rökin sem Norðmenn höfðu fyrir að stytta vinnuvikuna voru