Fréttablaðið - 23.01.2020, Qupperneq 44

Therese tók við stöðunni í byrjun árs og er tiltölulega nýkomin til Íslands. „Ég hef
átt mjög alþjóðlegan starfsferil,“
segir Therese sem upprunalega
kemur frá Svíþjóð. „Ég byrjaði að
vinna hjá Aga Gas AB í Svíþjóð árið
2011. Það er hluti af Linde Group
líkt og Linde Gas á Íslandi. Síðan þá
hef ég unnið sem forstöðumaður
verkefnastofu í Þýskalandi og fram­
leiðslustjóri í Frakklandi.“
Therese segist vera spennt fyrir
nýja starfinu og að kynnast Íslandi.
Sem forstjóri ber hún ábyrgð á allri
starfsemi fyrirtækisins á Íslandi.
Þegar hún vann í Þýskalandi var
hún þátttakandi í starfsþjálfun
með áherslu á konur í stjórnunar­
stöðum. Hún tók einnig þátt í leið­
beinendaþjálfun fyrir kvenkyns
leiðtoga. „Linde Group styður fjöl­
breytni og konur í stjórnunarstöð­
um eru hluti af þeirri fjölbreytni,“
segir hún.
Therese segist hafa verið ánægð
að sjá að hjá Linde Gas á Íslandi séu
konur við störf í framleiðslu. „Ég
var framleiðslustjóri í Frakklandi
og get fullyrt að á alþjóðavísu eru
karlmenn í miklum meirihluta við
framleiðslustörf.“
Á Íslandi eru 30% starfsfólksins
konur en árið 2013 voru þær aðeins
22%. „Við erum því að ná árangri
hvað varðar kynjajöfnuð og mér
finnst mikill heiður að vera fyrsti
kvenkyns forstjóri fyrirtækisins.
Linde Gas á Íslandi framleiðir
lofttegundir fyrir ýmiss konar
starfsemi, eins og argon fyrir
áliðnaðinn, köfnunarefni til fryst­
ingar á fiskafurðum, koldíoxíð
fyrir gosdrykkjaframleiðendur og
lyfjasúrefni fyrir sjúkrahús svo fátt
eitt sé nefnt.
Linde Gas vinnur fyrst og fremst
með innlendum viðskiptavinum
en nýtir sér sérfræðiþekkingu frá
Linde Group héðan og þaðan í
heiminum til að finna lausnir fyrir
hérlenda starfsemi. Ísaga, sem
heitir nú Linde Gas, hefur verið
hluti af Linde Group frá aldamót­
um, en fyrirtækið er með starfsemi
í yfir 100 löndum og hjá því starfa
um 80.000 manns. Á Íslandi starfa
30 manns hjá fyrirtækinu.
Fyrsta konan við stjórnvölinn
Therese Johansson er nýr forstjóri Linde Gas á Íslandi og fyrsti kvenkynsforstjórinn í 100
ára sögu fyrirtækisins. Hún segir fyrirtækið leggja áherslu á fjölbreyttan starfsmannahóp.
Therese Johansson er fyrsta konan sem gegnir stöðu forstjóra hjá fyrirtækinu. FRÉTTABLAÐIÐ/STEFÁN
Linde Group
styður fjölbreytni
og konur í stjórnunar-
stöðum eru hluti af
þeirri fjölbreytni.
Hvernig nýtir þú þína styttingu?
Vinnudagur félagsmanna VR styttist um 9 mínútur 1. janúar 2020. Ef ekki er búið
að semja um útfærslu á þínum vinnustað þá styttist vinnudagur þinn strax um 9 mínútur.
Kynntu þér mögulegar útfærslur á vr.is/9min
Á DAG
Á VIKU
Á MÁNUÐI3 51
54
9
Hvernig er samkomulagið
á þínum vinnustað?
Vinnudagur félagsmanna VR
hefur styst um 9 mínútur
22 KYNNINGARBLAÐ 2 3 . JA N ÚA R 2 0 2 0 F I M MT U DAG U RKONUR Í ATVINNULÍFNU