Fréttablaðið - 23.01.2020, Síða 51

Samkaup
er eitt stórt
lið þar sem
allir eru
tilbúnir til
að vinna
saman
þvert á
deildir og
vöru-
merki.
Ég gekk til liðs við Samkaup fyrir um einu og hálfu ári. Það er ómetanlegt að hafa
fengið tækifæri til að ganga til liðs
við eins öflugt og sterkt fyrirtæki
og Samkaup er. Ég kem inn í nýtt
hlutverk og svið og hef fengið
frelsi og stuðning til að byggja það
upp,“ segir Gunnur Líf Gunn-
arsdóttir, framkvæmdastjóri
mannauðssviðs Samkaupa. Hún
er grunnskólakennari að mennt
með áherslu á læsi og árið 2015
lauk hún MBA-gráðu frá Háskóla
Íslands.
„Í grunninn felst starfið í því
að hlúa að mannauði og menn-
ingu hjá Samkaup hf. sem rekur
60 verslanir víðsvegar um landið.
Þær spanna allt frá lágvöruverðs-
verslunum til þægindaverslana en
helstu verslunarmerki Samkaupa
eru Nettó, Kjörbúðin, Krambúðin,
Háskólabúðin, Iceland, Seljakjör
og Samkaup strax,“ segir Gunn-
ur, en um 1.300 manns starfa hjá
félaginu. Áður vann hún lengi hjá
Hjallastefnunni og sinnti fjöl-
mörgum verkefnum sem lúta
að menntun, mannauðsmálum,
rekstri, stjórnsýslu, samskiptum
við stjórnvöld og samningagerð.
„Þar fékk ég dýrmæta reynslu
sem ég bý vel að, sérstaklega í
samskiptum og jákvæðni hvern
dag. Áður en ég fór til Samkaupa
starfaði ég hjá hugbúnaðarfyrir-
tækinu InfoMentor. Þar stýrði
ég fjölbreyttum verkefnum sem
snúa að hugbúnaðarlausnum fyrir
leik- og grunnskóla, ásamt því að
starfa sem sérfræðingur í persónu-
verndarlögum. Fyrir utan vinnu
hef ég tekið að mér ýmis verkefni,
svo sem þjálfað fimleika, stýrt
ráðstefnum og fimleikasýningum,
skipulagt 17. júní hátíðahöld í
Garðabæ, stýrt farþegatalningu
hjá Strætó, setið í foreldrafélaginu
í sjö ár og svo lengi mætti telja.
Ég á það til að taka forystu í því
sem ég tek mér fyrir hendur, hvort
sem það er í skipulagi fyrir vina-
hópana, dagskrá barnanna eða í
vinnunni,“ segir Gunnur, sem er
gift og á tvö börn.
Spurð hvað hafi komið henni
mest á óvart varðandi starfið segir
Gunnur að það séu einkum tveir
þættir. „Fyrst er hve magnaður
heimur verslunarinnar er. Hver
vara sem við sjáum í verslunar-
hillunni á sér langa sögu og á bak
við hana eru mörg handtök. Vinna
starfsmanna spilar lykilhlutverk
inni í öllum verslunum. Þá hef
ég fengið tækifæri til að kynnast
landsbyggðinni á ferðum mínum
milli verslana. Það kom mér á
óvart að oft þarf að fara langar
vegalengdir og góðar samgöngur
eru ekki sjálfsagðar, en verslanir
okkar skipta miklu máli í hverju
samfélagi. Ég hef t.d. f logið til
Ísafjarðar, hitt verslunarstjórana
okkar á Ísafirði og í Bolungarvík,
keyrt yfir í Búðardal og svo þaðan
til Akureyrar og jafnvel yfir á Þórs-
höfn. Það að kynnast samfélaginu
betur og öllu þessu góða fólki er
einstakt tækifæri og hefur farið
fram úr mínum væntingum.“
Eftirsóknarverður
vinnustaður
„Verkefnin eru fjölbreytt en við
leggjum áherslu á að byggja upp
heilsteypt samskipti og samstill-
ingu í öllum okkar verslunum,
tryggja sameiginlega sýn starfs-
manna og skapa Samkaupum
sterka stöðu á vinnumarkaði sem
eftirsóknarverðum vinnustað,“
upplýsir Gunnur en frá fyrsta degi
hefur hún lagt mikinn metnað í
fræðslu og menntun starfsfólks,
sem er henni kært viðfangsefni.
„Ég hef sett þunga í fræðslu- og
menntunarmál Samkaupa þar
sem stefnan var endurskoðuð
í þágu starfsmanna. Áhersla er
lögð á skýr markmið, fast skipu-
lag, gott utanumhald, aukna
þátttöku starfsmanna í fræðslu
og skipulagða skráningu á allri
starfsþróun. Fræðslan er í stöðugri
þróun en mikill kraftur hefur farið
í hana undanfarið ár og mun hún
halda áfram að styrkjast og eflast
árið 2020.“
Samkaup leggur ríka áherslu á
að styðja starfsfólk sitt áfram til
starfsþróunar og er eitt af megin-
markmiðum fyrirtækisins að
starfsfólk fái tækifæri til að stunda
nám samhliða vinnu sem opnar
tækifæri til frekari starfsþróunar
innan fyrirtækisins og utan þess.
„Þá hefur Samkaup tekið þátt í
þróun á fagnámi í verslun og þjón-
ustu og er starfsfólk fyrirtækisins
stór hluti af fyrsta hópnum sem
byrjar núna í janúar 2020. Námið
er 90 eininga nám á framhalds-
skólastigi og kennt í samstarfi við
Verslunarskóla Íslands. Þeir sem
ljúka Fagprófinu fá tækifæri til að
halda námi áfram og ljúka stúd-
entsprófi frá Verslunarskólanum,“
segir hún.
Stór hluti fræðslu starfsfólks
fer fram á vinnustaðnum sjálfum
þar sem reynslumiklir starfs-
menn leiðbeina öðrum áfram. „Þá
fer í gang núna í janúar rafrænn
vettvangur fyrir starfsmenn
til að sækja sér aukna þekk-
ingu á sviðum sem snúa bæði að
almennum þáttum í versluninni
og persónulegum nótum sem snúa
að andlegri heilsu hvers og eins.“
En skyldu mannauðsmál vera
mikilvægari nú en til dæmis fyrir
tíu árum?
„Það hefur orðið ákveðin vit-
undarvakning á því hve mikilvæg-
ur málaflokkurinn er og hverju
það mun skila til lengri tíma
litið. Erfitt hefur verið að mæla
Magnaður heimur verslunarinnar
Gunnur er
kennari að
mennt með
MBA-gráðu og
er nú fram-
kvæmdastjóri
mannauðssviðs
Samkaupa.
Hún leggur
mikla áherslu á
menntun starfs-
fólks. FRÉTTA-
BLAÐIÐ/ERNIR
Gunnur Líf Gunn-
arsdóttir er fram-
kvæmdastjóri
mannauðssviðs
Samkaupa, sem
rekur 60 verslanir
um land allt. Hún
segir mikið lagt
upp úr heilsteypt-
um samskiptum,
sameiginlegri
sýn starfsfólks
og að skapa Sam-
kaupum sterka
stöðu sem eftir-
sóknarverðum
vinnustað.
nákvæmlega bein áhrif ánægðra
starfsmanna, en við vitum öll að
ánægt og jákvætt starfsfólk er lík-
legra til að skila góðu og vel unnu
starfi. En þetta breytist einnig
með starfsfólkinu sjálfu, það gerir
kröfur á fyrirtækið að gera vel og
standa sig vel gagnvart starfsfólki.
Það skiptir viðskiptavininn einnig
miklu máli að vel sé hlúð að starfs-
fólki. Og þarna tel ég að Samkaup
séu leiðandi í dag. Starfsmenn hafa
allir vilja til að gera vel og standa
sig vel, svo þegar kemur til dæmis
að breytingum þá hefur ekki
komið nein hindrun. Starfsmenn
eru ávallt til í verkefnin og það er
mikill drifkraftur í fólki. Auk þess
hef ég lagt mikla vinnu í að vera
sýnileg fólki og byggja upp traust
með því að vera til staðar, hlusta
á fólk og grípa fljótt til aðgerða
þegar þess er þörf. Svo þegar mig
vantar aðstoð frá fólkinu mínu, þá
eru allir til. Samkaup er eitt stórt
lið þar sem allir eru tilbúnir til að
vinna saman þvert á deildir og
vörumerki.“
KYNNINGARBLAÐ 29 F I M MT U DAG U R 2 3 . JA N ÚA R 2 0 2 0 KONUR Í ATVINNULÍFINU