Gríma - 24.10.1932, Blaðsíða 7

ÞÁTTUR AF HALLDÓRI KRÖYER
5
þar settur sýslumaður. Fór Halldór þá til Kaup-
mannahafnar og tók þar heimspekipróf árið 1836.
Tók hann þá að lesa lögfræði og mun hafa tekið fyrri
hluta prófs. En þá skifti um gæfu hans og gengi.
Lagðist hann í drykkjuskaparóreglu og kom aftur til
íslands eftir 10 ára veru í Höfn (árið 1846), án þess
að lúka embættisprófi og eyðilagður að miklu leyti.
Þótti frændum hans og vinum það skaði mikill, því
að þeir höfðu vænzt mikils af honum.
3. Álög.
Ekki vita menn nú með vissu, hver orsök var til
þess, að Halldór sleppti sér í drykkjuskaparóreglu í
Höfn, en haldið er, að það hafi orðið út úr ástamál-
um. Sú saga gengur, að hann hafi verið trúlofaður
danskri stúlku, en svikið hana í tryggðum. Varð hún
þá hamslaus af reiði og hatri til hans og lagði það á
hann, að hann skyldi verða svo lúsugur, að hann
þætti hvergi í húsum hæfur, og skyldi hann aldrei
losna við ófögnuð þennan. Aðrar sagnir herma svo
frá, að hún hafi náð í nálús, og hafi hún með ein-
hverjum ráðum komið henni ofan í Halldór, líklega
í mat eða drykk. En ef nálús fer ofan í mann, þá
herma það fornar sagnir, að lús spretti í sífellu út
úr líkama hans og séu engin tök að losna nokkru
sinni við þann ófögnuð. En þegar Halldór kom til
íslands, þá var hann svo lúsugur, að til vandræða
horfði. Voru margar tilraunir gerðar til að verka lús-
ina af honum, en þær komu að engu liði. Varð lúsin
honum til leiðinda og ófarnaðar alla æfi upp frá
þessu. Uppnefndu sumir hann og kölluðu Lúsa-
Kröyer.