Bændablaðið - 28.01.2016, Side 1

2. tölublað 2016 ▯ Fimmtudagur 28. janúar ▯ Blað nr. 459 ▯ 22. árg. ▯ Upplag 32.000
Tólf þúsund lífrænt vottaðar hænur í nýju vottuðu eggjabúi Nesbús í Miklholtshelli í Flóahreppi:
Hænurnar ganga frjálsar úti í Flóanum
Eggjabúið Nesbú á Vatnsleysu-
strönd fékk á mánudaginn líf-
ræna vottun frá Vottunarstofunni
Túni fyrir glænýtt varphænsna-
bú fyrirtækisins í Miklholtshelli
í Flóahreppi.
„Þetta er mikill heiður fyrir okkur
og viðurkenning sem fyrirtækið
er mjög stolt af, við höfum lengi
unnið að þessu og nú er vottunin
komin í hús, skjalfest með undir-
skrift sem fer í ramma og upp á
vegg,“ segir Stefán Símonarson,
framkvæmdastjóri hænsnabúsins
Nesbús á Vatnsleysuströnd, sem á
einnig hænsnabúið í Miklholtshelli
í Flóahreppi skammt austan við
Selfoss.
Glænýtt lífrænt bú
Í búinu, sem er splunkunýtt, eru tólf
þúsund lífrænar varphænur sem gefa
frá sér lífræn egg.
„Við erum fyrsta alvöru búið
á Íslandi sem fáum vottun sem
þessa, það eru jú áttatíu hænur á
Sólheimum og Skaftholti sem eru
með svona vottun en ekkert svona
risabú eins og okkar,“ segir Stefán.
Stór áfangi fyrir landsmenn
„Þetta er mikil viðurkenning fyrir
Nesbú og neytendur í landinu, nú
geta þeir valið sér lífræn egg úti
í búð, þetta er stór áfangi í okkar
starfi og vil ég nota tækifærið og
óska landsmönnum til hamingju með
þennan merkilega áfanga, þetta er í
rauninni stórviðburður á lífrænum
mælikvarða,“ segir Gunnar Ágúst
Gunnarsson, framkvæmdastjóri
Túns.
Nesbú er með um 80 þúsund
varphænur. Hefur vöxtur fyrirtækis-
ins verið mjög mikill síðustu ár enda
starfsmennirnir orðnir um þrjátíu.
„Já, reksturinn gengur mjög vel,
það er mikil sala í eggjum, ekki síst
með auknum ferðamannastraumi til
landsins. Nú verður bara spennandi
að sjá hvernig neytendur taka nýju
lífrænu eggjunum okkar. Þetta er
tilraun sem við erum að gera sem
við vonum að sjálfsögðu að muni
heppnast mjög vel,“ segir Stefán,
framkvæmdastjóri Nesbús. Hver
landsmaður neytir að meðaltali um
tíu kíló af eggjum á ári. /MHH
Blendnar tilfinningar
kornbænda
eftir erfitt tíðarfar
26
Stefán Símonarson, framkvæmdastjóri hænsnabúsins Nesbús á Vatnsleysuströnd, heldur hér á lífræna vottunarskjalinu frá Túni. Með honum eru Gunnar Ágúst Gunnarsson og Rannveig Guð-
leifsdóttir, verkefnisstjóri lífrænnar ræktunar hjá Túni. Á innfelldu myndinni eru nokkrar hamingjusamar lífrænar hænur að viðra sig úti við nýja eggjabúið. Mynd / Magnús Hlynur Hreiðarsson
Vífill Karlsson, hagfræðingur og
lektor við Háskólann á Akureyri,
hefur gert mat á áhrifum
nýgerðra tollasamninga Íslands
við Evrópusambandið á afkomu
íslenskra bænda. Samkvæmt
úttektinni mun þetta að meðaltali
geta valdið allt að 16% tekjulækk-
un hjá íslenskum bændum.
Skrifað var undir samningsdrögin
17. september 2015. Samningurinn
eykur innflutningskvóta á kjöti,
unnum kjötvörum og ostum verulega
frá því sem verið hefur. Kvótarnir eru
að aukast um 180–400% og fer það
eftir kjöttegundum. Er þessi aukn-
ing reyndar meiri ef unnar kjötvörur
væru reiknaðar niður á kjöttegund.
Þar verður langmesta aukningin á
kvóta. Var kvótinn 150 tonn en verð-
ur samkvæmt tollasamningnum 750
tonn. Er það 400% aukning.
Vífill Karlsson segir þó í úttekt
sinni fyrir BÍ að það sé ekki hægt að
reikna áhrifin á unnu kjötvörurnar
þarna inn í vegna skorts á fyrirliggj-
andi upplýsingum um skiptingu á
milli tegunda. Hins vegar var inn-
flutningur nokkuð meiri en heildar-
kvótar árið 2014 og var svo einnig á
nýliðnu ári. Tollfrjálsir kvótar vegna
innflutnings á nautakjöti, svínakjöti
og alifuglakjöti aukast einnig veru-
lega. Talið er að neikvæð áhrif þess
verði einna mest í svína- og alifugla-
ræktinni.
Veruleg kostnaðaraukning vegna
nýrrar aðbúnaðarreglugerðar
Auk neikvæðra tekjuáhrifa af niður-
fellingu tolla þurfa bændur nú að
takast á við verulegan kostnað-
arauka vegna nýrrar aðbúnaðar-
reglugerðar er varðar dýravelferð.
Þar er þó gefinn aðlögunartími,
misjafnlega langur eftir greinum.
Ráðgjafarmiðstöð landbúnaðarins
(RML) hefur metið að sá kostnaður í
svínaræktinni geti numið allt að 2,7
milljörðum króna. Þar til viðbótar er
reiknað með framleiðslutapi vegna
breytinga sem geti numið allt að 700
milljónum króna.
Í eggjaframleiðslunni áætlar
RML að leggja þurfi út í kostnað
sem nemur allt að 1,8 milljörðum
króna.
Í kjúklingaræktinni gerir reglu-
gerðin ráð fyrir auknu rými fyrir
fuglana. Það þýðir, miðað við
núverandi húsakost, að fækka
verður fuglum um 25%. Á árinu
2014 voru framleidd 8.000 tonn af
kjúklingakjöti á Íslandi. Innleiðing
reglugerðarinnar þýðir þá að það
vantar húspláss fyrir framleiðslu á
2.000 kjúklingum til að framleiðslan
haldist óbreytt. Því þarf að ráðast í
nýbyggingar upp á 1,3 til 2 milljarða
króna bara til að halda í horfinu, eða
að sætta sig við tekjutap upp á 1,2
milljarða króna á ári.
RML hefur einnig metið kostn-
aðarauka vegna hýsingar á hrossum
og stækkunar á stíum. Þetta þýðir
viðbótarkostnað fyrir hrossabændur
upp á nærri 530 milljónir króna.
/HKr.
− sjá nánar á bls. 4
Mat á samningi Íslands og ESB um tollfrjálsa innflutningskvóta á landbúnaðarvörum sem aukast allt að 400%:
Mun mögulega skerða tekjur bænda um 0,5 til 16%
− tekjuskerðing verður í öllum greinum og við það bætist verulegur kostnaður vegna nýrrar aðbúnaðarreglugerðar dýra
18
Hlutfall 1. verðlauna hrossa
í sögulegu hámarki
Gautsstaðir á Svalbarðsströnd
var afurðahæsta kúabúið 2015
32–33