Bændablaðið - 07.09.2017, Page 30

30 Bændablaðið | Fimmtudagur 7. september 2017
Embluverðlaunin afhent í fyrsta sinn:
Færeyingar komu, sáu og sigruðu
Embluverðlaunin voru afhent við hátíðlega athöfn í ráðhúsinu í Kaupmannahöfn 24. ágúst síðastliðinn.
Það voru Færeyingar sem voru sigurvegarar kvöldsins en þeir sópuðu að sér þremur verðlaunum af sjö. Leif
Sörensen kokkur var valinn matvælaiðnaðarmaður Norðurlandanna 2017, verkefnið Heimablídni var valið
í flokknum um mataráfangastað Norðurlandanna árið 2017 og bændurnir í Dímunargarði fengu Emblu-
verðlaunin sem hráefnisframleiðendur ársins. Íslendingar og Danir riðu ekki feitum hesti frá Emblu-
verðlaununum að þessu sinni en hinar Norðurlandaþjóðirnar fengu sín verðlaunin hver.
Hráefnisframleiðandi
Færeyjar – Dímunargarður
Matvælaiðnaðarmaður
Færeyjar – Leif Sörensen
Matur fyrir börn og ungmenni
Noregur – Geitmyra Matkul-
tursenter
Matur fyrir marga
Svíþjóð – Annika Unt
Matarblaðamennska/kynning
Álandseyjar – Michael Björklund,
Smakbyn
Matarfrumkvöðull
Finnland – Thomas Snellman -
REKO
Mataráfangastaður
Færeyjar – Heimablídni
Embluverðlaunahafar 2017:
Embluverðlaununum er ætlað að
hefja norrænan mat til vegs og
virðingar en að verðlaununum standa
bændasamtök allra Norðurlandanna
auk þess sem Norræna ráðherra-
nefndin er bakhjarl þeirra. Verðlaunin
eiga að efla sameiginlega vitund
Norðurlandabúa á sviði matargerðar
og menningar og jafnframt að vekja
athygli á norrænum matvælum á
erlendri grund.
Embluverðlaunin, sem eru þau
fyrstu sinnar tegundar sem veitt
eru á öllum Norðurlöndum, beina
kastljósinu að hráefnum, matvælum,
framleiðsluaðferðum og fagfólkinu
sem stendur þar að baki. Stofnað
er til verðlaunanna í þeim tilgangi
að miðla þekkingu og reynslu milli
landanna og vekja athygli á því sem
vel er gert í matvælageiranum.
Afhent annað hvert ár
Embluverðlaunin verða afhent annað
hvert ár en í ár sáu dönsku bænda-
samtökin Landbrug og födevarer um
framkvæmdina. /TB
Embluverðlaunahafarnir stilltu sér allir upp fyrir myndatöku eftir að úrslitin voru kunngjörð. Marie prinsessa og landbúnaðarráðherrar bæði Danmerkur og Íslands voru meðal þeirra sem afhentu
verðlaunin í ráðhúsi Kaupmannahafnar. Mynd / TB
Geitmyra Matkultursenter var sett
á laggirnar árið 2011 en starfsem-
in snýst um að fræða um mat og
matarmenningu. Um sjálfseignar-
stofnun er að ræða sem hefur ekki
gróðasjónarmið að markmiði.
Aðalmarkmið stofnendanna er að
kenna börnum hvernig maturinn verð-
ur til, hvernig hann er matreiddur og
hvað þarf til að koma honum alla leið
upp á disk neytenda.
Geitmyra er í samvinnu við skóla á
Oslóarsvæðinu og býður upp á fræðslu
og námskeið, ekki bara fyrir börnin
heldur líka fyrir heilu fjölskyldurnar.
Matur fyrir börn og ungmenni
Noregur – Geitmyra Matkultursenter:
Fræða börn um mat
Námskeið á Geitmyra.
Matur fyrir marga – Svíþjóð – Annika Unt:
Það er gaman að borða
Hin sænska Annika Unt vann til
Embluverðlaunanna í flokknum
„Matur fyrir marga“.
Hennar köllun er að búa til jákvæðni
og gleði í kringum opinberar máltíðir.
Hún fræðir og fjallar um mat og
matarupplifun frá ýmsum hliðum.
Útgangspunkturinn er gleði og þannig
breiðir hún boðskapinn til starfsfólks,
stúdenta og annarra sem neyta matar í
opinberum mötuneytum í Svíþjóð. Hún
fjallar m.a. um næringu, hollustu og
heilsu, menntun neytenda og uppruna
matvæla. Hún leggur mikla áherslu á
sænskan mat og sænskt hráefni og ýtir
undir að matur sé keyptur á heimaslóð.
Annika Unt frá Svíþjóð.
Hráefnisframleiðandi – Færeyjar – Dímunargarður:
Bændur sem búa við ysta haf
Það voru færeysku bændurn-
ir í Dímunargarði sem hrepptu
Embluverðlaunin í flokki hrá-
efnisframleiðenda. Þar kepptu
bændur frá öllum hinum
Norðurlöndunum en hjónin Eva
úr Dímum og Jógvan Jón Petersen
með börnin sín þrjú skutu þeim ref
fyrir rass.
Dímunargarður er eyja og sam-
göngur eru ekki auðveldar. Farið
er með þyrlu út í eyjuna þrisvar í
viku en erfitt er að leggja bátum
upp við klettana. Hjónin lifa af
landsins gæðum en selja sína fram-
leiðslu líka í Færeyjum, m.a. til
bestu veitingastaðanna í Þórshöfn.
Búið er með nautgripi, sauðfé og
stunduð er lítilsháttar ræktun. Þá
reka bændurnir ferðaþjónustu og
leigja út gistiaðstöðu. Upplýsingar
um búskapinn og lífið í eyjunni má
finna á vefsíðu bændanna,www.
storadimun.fo.
Matvælaiðnaðarmaður – Færeyjar – Leif Sörensen:
Matreiðslumaður sem fer ótroðnar slóðir
Leif Sörensen, matreiðslumað-
ur og matarfrumkvöðull frá
Færeyjum, hlaut Embluverðlaunin
sem matvælaiðnaðarmaður
Norðurlandanna árið 2017.
Leif er einn þekktasti kokkur
Færeyja og hefur starfað víða um
Norðurlönd og borið út fagnaðar-
erindið um
n o r r æ n a
matarhefð.
L e i f u r
var einn
af stofn-
endum veitingastaðarins Koks
í Færeyjum sem í fyrra hlaut
Michelin-stjörnu. Hann hefur þó
fyrir nokkru dregið sig út úr þeim
rekstri og sinnir meðal annars ýmissi
tilraunamennsku í matargerð. Leifur
er þekktur fyrir frumleg hráefni sem
hann notar, m.a. þara, fiskmeti
ýmiss konar, jurtir og auðvitað
færeyska skerpukjötið.
Jógvan og Eva.
Leif Sörensen.