Fréttabréf Öryrkjabandalags Íslands - 01.06.1998, Page 4

missi af þeim fallegu stöðum sem er
þó hægt að gera aðgengilega.
✓
Eg er nú að láta af störfum hjá
Öryrkjabandalagi íslands eftir
nærri þriggja áratuga starf. Það eru
blendnar tilfinningar í hugskotinu
þegar ég hugsa til þess að nú gerast
ýmsir hlutir sem ég verð ekki þátt-
takandi í lengur. Hinsvegar dettur mér
ekki í hug að segja að mig varði ekki
um hlutina lengur. Málaflokkur fatl-
aðra verður minn málaflokkur hér eftir
sem hingað til og ég mun ekki slíta
sambandinu við Öryrkjabandalagið.
Þú þurrkar ekki út áratuga starf gleði
og vonbrigða - skins og skúra. Þú
þurrkar ekki út vináttu og samstarf
margra ára. Nei lífið heldur áfram, að
vísu á svolítið öðrum en vonandi góð-
um nótum.
Og við höldum vonandi áfram að
ganga til góðs götuna fram eftir veg.
Höldum vökunni og látum ekki deigan
síga þó á móti blási stundum. Vegna
þess að á eftir vetrinum kemur alltaf
vor.
Asgerður Ingimarsdóttir.
Framkvæmda-
stjóraskipti
Hinn 1. júní sl. urðu mikil þáttaskil
hjá Öryrkjabandalagi íslands.
Ásgerður Ingimarsdóttir lét af störfum
sem framkvæmdastjóri eftir 28 ára starf
hjá bandalaginu, unnið af einstakri elju,
einlægni og samvizkusemi. Ásgerði er
ekkert mannlegt óviðkomandi og ein-
stök er alúð hennar gagnvart hverju því
sem á þarf að taka og úr að leysa.
Öryrkjabandalagið er ekki samt eftir
að hún hefur kvatt sitt þýðingarmikla
hlutverk. Henni fylgja hlýjustu óskir
um gleðiríka giftutíð með hugheilli
þökk fyrir frábært starf. En eins og
Ásgerður segir: Málefni fatlaðra eru
og verða alltaf minn málaflokkur, og
máske megum við þess áfram í ein-
hverju njóta.
Helgi Seljan sem gegnt hefur starfi
félagsmálafulltrúa og ritstjóra um hálft
ellefta ár hefur tekið við af Ásgerði.
Framkvæmdastjórn bandalagsins stóð
einróma að ráðningu hans og hún síðar
staðfest af stjómarfundi. Vonandi tekst
honum að uppfylla þær væntingar sem
til hans eru gerðar.
Helga Þorleifsdóttir
deildarstjóri:
Tvö Ijóð
VORIÐ
í fjallshlíðinni á gráum steini
sat vorið og beið síns tíma
efst á tindum hrikalegra fjallanna þrjóskaðist
veturinn við að kveðja dalinn.
Lækirnir í fjallshlíðunum losnuðu
hægt og hægt undan viðjum vetrarins
lækirnir dönsuðu léttilega niður mjúkar hlíðar fjallanna
droparnir urðu fleiri og fleiri sem vildu vera með
í þessum frelsisdansi lækjarins.
ísinn varð að tærum dropum sem tindruðu
í kaldri morgunskímunni
og þegar fyrstu sólargeislarnir birtust
hurfu droparnir í trylltan gleðidans lækjarins.
Hægt og hægt reis sól á bláum himninum
og brosti heitu geislandi brosi og faðmaði vorið
sem beið á gráum steini.
Vorið steig sín fyrstu skref í geislum sólarinnar og
undan gráa steininum birtist lítill gulur kollur
kollurinn teygði anga sína í átt til sólar
hægt og hægt opnaðist lítið undur vorsins
eitt af öðru breiddu blöðin úr sér og
Holtasóleyin heilsaði nýjum degi.
2. feb/98.
DRAUMURINN
í Ijúfum svefninum kom draumurinn
æðandi eins og hafgyðjan sem klýfur ölduna
með gljáandi bláleitum sporðinum.
í hafi gyðjunnar voru hvítar perlur á botninum
og með lagni var hægt að tína perlurnar
úr bleikum skeljunum sem opnuðust í draumnum.
Hver perla var sem eitt ógleymanlegt andartak
þar sem sælan var fullkomin.
Áfram klauf hafgyðjan ölduna eins og skipið
með seglin þanin í átt að sjónarröndinni
í átt að draumnum sem var óendanlegur
en í svefnrofunum birtist dagurinn
eins og óboðinn gestur með perlurnar
í mjúkum lófanum.
9. mars 1998.
4