Víkurfréttir - 16.04.2020, Blaðsíða 6

Það verður margt öðruvísi í framhaldinu
– segir Magnús Stefánsson, bæjarstjóri í Suðurnesjabæ.
„Staðan er vissulega mikið áhyggjuefni og óvissa með framhaldið.
Þetta mun hafa áhrif á sveitarfélagið. Við sjáum fram á minnkandi
útsvarstekjur en á sama tíma aukinn kostnað ýmis konar vegna
COVID-19 og það verða því miklar áskoranir að takast á við ástandið
á næstu vikum og mánuðum,“ segir Magnús Stefánsson, bæjarstjóri í
Suðurnesjabæ.
Suðurnesjabæ er með nokkuð digra
framkvæmdaáætlun fyrir árið en á
sama tíma og verið er að kalla eftir
frekari þátttöku sveitarfélaganna
vegna COVID-19 er tekjutap. „Ég veit
ekki hvernig þetta á allt að ganga upp.
Við vonum að ríkið komi þarna inni í.
Staðan á Suðurnesjum er verst á öllu
landinu og stefnir í 20% atvinnuleysi.
Oft hefur verið þörf en nú alger nauð-
syn að ríkið komi að og spýti í.“
Magnús segir að Suðurnesjamenn
hafi reynslu í því að takast á við áföll.
Það síðasta var fyrir um ári síðan þegar
WOW air féll en þá misstu margir
Suðurnesjamenn vinnuna. „Við höfum
áður lent í áföllum og gengið ágætlega
að vinna okkur úr þeim. Það er ljóst
að margt verður öðruvísi í framhaldi
af COVID-19. Við þurfum og munum
bretta upp ermar í framhaldinu. Það er
engin spurning. Kannski mun sjávarút-
vegurinn, sem er stór í Sandgerði, draga
okkur að landi eins og oft áður,“ sagði
Magnús Stefánsson.
Kannski mun
sjávarútvegurinn,
sem er stór í
Sandgerði, draga
okkur að landi eins
og oft áður ...
Smelltu á myndskeiðið til að horfa og hlusta
6 // VíKurFrÉttir á SuÐurNESJum í 40 ár
Fimmtudagur 16. apríl 2020 // 16. tbl. // 41. árg.