Víkurfréttir - 16.04.2020, Blaðsíða 68

– Hvernig voru páskarnir?
Páskarnir hafa verið einkar undar-
legir fyrir mann sem vinnur í kirkju.
Engin orgelleikur við messur í fyrsta
skiptið í tuttugu ár, páskasálmarnir
og tónið á bandi og fjölskyldan í allt
of mikilli fjarlægð. Ég sakna fólksins
míns, fjölskyldu og kóra.
– Hvernig páskaegg fékkstu og
hver var málshátturinn?
Við hjónin keyptum okkur Nóa og
Siríus, saltkaramellueggið. Ég slátr-
aði mínu á tíu mínútum en konan á
enn helminginn af sínu. Málsháttur-
inn minn er: „Að biðja er mönnum
misjafnt lagið.“
– Hvaða aðferðir ertu að nýta til
að eiga í samskiptum við fólk?
Samskipti hafa aðallega farið í
gegnum síma en þó hefur Zoom
verið notað töluvert. Um páskana
var fjölskyldan iðin við að vera
í spurnarleikjum á „Kahoot“ og
Zoomið þá notað. Í gengum tíðina
hefur Messenger verið notað mikið
á mínu heimili til að eiga samskipti
við börn og barnabörn.
– Ef þú fengir bara að hringja eitt
símtal í dag, hver fengi það símtal
og hvers vegna?
Amma fengi símtalið í dag, er búinn
að vera á leiðinni að hringja í hana í
of langan tíma.
– Hvernig ertu að upplifa nýjustu
tíðindi um að það muni jafnvel
margar vikur inn í sumarið að
aflétta hömlum vegna COVID-19?
Lítið er hægt að blúsast yfir þessum
fregnum. Svona er þetta bara. Þær
kórferðir sem átti að fara í sumar
verða þá bara að bíða. Ég á yndis-
legan pall og pott, nýjan bíl og kúlu-
tjald. Þetta verður í lagi.
– Hvaða lærdóm getum við dregið
af heimsfaraldrinum?
Ekkert er sjálfsagt! Allt í einu kemur
lítil padda og snýr öllu á hvolf og
ekkert er hægt að gera annað en að
bíða hana af sér. Það sem áður var
svo sjálfsagt, eins og hitta börnin,
barnabörnin, ömmur og afa og for-
eldra, er allt í einu hættulegt!
– Ertu liðtækur í eldhúsinu?
Ég er einungis liðtækur þegar kemur
að frágangi. Hólmfríður heimils-
fræðikennari hrósaði mér ekki oft en
þegar ég var með tuskuna í hendinni
átti hún ekki orð. „Þvílík sjón þegar
drengurinn rennir yfir borðin,“ sagði
hún oft.
– Hvað finnst þér virkilega gott
að borða?
Ég held að súpukjöt sé að tikka inn
sem uppáhaldsmaturinn minn. Auð-
vitað eru Wellington-steikur alltaf
góðar. Kjötfars er líka í miklu uppá-
haldi. En að öllu ólöstuðu er Villa
borgarinn alltaf bestur (ekki sam-
starf).
– Hvað var í páskamatinn?
Í páskamatinn var lambahryggur frá
Ásbrú, sveit foreldra minna.
– Hvað finnst þér skemmtilegast
að elda?
Eins og áður sagði er ég ekki öflugur
þegar kemur að matargerð. Ég elda
þó eitt sem Guðný mín biður mig
af og til að henda í ... smjörsteiktan
humar.
– Hvað var bakað síðast á þínu
heimili?
Við fórum í smá keppni um páskana,
ég og spúsa mín, um að gera súr-
deigsgrunn. Kona vann og því-
líkur unaður að fá nýbakað brauð á
morgnana. Þannig að síðasta sem var
bakað á mínu heimili var súrdeigs-
brauð á páskadagsmorgun.
– Ef þú fengir 2000 krónur. Hvað
myndir þú kaupa í matinn?
Fyrir 2000 kall mætti fá ýmislegt. Ég
myndi kaupa rúgbrauð, síld, kjötfars,
hvítkál og kartöflur þá er peningur-
inn að öllum líkindum uppurinn.
– Hvað hefur gott gerst í vikunni?
Jákvætt í vikunni er vitanlega að
paddan er á undanhaldi. Allar þessar
gjafir á sjúkrastofnanir eru fallegar.
Snjórinn er á undanhaldi og veður
að skána og það sjást fiskar í sjónum
við Feneyjar.
– Hvað hefur vont gerst í vikunni?
Neikvætt í vikunni voru fregnir af
mannshvarfi. Ömurlegt.
Þvílíkur unaður að fá
nýbakað brauð á morgnana
Hvaða spurningu hefðir þú viljað fá að svara í þessu viðtali?
Hver er spurningin og svarið við henni?
– Hefur þú lært eitthvað undarlegt upp á síðkastið?
Já, að orðið „pogonophobia“ er orð yfir þá sem eru hræddir
við skegg. Sem betur fer á það ekki við um frúna mína.
N
etspj@
ll
– Arnór Vilbergsson, organi
sti við Keflavíkurkirkju, fór í
keppni
um páskana við spúsu sína h
vor gerði betri súrdeigsgru
nn.
Hún vann!
68 // VíKurFrÉttir á SuÐurNESJum í 40 ár
Fimmtudagur 16. apríl 2020 // 16. tbl. // 41. árg.