Spássían - 2012, Side 28

28
hafa áhuga á bókum. Það mætti púkka meira upp á
krakkana sem þó lesa og halda þar með áhuga þeirra
við í stað þess að býsnast skuli sífellt yfir þeim sem
ekki lesa.“
Meðal þeirra bóka sem íslenskir krakkar lesa
eru bækur Gerðar. Þeirra á meðal er Garðurinn
sem hlaut Barna- og unglingabókaverðlaun
Vestnorræna ráðsins árið 2010 og Marta smarta
sem fékk Bókaverðlaun barnanna árið 2003. „Mér
finnst gaman að skrifa fyrir börn og skrái sífellt hjá
mér hugmyndir fyrir þær næstu. Sumar henta bara
fyrir barnabækur og aðrar í fullorðinsbækur. Ég
hefði aldrei skrifað barnabók um konu sem er rænt
heiman frá sér og seld mansali og ég hefði aldrei ort
bálk um konu sem setur kransaköku upp á bílþakið
sitt svo bakkelsið hendist af um leið og hún ekur af
stað. Mér finnst dásamlegt að hafa komist upp með
að skrifa bæði fyrir börn og fullorðna án þess að vera
stimpluð bara annað hvort. “
STEMNING FYRIR LJÓÐUM
Í viðtali í Morgunblaðinu árið 2007 sagði Gerður
„allt þetta tal um dauða ljóðsins“ ekki lýsa öðru
en „ótta okkar við að missa það“. Henni fannst
þessi ótti ástæðulaus þá og finnst það enn. „Ég fæ
mikil viðbrögð við ljóðunum mínum. Íslendingar
hafa áhuga á ljóðum og þeir allra hörðustu kaupa
sér ljóðabækur. Sjálf finnst mér ég verða að eiga
ljóðabækur uppáhaldsskáldanna minna og hef lesið
sumar þeirra svo oft að blöðin hafa fyrir löngu losnað
úr kilinum. Lágt muldur þrumunnar eftir Hannes
Sigfússon er til dæmis býsna illa farin.“
Gerður er þegar farin að vinna að næstu bókum.
„Ég er að skrifa skáldsögu þessa dagana fyrir
fullorðna en síðan bíður mín bálkur. Aðalatriðið
er að skrifa alltaf það sem mig langar mest til. Mig
grunaði aldrei að Blóðhófnir félli jafn vel í kramið
hjá lesendum og hann gerði og það var ekki nokkur
maður sem bað mig um að yrkja þá bók.“
Aðalatriðið er að
skrifa alltaf það
sem mig langar
mest til. Mig
grunaði aldrei að
Blóðhófnir félli jafn
vel í kramið hjá
lesendum og hann
gerði og það var
ekki nokkur maður
sem bað mig um að
yrkja þá bók.“
„