Spássían - 2012, Qupperneq 29

29
Sími 411 6100 - www.borgarbokasafn.is - www.bokmenntir.is - www.literature.is - www.bokvit.tumblr.com
Bókmenntavefurinn er sannkallaður suðupottur bókmenntanna
sem endalaust er hægt að svamla í. Slóðin er www.bokmenntir.is
NÝJU BÆKURNAR
Á Bókmenntavefnum er fjallað um nýútkomnar bækur á íslensku.
Greinarnar eru eftir bókmenntafræðinga og hægt er að skoða
umsagnir um bækur nokkur ár aftur í tímann. Nýjar greinar eru
birtar allt árið en flestar þó seinni hluta ársins þegar bókaútgáfa
er líflegust. Einnig eru þar pistlar frá lesendum sem segja frá því
sem þeir eru að lesa, bæði nýju efni og gömlu.
HVAÐ Á ÉG AÐ LESA?
Það er gráupplagt að skoða Bókmenntavefinn ef þig vantar
ábendingar um áhugaverðar bækur. Þar er einnig hægt að kynna
sér betur íslenska rithöfunda. Æviágrip höfunda er tíundað,
yfirlitsgreinar um höfundarverk þeirra, persónulegir pistlar frá
þeim sjálfum, ítarlegar ritaskrár og textabrot. Þá má einnig skoða
hvaða bækur hafa verið verðlaunaðar.
Á DÖFINNI
Á Bókmenntavefnum er sagt frá því helsta sem er
á döfinn í bókmenntalífinu.
Dettu
í bókapottinn
Í VETUR ER SPÁSSÍAN
SPENNT FYRIR:
Sónar Reykjavík, tónlistarhátíð tileinkuð þróaðri
tónlist og nýmiðlun. Sónar hátíð var fyrst haldin í
Barcelona árið 1994 og hefur upp frá því verið haldin þar
þrjá daga í júní ár hvert, auk þess að vera frá árinu 2002
einnig haldin víðsvegar um heiminn. 15.-16. febrúar mun
slík hátíð í fyrsta sinn vera haldin í Reykjavík.
Endursýningum á Brák. Í tilefni af því að fimm ár
eru liðin frá því að Brynhildur Guðjónsdóttir frumsýndi
stórgóða sýningu sína um ambáttina Brák efnir
Landnámssetrið í Borgarfirði til fjögurra sýninga í janúar.
Sýningunni Lauslega farið með staðreyndir -
sumt neglt og annað saumað fast í Hafnarborg,
en þar hefur Þórunn Elísabet Sveinsdóttir endurraðað
peysufötum, upphlutum, jakkafötum, útsaumi,
afgöngum, gömlum tuskum og fleiru í myndverk sem
minna í senn á hefðbundin bútasaumsteppi og þrívíðar
lágmyndir. Sýningin er opin til 6. janúar.