Íþróttablaðið - 01.09.1978, Blaðsíða 11

sætið var hins vegar tvísýnni. í henni
áttu lengst af ÍBK, KA, FH og Þróttur.
Það lið sem enn hefur ekki verið nefnt,
Fram, sigldi eiginlega milli skers og
báru í allt sumar. Framliðið var á mót-
unarskeiði eftir töluverða endurnýjun,
og má teljast hafa sloppið mjög vel frá
sumrinu, enda tæpast að búast við
öðru, þar sem það var undir stjórn
Guðmundar Jónssonar, sem alltaf hef-
ur megnað að ná hinu bezta út úr
Framliðinu.
Sem fyrr segir rak ÍBK rækilega af
sér slyðruorðið þegar á mótið leið, og
kvaddi KA, Þrótt og FH í fallbarátt-
unni. Þessi þrjú lið áttu við svipuð
vandamál að etja í sumar. FH hafði þá
forskot á hin liðin tvö, þar sem það
hafði leikreynslu í 1. deildinni. Svo fór
þó að lokum að nýliðarnir báðir, KA og
Þróttur héldu velli, en FH féll. Má það
vera aðstandendum og íþróttamönnum
í FH nokkurt áhyggjuefni að svo skyldi
fara, og yfirleitt er það með ólíkindum
hve lítill áhugi virðist á knattspyrnu í
Hafnarfirði, þeim mikla íþróttabæ.
Oftast voru fáeinir áhorfendur þegar
FH-ingar léku á heimavelli, og félagið
skorti tilfinnanlega bakstuðning bæjar-
búa og áhuga, og er ekki ósennilegt að
það hafi ráðið úrslitum að svo fór sem
fór.
Bæði KA og Þróttur áttu fyrst og
fremst það markmið í deildinni í sumar
að halda þar sæti sínu. Reynslan sýnir
að fyrsta árið í 1. deild er oft afskaplega
erfitt.
Leikmáti þessara tveggja nýliða var
mjög ólíkur. KA-menn áttu „köflóttan“
feril í deildinni í sumar, ef svo má að
orði komast. Öðru hvérju var leikið á
fullu og leikmenn liðsins geisluðu af
áhuga og dugnaði, en þess á milli var
gengið til starfs með hangandi haus, og
afleiðingin var þá oftast slæm högg á
bossann — rassskelling. Þróttarar spör-
uðu hins vegar aldrei kraftana, og
sýndu engu liðinu neina virðingu. Segir
það ef til vill mesta sögu um frammi-
stöðu þeirra í deildinni í sumar, að
beztu liðin, Valur og Akranes lentu í
hinum mestu erfiðleikum í leikjum sín-
um við Þrótt. Þar á að vera framtíðarlið
á ferðinni — lið sem sennilega á í
erfiðleikum næsta sumar að halda sæti
sínu, en fer að blómstra úr því.
Víkingar tóku mikinn fjörkipp undir
lok keppnistímabilsins, en sóknar-
leikur þeirra í sumar var ekki eins
beittur og flestir áttu von á.
KR var yfirburðalið
2. deildar keppnin í sumar tók
snemma þá stefnu að KR-ingar skáru
sig úr hvað getu snertir, en mikil barátta
var hins vegar um annað sætið í deild-
inni, — hitt 1. deildars ætið. KR-ingar
létu það ekki mikið á sig fá þótt þeir
yrðu fyrir áföllum áður en keppnis-
tímabilið hófst, misstu þá tvo af sínum
beztu leikmönnum, Hálfdan Örlygsson
og Örn Óskarsson. Undir stjórn hins
unga þjálfara síns, Magnúsar Jóna-
tanssonar, náði KR-liðið góðum leikj-
um í sumar, allt frá upphafi til enda, og
má ætla að liðið hafi verið svipað að
styrkleika og lélegri liðin í 1. deild. Nú
verður mjög svo spennandi að sjá hvað
gerist hjá KR á næsta keppnistímabili,
hvort 2. deildin hefur verið sá skóli fyrir
liðið, sem það þurfti, en sem kunnugt er
var KR-liðið lengi búið að berjast við
fall í 2. deild, áður en kom að því í fyrra.
11