Íþróttablaðið - 01.09.1978, Blaðsíða 23

Þegar Barbara hafði áttað sig eftir
lostið, fékk hún einkaflugvél til að
fljúga með sig til Milano, og var hún
komin að sjúkrabeði manns síns eftir
nokkrar klukkustundir. Á flugvellinum
hafði hún fengið góðar fréttir. Petterson
var sagður töluvert slasaður, fótbrotinn
á báðum fótum, en ekki í lífshættu. —
Ég get næstum grátið af gleði yfir því að
hann skyldi sleppa, sagði Barbara við
blaðamennina sem biðu hennar við
sjúkrahúsið, og síðan bætti hún því við
að hún vonaði að Petterson hætti þátt-
töku í kappakstri eftir þetta.
Meðan læknar tóku á móti öku-
mönnunum sem slasast höfðu og gerðu
að sárum þeirra ríkti mikill órói í
Monza. Bifreiðarnar sem lent höfðu í
árekstrinum voru dregnir út af braut-
inni og hún hreinsuð. Ökumennirnir
héldu hins vegar með sér fund fyrir
luktum dyrum, en brátt spurðist þó út
að þeir ætluðu sér að neita að keppa.
Fundurinn stóð í tvo tíma, og áhorf-
endur voru orðnir óþolinmóðir. —
Hugleysingjar, aumingjar, heyrðist
kallað úr áhorfendastúkunni.
Þegar ökumennirnir komu loks út í
brennandi sólskinið af fundi sínum
bauluðu áhorfendur á þá. Suður-Af-
ríkubúinn Jody Scheckter settist undir
stýrið á bifreið sinni og ók einn
reynsluhring á brautinni. Þegar hann
var kominn langleiðina rann bifreið
hans til og kastaðist út í grindverkið
sem er umhverfis brautina. Varð þetta
til þess að ökumennirnir urðu enn
ákveðnari en áður að hætta við keppn-
ina.
En forráðamenn keppninnar voru á
öðru máli. Þeir ætluðu vitlausir að
verða. Hrópuðu að ökumennirnir væru
að svíkja áhorfendur, og lofuðu og lof-
uðu að brautin yrði löguð fyrir næstu
keppni. Að lokum létu kappaksturs-
mennirnir undan og settust upp i bif-
reiðar sínar. Þeir hófu síðan keppni
meira af skyldurækni en áhuga og
áhorfendur snéru að lokum ánægðir
heim. Þeir töldu sig hafa fengið nóg
fyrir peningana sína.
Félagi Ronnie Petterson, Mario
Andretti, sigraði í kappakstrinum,
ásamt Gilles Villeneuve sem ók Ferr-
ari-bifreið, en mínútu var síðan bætt
við tíma þeirra, þar sem í ljós kom að
þeir höfðu þjófstartað. Sigurvegari varð
því Austurríkismaðurinn Niki Lauda,
heimsmeistari frá í fyrra. Sá sigur virtist
ekki færa honum neina gleði. Hugurinn
var hjá þeim Brambille og Petterson.
Sjálfur hafði Lauda lent í alvarlegu
slysi rösklega ári áður, á Núrburg—
brautinni í Vestur-Þýzkalandi.
Og Mario Andretti. í keppninni í
Monza tryggði hann sér heimsmeist-
aratitilinn í ár, en hann tók varla undir
þegar honum var óskað til hamingju. —
Myndin að ofan: Ronnie Petterson
ræðir við Colin Chapman, forstjóra
Lotus-fyrirtækisins; Myndin að neð-
an: Tveir kunnir kappakstursmenn:
Nicki Lauda og Emerson Fittipaldi,
sem báðir hafa komist í hann krapp-
ann á kappakstursbrautinni, og ber
Lauda þess óræk merki.
23