Íþróttablaðið - 01.09.1978, Qupperneq 53

Skozka stórveldiö
Það brezkt knattspyrnulið sem
flestir íslendingar fylgjast með er
skozka liðið Glasgow Celtic.
Engin furða er þótt íslendingar
hafi mikinn áhuga á hvernig
gengur hjá þessu félagi, þar sem
einn af leikmönnum þess er
fyrirliði íslenzka landsliðsins,
Jóhannes Eðvaldsson. Hefur Jó-
hannes verið einn af máttar-
stólpum Celtic-liðsins frá því að
hann var keyptur til þess, og þótti
t.d. einn bezti leikmaður liðsins á
síðasta keppnistímabili. „Big
Shuggie“ eins og aðdáendur
Celtic-liðsins kalla Jóhannes
hefur öðlazt gífurlegar vinsældir í
Skotlandi, og hefur frammistaða
hans verið góð kynning fyrir ís-
lenzka knattspyrnu og henni til
álitsauka.
í langan aldur hafa tvö félög skorið
sig algjörlega úr í skozku knattspyrn-
unni. Eru það Glasgow-félögin Celtic
og Rangers og keppni í deild og bikar
hefur nánast verið einvígi þeirra á milli.
Síðasta keppnistímabil var því undan-
tekning, en þá vegnaði Celtic verr en
oftast áður og var meira að segja um
tíma í fallhættu í úrvalsdeildarkeppn-
inni. En nú virðist Celtic-liðið koma
Núverandi framkvæmdastjóri Celtic,
Billy McNeill
Celtic
Einn frægasti leikmaður sem leikið
hefur með Celtic er tvímælalaust
Kenny Dalglish, sem er af mörgum
talinn einn bezti leikmaður brezku
knattspyrnunnar um þessar mundir.
tvíeflt til leiks, og lofar byrjun keppnis-
tímabilsins góðu hjá liðinu.
Celtic-liði á að baki mjög litríka sögu.
Það var stofnað árið 1888, og strax á
fyrstu árum sínum komst það í fremstu
röð, þar sem það hreppti skozka
meistaratitilinn þegar árið 1893. Meðal
þeirra sem léku í fyrsta liðinu sem
Celtic tefldi fram var Willie Maley, sem
síðar tók við framkvæmdastjórn hjá fe-
laginu og var hann í þjónustu þess í
rösklega fimmtíu ár, sem útaf fyrir sig
er einstætt. Við starfi Maleys sem
framkvæmdastjóri Celtic tók svo
Jimmy McStay, sem einnig gegndi því
starfi í langan tíma, og var það ekki fyrr
en árið 1945 sem Celtic fékk sinn þriðja
framkvæmdastjóra. Sá var Jimmy
McGrory, sem á sínum tíma hafði verið
einn bezti leikmaður Celtic-liðsins og
einn frægasti markakóngur Bretlands-
eyja. Hann gegndi framkvæmdastjóra-
starfinu fram til ársins 1965, að Jock
Stein tók við starfinu, en undir hans
stjórn náði Celtic-liðið betri árangri en
nokkru sinni fyrr. Hámark frægðarfer-
ils Steins var er Celtic-liðið varð
Evrópumeistari í knattspyrnu 1967, og
varð Celtic þar með fyrst allra brezkra
félaga til þess að vinna þann titil. Þótti
Celtic-liðið leika framúrskarandi
knattspyrnu undir stjórn Steins, sem
einnig var frægur fyrir hversu næmur
hann var að velja í liðið leikmenn sem
áttu vel saman, og hversu fljótur hann
var að sjá hvaða eiginleikum hver og
einn knattspyrnumaður var gæddur.
Það var Stein sem fékk Jóhannes
Eðvaldsson til Celtic og hefur hann
sennilega sjaldan gert betri kaup, þar
sem Jóhannes hefur reynzt félaginu
drjúgur liðsmaður allt frá því að hann
hóf að leika með því. Undir stjórn Jock
Stein varð svo Celtic átta sinnum
skozkur bikarmeistari og sex sinnum
skozkur meistari.
Núverandi framkvæmdastjóri Celtic
er Billy McNeill. Hefur hann átt í
nokkrum erfiðleikum, en svo er að sjá
að þeir séu nú yfirstignir og að Celtic
muni í vetur standa vel fyrir sínu.
Það er ýmislegt fleira en frábær ár-
angur sem Celtic-liðið er þekkt fyrir.
Þannig má nefna að allt frá árinu 1893
hefur liðið haft yfir flóðlýstum knatt-
spyrnuvelli aðæða, og Celtic er einnig
eina brezka knattspyrnufélagið þar sem
númer leikmanna eru ekki á peysum
þeirra, heldur aðeins á buxunum.
Framhald á bls. 58
53