Íþróttablaðið - 01.07.1979, Qupperneq 66

Ekur Copersucar-bifreið sem þykir ekkert afbragð,
en samt sem áður er Fittipaldi jafnan í hópi þeirra
fyrstu í kappakstrinum.
15. Jean-Pierre Jabouille: Frakki sem stundum er
kallaður Danny Kaye kappakstursins, vegna þess
hve sláandi líkur hann er hinum kunna leikara. Hann
ekur Renault-turbo bifreið.
16. René Arnoux: Frakki sem ekur einnig Ren-
ault-turbo bifreið. Ungur ökumaður, sem vafalaust
á eftir að láta verulega að sér kveða í framtíðinni.
17. Jan Lammers. Hollendingur sem ekur
Shadów bíl. Er þetta hans fyrsta keppnisár meðal
hinna bestu, en áður hefur hann hlotið Evrópu-
meistaratitilinn í „formúla 3“ kappakstri. Er sagður
efnilegastur af þeim ungu ökumönnum sem nú taka
þátt í Grand-Prix
18. Elio de Angelis: ítali sem ekur Shadow.
20. James Hunt: Breti og fyrrverandi heims-
meistari. Er nú fyrsti ökumaður Wolf verksmiðjanna.
Hunt hefur ekki gengið vel að undanförnu, og lýsti
nýlega yfir því að þetta væri síðasta árið sem hann
tæki þátt í kappakstri.
22. Derek Daly: Breti sem ekur Ensign-bíl. Efni-
legur ökumaður, sem hefur enn litla reynslu á stórum
kappakstursbílum.
24. Arturo Merzario: ítali sem ekur bifreið sem
hann hefur sjálfur smíðað og nefnir auðvitað Mer-
zario. Bíllinn hefur reynst gallagripur og árangur
ökumannsins hefur verið eftir því.
25. Patrick Depailler: Frakki sem ekur einnig
frönskum bíl: Ligier. Depailler er kunnur ökumaður,
en hefur ekki byrjað eins vel í heimsmeistarakeppni
og að þessu sinni. Þakkar hann það bílnum, sem
hann segir að sé framúrskarandi góður.
26. Jacques Laffite: Frakki sem einnig ekur
Ligier-bíl og hefur gengið vel það sem af er þessu
keppnistímabili. „Besti bíll sem ég hef hingað til
snert á“ segir hann um bílinn sem hann ekur í ár(
27. Alan Jones: Ástralíubúi sem ekur Williams—
bíl, léttur og lítill bíll, sem talið er ólíklegt að standist
hinum stærri og sterkari snúning, þegar á reynir.
28. Clay Regazzoni: Svisslendur sem einnig ekur
Williams-bíl. Einn kunnasti kappakstursmaður
heims, er búinn að vera í baráttunni um heims-
meistaratitilinn í áraraðir, en hefur átt misjöfnu
gengi að fagna.
29. Riccardo Patrese: ítali sem ekur Arrows-bíl,
eins og í fyrra, en þá gekk honum mjög vel, miðað við
hve reynslulítill hann var.
30. Johen Mass: Vestur-Þjóðverji sem einnig ekur
Arrows-bíl. Gamalreyndur ökumaður, sem oftsinnis
hefur verið í fremstu röð.
31. Hector Rebaque: Mexikóbúi. Hann ekur
Lotus-bíl, sem hann á og gerir út sjálfur.
Lieger-bíllinn sem segja má að komið hafi séð og
sigrað á þeim mótum sem þegar eru afstaðin.
Alfa Romio. Þessi bíll hefur verið endurbættur
verulega og þykir nú orðinn góður kappaksturs-
bíll.
Tyrell. Þykir helst til þungur og svifaseinn til þess
að búast megi við því að hann verði í fremstu röð.
Lotus 79. Glæsilegur vagn, en hefur ekki vegnað
vel það sem af er keppninni.
McLaren. Helsti galli bílsins er sagður sá að hann
veiti of mikla loftmótstöðu.
66