Íþróttablaðið - 01.07.1979, Síða 73

í hálfleik
Meðan fræknustu stangar-
stökkvarar heims, keppast við
að stökkva 5,40—5,60 metra á
frjálsíþróttamótum vertíðar-
innar, bregða aðrir stangar-
stökkvarar undir sig betri fæt-
inum og keppa í öðru vísi
stangarstökki. Meðfylgjandi
myndir voru teknar á móti sem
haldið var í nágrenni Peter-
borough í Englandi, þar sem
íþróttamenn reyndu með sér í
þeirri iþrótt að stökkva yfir
breitt síki á stöng. Slík íþrótt
hefur verið stunduð um langan
aldur víða um lönd, og ekki síst
í Hollandi, þar sem stöngin
kom oft í góðar þarfir þegar
menn þurftu að komast yfir
skurði og síki. Stangarstökk
sem þetta er líka þekkt hér-
lendis, a.m.k. úr sögu Jóns
Trausta um Önnu á Stóru-
Borg. Aðalsöguhetja þeirrar
sögu Barna-Hjalti, þótti hinn
mesti meistari í slíku stangar-
stökki og fór oft sem fuglinn
fljúgandi. Vafalaust hefði
hann komist yfir síkið sem
Colin Hargrave lendir svo fag-
lega í með viðeigandi gusu-
gangi.
Robson fer til Sunderland
Bryan „Pop“ Robsón, sem
var markhæsti leikmaður West
Ham United á síðasta
keppnistímabili, og skoraði þá
26 mörk, hefur nú skrifað
undir samning við Sunderland.
Fékk hann upphæð sem svarar
til 25 milljóna íslenskra króna
fyrir samninginn. Ýmsar aðrar
mannabreytingar hafa orðið
hjá ensku liðunum að undan-
förnu. Þannig keypti Leicester
City sóknarleikmanninn Alan
Young frá Oldham Athletic
fyrir um 110 milljónir króna.
Everton hefur keypt hinn 22
ára varnarmann John Bailey
frá Blackburn Rovers og
Shrewsbury, liðið sem vann sig
upp í 2. deild lét ekki sitt eftir
liggja og keypti Arthur Mann
frá Notts County fyrir um 20
milljónir króna.
Litii maðurinn á meðfylgj-
andi mynd er einn af frægustu
íþróttamönnum heims, þótt
lítið sé hann þekktur hér á
landi. Hann heitir Willie
Shoemaker, og þykir framúr-
skarandi knapi. Er það nokk-
urn veginn víst að þeir hestar
sem hann situr í kappreiðum
verði framarlega í keppninni.
Hefur Willie þessi auðgast vel
á íþrótt sinni, og fær jafnan
mörg góð tilboð frá hestaeig-
endum, sem hafa áhuga á að
hestar þeirra verði framarlega
í mótum. Konan við hlið Willie
heitir Cynthia, og er hún
eiginkona knapans. Virðist
hún risavaxin við hlið eigin-
mannsins, en er þó ekki
„nema“ 1,78, þannig að af því
má marka að hinn frægi Willie
Shoemaker er ekki hár í loft-
inu.
73