Íþróttablaðið - 01.12.1986, Blaðsíða 14

Sterkasti maður heims — hér tryggir Jón Páll sér titilinn. Hann hefur tekið síð-
ustu tunnuna á öxlina og eftir að hafa ávarpað áhorfendur hleypur hann
spretthlaup í mark.
— Ég er búinn að hnoða þessa
karla nokkur undanfarin ár og nú ætla
ég að baka þá. Ég tek því Valbjörn
Jónsson, bakara með mér til Nice til
þess að hjálpa mér við baksturinn,
sagði Jón Páll Sigmarsson í viðtali við
eitt dagblaðanna skömmu fyrir keppn-
ina um titilinn „Sterkasti maður
heims“. Þetta voru orð að sönnu, því
Jón Páll kom, sá og bakaði andstæð-
ingana í keppninni og hann mun því
bera þennan eftirsótta titil næsta árið.
íþróttablaðið ræddi við Hjalta „Úrs-
us“ Árnason, kraftlyftingakappa og
annan aðstoðarmann Jóns Páls á mót-
inu og féllst hann á að skýra frá gangi
keppninnar, auk þess sem hann leyfði
okkur að birta nokkrar þeirra mynda
sem hann tók á meðan keppninni stóð.
Vegna strangra reglna má Jón Páll ekki
tjá sig um mótið fyrr en eftir 1. janúar
1987 en Hjalti er hins vegar ekki bund-
inn neinum þagnareiði og getur því
látið gamminn geysa.
ÁTTA KRAFTAKARLAR
Alls tóku átta kraftakarlar þátt í
keppninni að þessu sinni. Frá Bret-
landi kom titilhafinn, Geoff Capes; frá
Bandaríkjunum kom hinn „íturvaxni"
Grizzly Brown sem vegur aðeins 171
kíló á sokkaleistunum; Ab Wolders var
fulltrúi Hollendinga; Ilkka Numisto
kom frá Finnlandi; Klaus Wallace frá
Austurríki; Jean Pierre Bruael var full-
trúi heimamanna; Kanadamaðurinn
Dusko var þarna og auðvitað Jón Páll
Sigmarsson.
TRUKKADRÁTTUR
Fyrsta greinin var trukkadráttur en
hún fólst í því að draga 7.5 tonna vöru-
flutningabifreið, 30 metra vegalengd á
sem skemmstum tíma. í þessari grein
tók Capes forystuna, Jón Páll varð
annar og Numisto varð þriðji. Capes
fékk því átta stig, Jón Páll sjö og Finn-
inn sex stig.
SEKKJAHLAUP
í þessari grein var hlaupið með 100
kílóa sekk alls 50 metra vegalend og
síðan átti að draga 200 kílóa sekk eftir
malbikinu til baka. Þessi úthalds og
snerpugrein setti marga út af laginu en
Jón Páll sigraði og fékk átta stig, Capes
varð annar og fékk sjö stig en Numisto
frá Finnlandi varð þriðji með sín sex
stig. Staðan: Jón Páll og Capes með 15
stig hvor en Numisto með 12 stig.
STEINALYFTA
Þessi þraut var ein erfiðasta grein
keppninnar. Lyfta átti kúlulaga stein-
um upp á tunnur, alls fimm steinum frá
70 upp í 150 kíló að þyngd. Fyrir
keppnina hafði enginn lyft þyngsta
steinunum nema Jón Páll (í Glasgow
íyrr á árinu) og okkar maður taldi sig
því aðeins þurfa að lyfta íjórum stein-
um til þess að vinna þessa grein. Það
fór þó á annan veg því finnska tröllið
lyfti fimmta steinum upp á tunnuna,
reyndar á slökum tíma en upp fór
steinninn og annar upphandleggsvöðvi
Numisto slitnaði við áreynsluna. Jón
Páll varð því að lyfta fimmta steininum
og sigr'aði í greininni en Capes varð
annar á tíma og Numisto þriðji. Stað-
an: Jón Páll 23 stig, Capes 22 stig og
Numisto 18 stig.
BÍLVELTA
Önnur grein, annars keppnisdags,
var fólgin í því að hlaupa 60 metra
vegalengd á tíma og velta þrem fólks-
bílum á leiðinni. Þarna náði Capes að
skjótast upp íyrir Jón með því að sigra,
Wolders varð annar en Jón Páll þriðji.
Staðan: Capes 30 stig, Jón Páll 29 stig
en aðrir komu talsvert á eftir. Numisto
14