Íþróttablaðið - 01.12.1986, Blaðsíða 33

KR varð Reykjavíkurmeistari í Minniboltanum (körfubolta) árið 1973. Fremri
röð f.v. Ágúst Már Jónsson sem varð stigahæstur á mótinu með 44 stig, Baldur
I. ísberg, Reynir Guðnason, Stefán Jóhannsson (markmaður í 1. deild), Kristinn
Helgason. Aftari röð f.v. Flosi Ólafsson Val — hann varð jafn Gústa í stigaskor-
un, Ólafur Magnússon, Ölver Thorsteinsson, Lárus Guðmundsson, Jónas Krist-
insson, Jón Egill Bergþórsson og Halldór Hrafnsson.
liðinu ásamt 30 öðrum drengjum og
einni boltatuðru. „Reyndar mætti ég á
æfingar í hinum ýmsu íþróttagreinum
þegar ég var Iítill. Ég fór á innahúss-
æfingar í frjálsum og glímu því nánast
undantekingarlítið var leikinn fótbolti í
tímunum - það var aðal sportið. Eitt
sinn var ég þó beðinn að taka þátt í
glímukeppni og mér lofað verðalauna-
peningi fyrir - aðeins einn keppandi
hafði tilkynnt þátttöku. Ég hafnaði
þessari auðfengnu viðurkenningu."
ÍSLANDSMEISTARI í
BADMINTON
Gústi hóf að spila badminton 10 ára
gamall og æfði að staðaldri til 18 ára
aldurs. Hann lék ekkert með KR í fót-
bolta í 3.flokki því á þeim tímum átti
badminton hug hans allan. Gústi vann
til fjölda verðlauna sem badmintonspil-
ari - varð m.a. íslandsmeistari í einliða-
og tvíliðaleik í A-flokki og vann sig upp
í meistaraflokk. „Það var aldrei nokkur
möguleiki að vinna Brodda Kristjáns-
son núverandi íslandsmeistara. Þegar
ég komst upp í meistaraflokk í badmin-
ton var ég og kominn í meistaraflokk
KR í fótbolta var aldrei vafi hvor íþrótt-
in yrði ofan á.“
Körfuboltinn fór vel í höndum Gústa
þegar hann var strákpjakkur en ósagt
skal hvernig hann passar í krumlurnar
í dag. Gústi var fyrirliði síns flokks í
minniboltanum og vann flokkurinn til
merkra verðlauna. í gömlum úrklipp-
um má sjá umfjöllun um þennan
hrokkinhærða strákhvolp sem átti
sannarlega framtíð fyrir sér í körfunna.
Hann var valinn besti leikmaður
Reykjavíkurmóts sem KR vann og varð
stigahæstur ásamt Flosa nokkrum
Ólafssyni sem er þekktur körfubolta-
maður í dag.
En hæfileikarnir voru líka í tánum á
Gústa þótt fingurnir hafi verið liprir.
Þegar Bobby Charlton hélt hér á landi
Ford hæfileikakeppni í knattspyrnu
fyrir all mörgum árum kom Gústi, sá
og hafnaði í 2. sæti yfir allt landið. í
yngri flokkunum getur hann státað af
nokkrum sigrum og má þar meðal ann-
ars nefna íslandsmeistaratitil í 5. flokki
A. Af nokkrum þekktum meðspilurum
hans er eru Sæbjörn Guðmundsson,
Óskar Inginmundarson, Maggi Jóns.
og Haukur Geirmundsson sem þekkt-
Ágúst Már
ari er sem handknattleiksmaður. í 2.
flokki varð Gústi íslands- Reykjavíkur-
og bikarmeistari undir stjórn Gumma
Pé.
SÁLRÆNTAÐ HAFA
ALDREIUNNIÐ NEITT
„Frá því að ég komst í meistarara-
flokk hefur uppskeran verið heldur rýr
- enn sem komið er. En ég lofa þér því
að hætta ekki fyrr en ég vinn einhverja
„doIIu“ sem vit er í. Já, ég tel ágætis
von til þess. Það sem skiptir kannski
hvað mestu máli í toppbaráttu í l.deild
er hugarfar leikmanna. Það er mjög
sálrænt að hafa aldrei unnið neinn
stóran titil og þá reiknar kannski eng-
inn með því að liðið vinni. Leikmenn
annara liða sem orðið hafa íslands-
meistarar þekkja tilfinninguna og
leggja sig þá ef til vill meira fram þegar
mest á reynir. Inn í meistaraflokk KR
eru nú að koma ungir strákar sem
margir hverjir hafa ekki tapað Ieik í fs-
landsmóti síðan í 4. flokki og gæti því
orðið hugarfarsbreyting í Iiðinu með
þeim. Þeir vita hvað það er að vera
bestir og sætta sig vonandi ekki við
neitt annað. Annars hefur það sýnt sig
að það er ekki nóg að hafa góðan
mannskap ef hugarfarið er rangt.“
Eins og ég sagði áðan er Gústi einn
röndóttasti KR-ingur sem ég hef
kynnst og hefur hann hlotið margar
viðurkenningar sem slíkur. Hann var
valinn besti Ieikmaður 2. flokks, árið
sigursæla. Svo og hefur hann tvívegis
hlotið útnefninguna besti leikmaður
KR í meistaraflokki - það var árið 1982
og síðastliðið sumar. „Já, því er ekki að
neita að ég er mikill KR-ingur og get
líkast til aldrei leikið fyrir annað félag í
l.deild. Það er ekki fyrr en maður er
dottin út úr þessum slag og farinn að
þjálfa að annað lið kemur til greina. Ég
hef verið þjálfari í knattspyrnuskóla
KR, séð um skíðaleikfimi fyrir deildina
undanfarna fjóra vetur og þjálfa minni-
boltann í körfunni í vetur. Þjálfun er
því engin nýlunda fyrir mér. Því gæti
ég vel hugsað mér að snúa mér að
þjálfun þegar fram líða stundir - en
eins og staðan er í dag vonast ég til að
geta Ieikið í l.deild eitthvað fram yfir
þrítugt.
HÓLMBERT ER
EINSTAKUR
Af eftirminnilegum þjálfurum nefndi
33