Íþróttablaðið - 01.12.1986, Blaðsíða 74

Ulf Carlsson heimsmeistari í tvíliðaleik.
Texti: Þórhildur Pétursdóttir
Myndir: Qrímur Bjarnason.
FLUGLEIÐAMÓTIÐ
í BORÐTENNIS
Svokallað Flugleiðamót í borðtennis
var haldið í íþróttahúsi Kennarahá-
skólans laugardaginn 29. nóvember
síðastliðinn. Mót þetta er eitt þriggja
sem Borðtennissamband íslands held-
ur en Flugleiðir eru aðalauglýsandinn.
Hin tvö eru Unglingameistaramót ís-
lands og íslandsmótið í borðtennis sem
fram fóru fyrr á þessu ári.
Að þessu sinni var ákveðið að gera
átak til að kynna borðtennisíþróttina
hér á landi. í því augnamiði bauð
Borðtennissambandið tveimur Svíum
til þátttöku í mótinu; þeim Kjell
Johannsson og Ulf Carlsson. Hinn fer-
tugi Kjell Johannsson hefur þrívegis
orðið heimsmeistari í tvíliðaleik en er
nú hættur þátttöku í alþjóðlegum
mótum. Landi hans Ulf Carlsson tví-
tugur að aldri er á hinn bóginn núver-
andi handhafi heimsmeistaratitilsins í
tvíliðaleik ásamt félaga sínum Mikael
Appelgren. Þeir unnu titilinn á
Evrópumeistaramótinu sem haldið var
í Gautaborg fyrr á þessu ári þar sem
þeir unnu Tékka. Þeim hjá borðtennis-
sambandinu er greinilega mikið í mun
að almenningi á íslandi gefist kostur á
að sjá hvernig á að leika borðtennis.
Það fengum við svo sannarlega að sjá
þennan dimma laugardag í lok nóv-
ember. Slík tilþrif hafa líklega aldrei
sést hér á landi. Þeir félagar höfðu slíkt
vald á kúlunni að manni datt helst í
hug að þeir væru gæddir einhverjum
yfirnátturulegum eiginleikum og dá-
leiddu kúluna. Hvernig er hægt að öðl-
ast slíka leikni?
74
ULF CARLSSON
Okkur tókst að króa heimsmeistar-
ann af í einu horni íþróttahússins á
milli leikja. Hann var á sífelldu iði, sett-
ist niður um stund, stóð upp og hristi
fæturna og meðan á spjallinu stóð var
hann í óða önn að skipta um gúmmí á
tennisspaðanum sínum. Í fljótu bragði
virtist hann afar taugaóstyrkur en sú
ímynd breyttist er leið á samtalið. Við
spurðum hann fyrst hve oft hann skipti
um gúmmí og hvers vegna?
— Ég skipti um gúmmí fyrir hvert
mót sem ég tek þátt í en þegar um æf-
ingleiki er að ræða skipti ég sjaldnar;
svona eftir þrjá til fjóra leiki. Slitið
gúmmí minnkar gripið og maður nær
ekki jafn góðu höggi (smassi).
Sem atvinnumaður get ég leyft mér
þetta en áhugamenn skipta mun
sjaldnar. Þeir láta sér jafnvel nægja að
skipta um tvisvar til þrisvar á ári þar
sem þetta er afar dýr „varahlutur“.
— Nú ert þú atvinnumaður í borð-
tennis og hefur verið um 9 ára skeið.
Hvers vegna borðtennis en ekki t.d.
frjálsar eða fótbolti?
— Sem gutti var ég í fótbolta, sundi
og fleiri íþróttum eins og aðrir jafn-
aldrar mínir í Svíþjóð. Þegar ég var 8-9
ára kynntist ég fyrst borðtennis. í
fyrstu var þetta bara leikur en smám
saman fór ég að eyða meiri og meiri
tíma í þetta og æfa mig markvisst und-
ir mót. Þegar ég var 16 ára hætti ég í
skóla og gerðist fljótlega atvinnumað-