Íþróttablaðið - 01.12.1986, Blaðsíða 56

Lotto 5/32 hefur nú verið starfrækt
frá því í lok nóvember. Þessi leikur er
gífurlega vinsæll um heim allan, á
Norðurlöndunum, í Evrópu, austan-
tjalds og vestan, svo og í Bandaríkjun-
um og Kanada.
Lotto er mjög einfaldur leikur sem
allir í raun geta spilað og býður upp á
háa vinningsmöguleika. Hæsti vinning-
ur sem fengist hefur í einum drætti
vannst í Chicago, eitt þúsund og sex-
hundruð milljónir króna! Slík staða
getur komið upp vegna þess að ef eng-
inn fær íýrsta vinning, færist hann
óskiptur og bætist við fyrsta vinning
næstu leikviku.
Ágóða af getraunastarfseminni er
varið til eflingar íþróttum á vegum
áhugamanna um íþróttir í landinu í
félögum innan íþróttasambands ís-
lands og Ungmennafélags íslands.
Einnig skal honum varið til að greiða
stofnkostnað við íbúðarhúsnæði fyrir
öryrkja á vegum Öryrkjabandalags ís-
lands. Fyrrnefndir aðilar reka þessa
starfsemi sem nefnist íslensk Getspá
og er eignaraðild félaganna misjöfn.
ÍSI á 46,67%, Öryrkjabandalagið á 40%
og UFÍ 13,33%. Hagnaður þessara að-
ila getur orðið mikill, það er ekkert
vafamál en spurningin er hvort þetta
nýja Lotto komi til með að eyðileggja
fyrir íslenskum Getraunum. Vilhjálmur
B. Vilhjálmsson framkvæmdastjóri ís-
lenskrar Getspár var inntur eftir því.
„Markmiðið hjá okkur var að stíla
inn á nýjan markað og vonandi tökum
við ekki neitt frá Getraununum. Út-
stöðvunum er dreift á 90 staði og við
völdum sjoppur, bensínstöðvar og mat-
vöruverslanir. Ég er mjög efins um að
þær húsmæður sem versla í þeim versl-
unum sem útstöðvarnar eru hafi mik-
inn áhuga á knattspyrnu eða þá að
þær tippi. Það eru margir sem telja
nauðsynlegt að hafa einhverja kunn-
áttu á viðfangsefninu og í því sam-
bandi þá er slíku ekki til að dreifa hvað
Lottoið snertir. Nei, ég vil meina að við
séum að sækja inn á nýjan markað.
Reynslan í öðrum löndum hefur sýnt
að þegar ný happadrætti koma á mark-
aðinn þá dregur ekki úr sölu í öðrum.
Aðildarfélögin sjá síðan um að útdeila
hagnaðinum, við komum ekkert ná-
lægt þeim þætti en ég held að þetta
verði einungis viðbótartekjustofn fyrir
íþróttafélögin.“
LOTTÓ
Texti: Halldóra Guðrún
Sigurdórsdóttir.
Hér standa þeir sem eru í stjórn íslenskrar getspár, talið frá vinstri: Alfreð Þor-
steinsson, Björn Ásmundsson, Þórður Þorkelsson, Arinbjörn Kolbeinsson og
Haukur Hafsteinsson.
Hér má sjá einn viðskiptavin hins nýja spils Lottó en hann hefur útfyllt seðil
sem síðan er stungið í tölvuna og út kemur kvittun. Kvittunin gildir en ekki
Lottómiðinn sjálfur.
56