Íþróttablaðið - 01.12.1986, Blaðsíða 64

Getraunir
„Við eru þrjár sem vinnum hér, fyrir
utan mig eru það Anna Guðmunds-
dóttir sem hefur starfað hér í sautján
ár og Elínborg Magnúsdóttir. Að vísu
höfum við fjórtán manns á launaskrá.
Á mánudögum koma hingað konur á
besta aldri og þá er farið yfir seðlana.
Það er gert í höndunum, eins og farið
var yfir krossaprófin hér einu sinni.
Það hefur komið til tals að kaupa vél
sem fer yfir seðlana og þá er hægt að
segja til um úrslitin strax á laugardeg-
inum en að mínu mati svarar það ekki
kostnaði, því svona tæki er mjög dýrt,
þrátt fyrir að á seinasta ári hafi 25,6
miljónir raða verið seldar."
96 MILLJÓNIR KRÓNA
Á seinasta ári voru getraunaseðlar
seldir fyrir tæpar 96 miljónir króna.
Helmingur af þessu fer í að borga vinn-
inga. Þar sem markmið íslenskra
getrauna er að afla fjár til stuðnings
íþróttaiðkunar á íslandi fer stór hluti
þessa fjár til þeirra og að jafnaði renna
um 40% allra tekna til ungmenna- og
íþróttahreyfingarinnar í formi sölu-
launa, hagnaðar og fleira. Á seinasta
starfsári numu þessar tekjur tæpum 39
miljónum króna. Þar af voru sölulaun
tæpar 24 miljónir króna.
„Þetta eru geysilegir tekjumöguleik-
ar fyrir íþróttafélögin og í raun óskilj-
anlegt að sum þeirra nýti sér þetta
tækifæri ekki betur. í mörgum tilfell-
um er sala getraunanna aðal tekjulind
félaganna. Knattspyrnudeild Fylkis,
ásamt Fram og KR, eru sterkustu aðil-
arnir og seldu þeir tæpar 2 miljónir
raða fyrir rúma 1,7 miljón króna á sein-
asta starfsári. Það eru allt of mörg
félög sem einfaldlega nenna ekki að
standa í að selja getraunaseðla. Að
mörgu leyti er það skiljanlegt þar sem
salan er tímafrek en samt ættu mörg
félaganna einfaldlega ekki að hafa efni
á að sleppa þessum tekjumöguleika, en
gera það þó samt. í Neskaupstað hefur
orðið gífurleg aukning hvað varðar
sölu eða 650% frá því í fyrra. Hella á
Rangárvöllum selur mest miðað við
íbúatölu. Það liggur ansi mikil vinna í
þvf að selja þessa seðla en samt sem
áður hefur salan ákveðið félagslegt
gildi. Á veturna þegar störf íþrótta-
félaganna eru í lágmarki kemur fólk
saman í félagsheimilunum til að skipu-
leggja söluna.drekkur saman kaffi og
spjallar."
VILTU EIGNAST 1,2
MILLJÓNIR?
Það er að mörgu leyti skiljanlegt að
almúginn freistist til að tippa þar sem
það er ekki mjög dýrt og vinnings-
möguleikarnir miklir. Svo ekki sé talað
um þá upphæð sem hægt er að vinna
sér inn. Til gamans má geta þess að á
seinasta starfsári voru 36 leikvikur og
spáð var um úrslit í 432 Ieikjum. í 198
tilvikum var um heimasigur að ræða, í
108 leikjum var jafntefli og í 126 var
svokallaður útisigur. Á seinasta ári
voru vinningsraðirnar 8932 sem skipt-
ist þannig að 544 raðir unnu fyrsta
vinning og 8388 sem unnu annan vinn-
ing. Hæsti vinningur hlaust í þrett-
ándu leikviku, 1,2 miljónir króna, sem
fékkst á tólf rétta og ég er viss um að
flestir hefðu viljað taka við þeim aur-
um.
„Það eru miklir vinningsmöguleikar
sem liggja í því að tippa. Þó að undar-
legt megi telja þá er það ekki alltaf
sama fólkið sem vinnur. Það gefur
auga leið að þeir sem kaupa margar
raðir hafa meiri möguleika. Hvað varð-
ar óvæntu úrslitin þá er það oftast
einhver sem ekkert eða lítið þekkir til
ensku knattspyrnunar, oftast konur,
sem þá vinninga hirða og það er oftast
stærsti potturinn og gefur þar af leið-
andi mest. Annars eru konur ansi
drjúgar við vinningana sem er kannski
afleiðing þess að reynt var að leita inn
á þann markað og nú eru þær farnar
að taka mun meira þátt í getraununum
en áður tíðkaðist.“
Hvað með þennan árangur ertu
ánægð með hann?
„Auðvitað er ég það. Ég er ánægð
með seinasta starfsár í heild þrátt fyrir
það að ýmislegt mætti bæta. Til dæmis
þyrfti að auka söluna úti á Iandsbyggð-
inni. Salan þar jókst mikið í fyrra en ég
held að það mætti gera miklu betur.
Róðurinn verður mun erfiðari í ár þar
sem reksturinn gekk svo vel í fyrra.
Svo er verið að koma af stað hér á
landi Lotto á vegum Í.S.Í, U.M.F.Í og
Öryrkjabandalags íslands. Þetta kemur
til með að veita okkur harða sam-
keppni."
Að Iokum, Birna, tippar þú sjálf ?
„Nei, ég get ekki sagt það. Oftast
tippa ég en seðilinn hef ég ofan í
skúffu hjá mér — skila honum ekki
inn. í fyrsta lagi er ég sjaldan með
marga rétta og í öðru lagi væri það
óeðlilegt ef framkvæmdastjórinn fengi
tólf rétta og ynni kannski eina miljón.
Ég er hrædd um að þá myndi einhvers
staðar heyrast hljóð úr horni.“
Þetta sagði hún með illilegu glotti
og ég þakka pent fyrir spjallið og óska
henni Birni innilega til hamingju með
árangurinn.
HÁALEITIS APOTEK
AUSTURVERI
HÁALEITISBRAUT 68
SÍMI 82100
ÞAÐ MARGBORGAR SIG . . .
AÐ KAUPA ÆRLEGAN SJÚKRAKASSA
. . . og nota skyrturnar í annað
éo
ÞAÐ HAFA MARGIR SANNREYNT