Íþróttablaðið - 01.12.1986, Blaðsíða 36

Ágúst Már
stúlkur. Ætli sú staðreynd hafi skipt
sköpum þegar hann ákvað að setjast á
skólabekk að nýju. „Nei ætli það! Það
sem er eiginlega verst við þetta að
maður fer bráðum að verða tvíkynja.
Ég er ávallt með þremur stelpum í
vinnuhópi og er aldrei sagt annað en
stelpur - gerum þetta, gerum hitt.
Þetta væri í lagi ef maður fengi að fara
með þeim í sturtu en ætli ég þurfi ekki
á sálfræðinga að halda að loknu
tveggja ára námi í skólanum," segir
Gústi, lítur í kringum sig - þess fullviss
að enginn skólafélagi hans sé í grennd-
inni.
TJA! ÞAÐ ER
HÓFIOG ...
Talandi um kvenfólk var ekki úr vegi
að spyrja þennan geðþekka, vel liðna,
myndarlega og umfram allt skemmti-
lega karakter um þátt kvenna í hans
lífi. Hann er jú kominn á giftingaraldur.
„Já, góðan daginn - það er blessuð
blíðan,“ segir Gústi og virðist hafa
misskilið spurninguna en bætir svo við
með bros út af eyrum „Tja! það er Hófí
og hvað heitir þessi nýja þarna sem
fékk titilinn síðast. Grínlaust þá hef ég
fram til þessa ekki haft áhuga á að
binda mig neitt verulega enda í mörgu
að snúast... en maður veit aldrei hvað
nóttin ber í skauti sér.“
Ég tel mig nú vita betur og spyr
hvort hann sé ekki að föndra þessa
dagana. „Jú, jú það er föndrað og spil-
að Lúdó fram eftir nóttu og því er ekki
að neita að hann Amor blessaður hefur
skotið ör í mig sem situr föst og lætur
mér líða vel.“
Þar sem Gústi hefur fýrir skemmstu
tekið sér íbúð á leigu er ekki úr vegi að
spyrja hvort ekki séu mikil viðbrigði að
búa einn - án móðurmjólkurinnar.
„Þetta eru ekki mikil viðbrigði því ég
hef alltaf verið svo lítið heima við. Þó
neita ég því ekki að meira næði er fyrir
einkamálin.
Hvað framtíðina varðar segist Gústi
ekki vera með langtíma áætlanir.
„Hingað til hef ég ekki verið mjög
skipulagður og ætli það breytist nokk-
uð í framtíðinni. Ég hef látið hverjum
degi nægja sína þjáningu. Hugsanlega
kenni ég í framtíðinni samhliða því að
þjálfa. Þó gæti allt breyst á morgun -
það er aldrei að vita.
— Ef þú stæðir á sviði og ættir að
lýsa sjálfum þér í örfáum setningum -
hvernig hljóðaði þá sú lýsing?
Gústa fannst þetta nú einum og
langt gengið en mér tókst að snúa upp
á hendina á honum. „Ég tek flestu með
jafnaðargeði - æ! ekki snúa svona fast,
en er ekki mjög skipulagður og kemst
„í túninu heima“ á fermingardaginn
— árið 1974. Slaufutímabilið mikla.
upp með það. Þó næ ég flestum mark-
miðum sem ég set mér. Ég held ég hafi
húmor fýrir flestu en aftur á móti er
spurning hvort aðrir taka mínum húm-
or. Mér finnst gaman að slá á létta
strengi og skemmti mér við það. Ég á
erfitt með að neita fólki og stundum
tekur það mig langan tíma að ákveða
mig - ég velti hlutunum vel fýrir mér.“
Það er víst rétt hjá honum að sjald-
an er brosið og húmorinn langt undan
þegar Gústi er nærri. Hann er geysilega
vel liðinn hvar sem hann fer og er ég
einn þeirra heppnu sem hef átt því láni
að fagna að kynnast persónu hans.
Gústi hefur í gegnum tíðina þótt frekar
mikill hrakafallabálkur þótt hann sé nú
ekki að ganga á ljósastaura dags dag-
lega. í MR átti hann það til að falla af
stólnum og flækjast í borðlöppum og
öðrum stólum annað slagið - svo smá
tíma tók að reisa hann við. Einhvern-
tíma var hann meiddur á fæti og þurfti
að „teipa“ sig íýrir æfingar. Honum
fórst það nú ekki betur úr hendi en svo
að á einni æfingunni fór hann að haltra
og uppgötvaði þá að hann hafði teipað
ranga Iöpp.
Seinna teipaði hann sig það fast og
illa að hann fékk blóðeitrun og þurfti
að vera í gipsi í nokkra daga. Fyrir leik
með KR drakk hann slóans-hitaolíu og
er Gústi líkast til sá eini sem stigið hef-
ur á dollu með bananasplit í og fengið
alla íssósuna ofan í skóinn. Svona
mætti Iengi telja en Gústi er og verður
alltaf þessi eini sanni Gústi. Á meðan
hann stendur sig í stykkinu er í lagi
þótt honum verði fótaskortur á tung-
unni annað veifið. Ef þið sjáið rauðan
„bíl“ á götum borgarinnar - ryðgaðan
og mann sem þarf að setja löppina í
gegnum gólfið til að bremsa - þá er
það Gústi!!!
Þú boigar alltaf sama gjaldið,
hvort sem þú ert einn eða með fleirum í bílnum!
HreyfiH býður sætaferðir til Keflavíkur
Ef þú ert á leið til útlanda er þægilegt að fara fyrsta spölinn í Heyfilsbíl.
Hringdu í okkur með góðum fyrirvara og greindu frá áætluðum flugtíma. Við vekjum þig
með hressilegri símhringingu, óskir þú þess.
UREVRLL
68 55 22
36