Íþróttablaðið - 01.04.1987, Qupperneq 41

KÚNSTTN AÐ M YNDA ÍÞRÓTTTR
M argir sanntrúaðir íþróttahatarar sjá
engan tilgang í því að elta bolta,
hlaupa, stökkva eða hreyfa sig á einn
eða annan hátt. En þeir sem stunda
íþróttir af áhuga láta þessar vangavelt-
ur kyrrsetumannanna sem vind um
eyru þjóta enda vita þeir ósköp vel að
ekki þarf flókna skilgreiningu á íþrótt-
unum til að stunda þær, það er einfald-
lega nóg að hafa gaman af íþróttinni.
Og það sama á við um þá sem njóta
þess að fylgjast með íþróttum án þess
að taka sjálfir þátt í leiknum. Reyndar
eiga íþróttahatararnir erfiðara með að
skilja það fólk sem gleymir sér fyrir
framan sjónvarpið þegar Bjarni Fel er
að sýna svipmyndir eða heila leiki, nú
og um þverbak finnst þeim keyra þeg-
ar menn dvelja heilu helgarnar á áhorf-
endapöllum íþróttahúsanna og flýta
sér síðan heim til að horfa á sömu leik-
ina í sjónvarpinu og lesa síðan allt um
þá í dagblöðunum.
Já, menn horfa misjöfnum augum á
Texti: Þorsteinn G. Gunnarsson
Myndir: Ýmsir
íþróttakappleiki, sumir falla flatir fyrir
fallegum leikféttum, fögru samspili svo
ekki sé talað um mörkin. Nú svo eru
aðrir sem leggja sig í líma við að ná öll-
um frjálsíþróttamótum, skíðamótum
eða fylgjast grannt með bardagaíþrótt-
um, karate, glímu og júdó, svo lítið sé
nefnt. Og sumir fylgjast með þessu
öllu.
En fáir horfa á íþróttir sömu augum
og íþróttaljósmyndararnir, mennirnir
sem raða sér bak við mörkin og skipta
um filmur í tíma og ótíma. Þeirra starf
er að horfa á íþróttir gegnum mynda-
vélarlinsuna og festa „rétta augnablik-
ið“ á filmuna.
Til að kynnast þessum mönnum og
vinnu þeirra ræddi íþróttablaðið við
þrjá ljósmyndara sem allir hafa fengist
við að mynda íþróttaviðburði. Ljós-
myndararnir eru Bjarni Eiríksson, Ein-
ar Ólason og Sverrir Vilhelmsson. Þeir
völdu síðan nokkrar myndir úr safni
sínu til að sýna lesendum íþróttablaðs-
ins.
41