Fréttablaðið - 24.11.2020, Side 62

Afkomendur Þórdísar og
Sigurðar bíða árvisst í ofvæni eftir
jólaísnum góða og er alkunna að
ísinn sé sá allra besti í heimi.
„Kannski er það nostalgía hjá
krökkunum líka, en ísinn er ein-
faldur í gerð og svalandi góður
eftir heitt hangikjötið. Dóttir mín
býr stundum til súkkulaðisósu og
skvettir þá dálitlu viskí út í fyrir
fullorðna fólkið en svo býð ég bara
upp á sósur og útálegg eins og hver
vill. Vanillukornin gefa ísnum höf-
ugt bragð og ég laga hann yfirleitt
á aðfangadag, þá er hann ferskur
og ekki búinn að vera lengi í frysti
áður en ég ber hann fram.“
Ísblönduna frystir Þórdís í sögu-
frægu formi.
„Já, uppskriftin er upphaflega
úr dönsku blaði þar sem ísinn var
sýndur í fögru formi en ég átti ekk-
ert slíkt. Svo var það einn daginn
að ákveðið var að leyfa fólki að
kaupa sitthvað úr gamla mjólkur-
húsinu á Vífilsstöðum, þar sem
áður var býli, og viti menn, við mér
blasti eins ísform og var í danska
blaðinu forðum, og þá var ísgerðin
fullkomnuð,“ segir Þórdís kankvís,
en ísinn er nánast konunglegur
ásýndar þegar honum er hvolft úr
forminu.
Þórdís gefur lesendum tvær
ísuppskriftir en á gamlárskvöldum
æskunnar lagaði móðir hennar
rommrúsínuís fyrir öll áramót.
„Hann var auðvitað áfengur,
með rommlegnum rúsínum, og því
sérlagaður fyrir fullorðna fólkið og
börnin fengu vanilluís. Romm-
rúsínuísinn er einstakt sælgæti og
ég hef hann enn oft á borðum á
gamlárskvöld.“
Besti ís í heimi
5 eggjarauður
1 dl sykur
1 vanillustöng
½ lítri rjómi
Þeytið rjómann sér. Þeytið svo
sykur og eggjarauður vel saman.
Skerið vanillustöngina langsum,
skafið vanillukornin úr henni og
bætið út í eggjahræruna. Hrærið
nú þeyttan rjómann varlega
saman við eggjahræruna með
sleikju og blandið vel. Hellið ísnum
í ísform og frystið í fjóra tíma.
Ísinn þarf að standa við stofuhita
í 15 til 20 mínútur áður en hann er
tekinn úr forminu og borinn fram.
Súkkulaði- og
rommrúsínuís Þórdísar
5 eggjarauður
250 g sykur
3 eggjahvítur
½ lítri þeytirjómi
1 bolli rúsínur
3 msk. romm
150–200 g suðusúkkulaði
1/2–1 msk. Neskaffi
Leggið rúsínur í bleyti í romm.
Þeytið eggjarauður og helming
sykurs, þar til létt og ljóst. Stífþeyt-
ið eggjahvíturnar og svo restina
af sykrinum saman við yfir volgu
vatnsbaði þar til úr verður þykkur
marengsmassi. Þeytið rjómann
en ekki of stíft né þurrt. Grófsaxið
súkkulaðið en skiljið 50 g eftir til
skrauts. Hrærið nú marengsnum
út í þeyttu eggjarauðurnar. Bætið
næst við kaffi, rommrúsínum
og súkkulaði. Hrærið því næst
rjómanum varlega saman við og
setjið ísinn í form. Frystið í 4 til 6
tíma. Gott er að hræra einu sinni
til tvisvar í ísnum til að koma í veg
fyrir ísnálar á meðan frýs. Takið
úr frysti um hálftíma fyrir notkun
og setjið í ísskáp. Dýfið þá forminu
snöggt í volgt vatn og hvolfið
ísnum úr því á disk. Puntið með
afgangssúkkulaðinu.
„Þessi uppskrift að jólaís hefur
fylgt mér frá fyrstu hjúskaparárum
okkar Sigurðar Björgvinssonar.
Við vorum vön að bjóða tengda-
foreldrum mínum úr Keflavík
í heitt hangikjöt með uppstúf,
heitu heimagerðu rauðkáli og Ora
grænum baunum í hádeginu á
jóladag og svo var gætt sér á ísnum
í eftirrétt. Enn í dag höldum við
hádegisboð á jóladag og koma þá
börnin okkar, makar og barna-
börn í heitt hangikjöt og jólaís, og
erum við þá alls 21 manns,“ segir
hjúkrunarfræðingurinn Þórdís
Guðjónsdóttir.
Þórdís er sest í helgan stein.
Síðustu fimmtán starfsárin var
hún fyrsti forstöðumaður Lækjar í
Hafnarfirði, athvarfs fyrir fólk með
geðraskanir. Áður vann hún við
hjúkrun á dagdeild endurhæfingar
á Kleppi og þar á undan á lungna-
deild Vífilsstaða.
„Þá hentaði vel að hafa jólaboð
í hádeginu og taka kvöldvakt á
jóladagskvöldi. Hádegið finnst
mér líka skemmtilegur tími til
samfunda og gaman að fá börnin
kát og hress. Þetta er alltaf jafn
skemmtileg stund þar sem við
stórfjölskyldan hjúfrum okkur
saman yfir góðum mat og sam-
veru.“
Þórdís Lilja
Gunnarsdóttir
thordisg@
frettabladid.is
Allra besti jólaís í heimi
Í hádeginu á jóladag fyllist hús
Þórdísar Guðjónsdóttur hjúkr-
unarfræðings af sársvöngum
afkomendum hennar sem tví-
stíga af tilhlökkun að komast
loks í jólaísinn úr sögulegu
ísforminu.
Jólaís Þórdísar Guðjónsdóttur er
einkar stásslegur kominn úr forminu
fornfræga. FRÉTTABLAÐIÐ/ERNIR
24. nóvember 2020 JÓL 2020 40 FRÉTTABLAÐIÐ