Bændablaðið - 17.12.2020, Qupperneq 40

Bændablaðið | Fimmtudagur 17. desember 202040
Tónlistamennirnir Gímaldin og
Hafþór Ólafsson sendu nýlega frá
sér geisladisk þar sem þeir kveða
rímur við undirleik Gímaldins
og Hafþórs. Þeir hafa áður unnið
nokkur lög saman, á plötuna
Gímaffinn kemur og smáskífuna
Af froski gengnum á land.
Á nýja disknum leikur Þorvaldur
H. Gröndal á trommur, Viðar Hákon
Gíslason sér um trommuheilabít og
Ólafur Hjördísarson Jónsson hafði
yfirumsjón með gítarupptökum og
effekteringum.
Gluggað í Háttalykil
Að sögn Gímaldins hefur hann
verið að glugga í Háttalykil Lopts
ríka Guttormssonar og vakti það
áhuga hans hve ástríðufullt þetta
kennsluefni var. „Ég hafði ekki spáð
í það lengi en einangrun, fjarlægð og
fjarvera frá ástvinum hlaut að magna
upp ástríðuna og tilfinningahitann,
að yrkja til einhverrar sem maður
hafði ekki séð í mörg ár og vitandi að
hún myndi hvorki heyra kveðskapinn
né sjá mig í önnur mörg ár. Ekki
þessi sí- og ofnærvera sem tækni
nútímans hlekkjar okkur í.
Það vakti áhuga minn á að yrkja
um ástina meðan hún er heit, meðan
hún er – langoftast eða hér um bil
alltaf er ort um sambandsslit eða
deyjandi ást. Ástin er mikilvæg og á
skilið jafn marga sénsa og þú myndir
gefa fíkli sem enn einu sinni segist
ætla að standa sig í þetta sinn.“
Í yrkisefnaformin bættust við
Háttatal Sveinbjarnar Beinteins-
sonar, ýmsar rímur eftir Sigurð
Breiðfjörð og ýmislegt fleira.
Hafþór segir að þeir hafi
farið í stuttan túr um Austur- og
Norðausturland og að skömmu
síðar hafi platan verið hljóðrituð og
að hluta til í Labrab. „Auk mín og
Gímaldins lék Þorvaldur H. Gröndal
á trommur, Viðar Hákon Gíslason
gerði nokkur trommuheilabít og
Ólafur Hjördísarson Jónsson hafði
yfirumsjón með gítarupptökum og
effekteringum.“
Nauðsynlegt að treina ástina
„Reyndar er sama hvað ástin er sönn
og heit, hún lifir ekki lengi ef ekki er
hægt að treina hana með langdrægum
fjarsamskiptum og nánast endalausri
bið og það þarf því að hafa hraðar
hendur. Inspirasjónin er þess vegna
eins konar kapphlaup við tímann,
sem er hressandi þversögn, því allt
hófst þetta út frá tækifæri til að þurfa
ekki alltaf að vera að flýta sér.“
Áhugi á endalausri jákvæðni
Hafþór og Gímaldin deila áhuga
á ýmsum menningarformum, sem
og endalausri jákvæðni og vilja
til að gera eitthvað skemmtilegt,
eins og þeir orða það sjálfir. Það
sem færri vita er að þeir kunna vel
að meta synta-popptónlist níunda
áratugarins, Bubbann, OMD og
Human League. /VH
LÍF&STARF
HROSS&HESTAMENNSKA
Hagagæði – samstarfsverkefni Landgræðslunnar og Félags hrossabænda:
Markmið Hagagæða er að landgæði
rýrni ekki við nýtingu beitarlands
Hagagæði er samstarfsverkefni
Landgræðslunnar og Félags
hrossabænda. Landgræðslan
hefur umsjón með verkefninu og
annast úttektir lands. Markmið
þátttakenda í verkefninu er að
landgæði rýrni ekki við nýtingu
beitarlands. Þátttakendur geta
verið hrossabændur og aðrir sem
halda hross í atvinnuskyni eða til
brúkunar í tómstundum.
Landeigendur sem þess óska
geta tekið þátt í Hagagæðum en
beitarland þeirra þarf að standast
úttekt Landgræðslunnar. Úttektir
gilda fyrir yfirstandandi ár og fylgir
viðurkenning til þátttakenda sem
standast úttektina.
Auka ábyrgð og tryggja sjálfbæra
nýtingu beitarlands
Tilgangur verkefnisins er að
tryggja sjálfbæra nýtingu beitar-
lands og auka ábyrgð landnotenda
sem vörslumanna lands. Einnig að
auka umhverfisvitund landeigenda
og landnotenda og tryggja velferð
hrossa. Þátttakendur geta notað sér-
stakt merki Hagagæða, starfsemi
sinni til framdráttar. Á einkennis-
merkinu er ártal þess árs sem viður-
kenningin á við.
Árið 2020 var fjórða starfsár
Hagagæða og stóðust 49 hrossabú
úttektarkröfur verkefnisins og
hlutu þar með viðurkenningu fyrir
sjálfbæra landnýtingu.
Ingunn Sandra Arnþórsdóttir,
verkefnastjóri Hagagæða
Nafn jarðar Þátttakendur Sýsla
1. Sauðanes Ágúst M. Ágústsson / Steinunn A. Halldórsdóttir Norður-Þingeyjarsýsla
2. Bakki Þór Ingvason Eyjafjarðarsýsla
3. Bringa Bringa ehf. Sverrir Reynir / Guðbjörg Jóna Eyjafjarðarsýsla
4. Hólsgerði Brynjar Skúlason / Sigríður Bjarnadóttir Eyjafjarðarsýsla
5. Jarðbrú Þorsteinn Hólm Stefánsson / Þröstur Karlsson Eyjafjarðarsýsla
6. Litla-Brekka Vignir Sigurðsson Eyjafjarðarsýsla
7. Litli-Dalur Kristín Thorberg / Jónas Vigfússon Eyjafjarðarsýsla
8. Ásgeirsbrekka Jóhann Ingi Haraldsson Skagafjarðarsýsla
9. Bær á Höfðaströnd Höfðaströnd ehf, Sigmar Bragason Skagafjarðarsýsla
10. Enni Haraldur Þ. Jóhannsson / Eindís Kristjánsdóttir Skagafjarðarsýsla
11. Flugumýri II Flugumýri ehf, Anna Sigurðardóttir Skagafjarðarsýsla
12. Hafsteinsstaðir Skapti Steinbjörnsson / Hildur Claessen Skagafjarðarsýsla
13. Hólar Hólaskóli Skagafjarðarsýsla
14. Hverhólar Freysteinn Traustason / Birna S. Hafsteinsdóttir Skagafjarðarsýsla
15. Íbishóll Íbishóll ehf, Magnús Bragi / Elísabeth Jansen Skagafjarðarsýsla
16. Kálfsstaðir Ólafur Sigurgeirsson / Sigríður Björnsdóttir Skagafjarðarsýsla
17. Nautabú Karen Steindórsdóttir / Eyjólfur Þórarinsson Skagafjarðarsýsla
18. Tunguháls II Líney Hjálmarsdóttir Skagafjarðarsýsla
19. Víðidalur/Kirkjuhóll Pétur Stefánsson Skagafjarðarsýsla
20. Ytra-Skörðugil Ingimar Ingimarsson Skagafjarðarsýsla
21. Ytra-Vallholt Vallholt ehf, Björn Friðriksson / Harpa Hafsteinsdóttir Skagafjarðarsýsla
22. Geitaskarð Íslensk hrossarækt Austur-Húnavatnssýsla
23. Gilsstaðir Kristján Þorbjörnsson Austur-Húnavatnssýsla
24. Hof, Vatnsdal Jón Gíslason / Eline Schrijver Austur-Húnavatnssýsla
25. Hólabak Björn Magnússon Austur-Húnavatnssýsla
26. Steinnes Magnús Jósefsson Austur-Húnavatnssýsla
27. Sveinsstaðir Ólafur Magnússon Austur-Húnavatnssýsla
28. Auðunnarstaðir I Júlíus G. Antonsson Vestur-Húnavatnssýsla
29. Stóra-Ásgeirsá Elías Guðmundsson / Magnús Á. Elíasson Vestur-Húnavatnssýsla
30. Ytri-Þóreyjarnúpur Þórey ehf, Gerður Hauksdóttir Vestur-Húnavatnssýsla
31. Hjarðarholt Hrefna B. Jónsdóttir / Þorvaldur T. Jónsson Mýra- og Borgarfjarðarsýsla
32. Lundar II Sigbjörn Björnsson Mýra- og Borgarfjarðarsýsla
33. Oddsstaðir Sigurður Oddur Ragnarsson Mýra- og Borgarfjarðarsýsla
34. Ölvaldsstaðir IV Guðrún Fjeldsted Mýra- og Borgarfjarðarsýsla
35. Hömluholt Gísli Guðmundsson Snæfellsnessýsla
36. Auðsholtshjáleiga/Grænhóll Gunnar Arnarson Árnessýsla
37. Hólar í Flóa Ímastaðir ehf, Einar Hallsson Árnessýsla
38. Hraun I Hrafnkell Karlsson Árnessýsla
39. Hvoll I Ólafur H. Einarsson Árnessýsla
40. Kjóastaðir II Geysir hestar, Hjalti Gunnarsson, Ása V. Dalkarls Árnessýsla
41. Litlaland Sveinn Steinarsson Árnessýsla
42. Árbæjarhjáleiga Kristinn Guðnarson / Marjolyn Tiepen Rangárvallasýsla
43. Ásborg Eydís Þ. Indriðadóttir Rangárvallasýsla
44. Fet/Lindarbær Fet ehf, Karl Wernersson Rangárvallasýsla
45. Gunnarsholt Ágústa Helgadóttir Rangárvallasýsla
46. Hemla Vignir Siggeirsson / Lovísa Ragnarsdóttir Rangárvallasýsla
47. Kirkjubær Kirkjubæjarbúið, Ágúst Sigurðsson Rangárvallasýsla
48. Oddhóll Sigurbjörn Bárðarson Rangárvallasýsla
49. Vakurstaðir Valdimar Bergstað / Halldóra Baldvinsdóttir Rangárvallasýsla
Árið 2020 stóðust eftirfarandi hrossabú úttektir vegna landnýtingar
Hagagæði 2020
Árið 2020 var fjórða starfsár Hagagæða og stóðust 49 hrossabú úttektarkröfur
verkefnisins og hlutu þar með viðurkenningu fyrir sjálfbæra landnýtingu.
Umhverfisvernd:
Krúttlegu dýrin fá mest
Samanburður á fjár­
magni til dýraverndunar
í löndum innan Evrópu­
sambandsins sýnir að
framlög til verndunar á
hryggleysingjum er mun
lægra en til hryggdýra og
að hæstu framlögin fara
til krúttlegra spendýra og
til verndunar á fuglum.
Í samanburðinum
kemur fram að framlög til
vernd unar á hryggdýrum
eru um það bil 500 sinnum
hærri en til hryggleysingja.
Ákveðnar dýrategundir
sem njóta vinsælda og eru
vinsæl í kvikmyndum og
náttúrulífsmyndum og þykja sæt,
eins og birnir, úlfar, sumar tegundir
fugla og kattardýr, njóta góðs af
vinsældunum og meira fé er veitt
til verndunar hverrar tegundar
fyrir sig en allra hryggleysingja
samanlagt.
„Ljót dýr“ á lægri styrki
Hryggleysingjar, eins og kóngulær,
bjöllur og krabbadýr, sem eru ekki
síður mikilvæg vistkerfinu en
njóta ekki almennrar hylli, hafa
einfaldlega orðið undir í baráttunni
um styrki Evrópusambandsins til
náttúruverndar.
Í greinargerð vegna saman-
burðarins segir að staða dýrategunda
og hversu líklegt sé að hún sé í
útrýmingarhættu virðist ekki hafa
teljandi áhrif á hversu miklu fé er
veitt til verndunar hennar. Það sem
meira máli skiptir er hversu sýnilegt
dýrið er og hversu þekkt það er.
Ekki er nóg með að fjárveitingar til
verndunar hryggleysingja sé mun
lægra því þeir og ekki síst skordýr
eru í allt að átta sinnum meiri
útrýmingarhættu en fuglar, spendýr
og eðlur.
Líffræðileg fjölbreytni
Samantektin tengist vinnu vegna
nýrrar áætlunar Evrópusambandsins
um verndun líffræðilegrar fjölbreytni
og að stefnt sé að því að árið 2030
verði um 30% lands í Evrópu
náttúrulegt friðland.
Í grófum dráttum hefur tekist vel
með verndun fjölda stórra spendýra
og ýmissa fuglategunda en minna
hefur verið gert í því að vernda minni
og lítt áberandi dýr. Ekki vegna þess
að slíkt sé ekki nauðsynlegt heldur
frekar vegna þess á þau þykja ekki
nógu „sexí“. /VH
UTAN ÚR HEIMI
Minna fé er veitt innan Evrópusambandsins
til verndunar hryggleysingja en hryggdýra.
PLÖTUR&MENNING
Gímaldin og Hafþór Ólafsson
kveða rímur