Tímarit hjúkrunarfræðinga - 2020, Qupperneq 2

Ég minnist þess þegar ég heyrði fyrst sagt um hjúkrunarfræðinga að þeir væru
hryggjarstykkið í heilbrigðiskerfinu hvað mér þótti það skemmtileg samlíking. Enda
gegna þeir mikilvægu hlutverki á öllum stigum heilbriðisþjónustunnar, fylgja lands-
mönnum frá vöggu til grafar og sinna þeim jafnt á þeirra bestu og verstu stundum
lífsins. En það eru fleiri stéttir sem grípa til þessarar myndlíkingar.
Öflug bókmenning er hryggjarstykki íslenskunnar, fjölskyldan er hjartað og
hryggjarstykkið og Borgarlínunni hefur verið líkt við hryggjarstykki. En það er
einnig karpað um hryggi og hryggjarstykki, og þá í bókstaflegri merkingu! En þegar
slegið er upp orðinu hryggjarstykki í íslenskri nútímamálsorðabók Stofnunar Árna
Magnússonar í íslenskum fræðum kemur eftirfarandi fram: Orðið er í vinnslu!
En það karpar enginn um mikilvægi hryggjarins enda gegnir hann margþættu
og mikilvægu hlutverki. Og samlíkingin við hlutverk hjúkrunarfræðinga sem hryggjar -
stykki heilbrigðiskerfisins kemur berlega í ljós á efnistökum í þessu fyrsta tölublaði
2020. Efnisyfirlitið er þó ekki með 33 liði eins og hryggurinn, og efnistök snúa ekki
öll að hryggjarliðunum, en þegar kemur að fjölbreyttum sviðum heilbrigðiskerfisins
þá á samlíkingin sannarlega vel við, og ekki síst þegar kemur að umönnun á erfiðum
tímum í lífi fólks — og allt til endaloka.
Þrátt fyrir að dauðinn sé óhjákvæmilegur er svo margt sem gerist á lífsleiðinni.
Og lífið er svo langt frá því að vera búið þegar kemur að starfslokum. Þá er lífið rétt
að byrja! Eða það tekur nýja og óvænta stefnu. Björk guðjónsdóttir ákvað að setjast
aftur á skólabekk eftir 36 ára starf sem hjúkrunarfæðingur á geðdeildum Land -
spítalans. Eftir starfslok brunnu á henni spurningar eftir áratuga starfsævi og til að
leitast við að svara þeim skráði hún sig í mannfræði. fróður vill fræðast meira á með
sanni vel við hjá Björk, en hún lét ekki staðar numið þegar meistaranáminu lauk
heldur hélt áfram námi og lauk doktorsprófi í faginu í fyrravetur, þá 78 ára gömul.
Mitt í kjarabaráttunni og áralangri baráttu fyrir mannsæmandi vinnuálagi þurfa
hjúkrunarfræðingar að hlúa að sjálfum sér og vara sig á að kulna ekki í vinnu eða
örmagnast af þreytu. Það er því miður allt of oft raunin. „hjúkrunarfræðingar eru
ofurhetjur. Þeir eru eins og englar í stríði,“ sagði Paolo Bianka í vikulegu viðtali á af-
mælisárinu sem leið. En ofurhetjur þurfa einnig að hlúa að sér! Ástrós Sverrisdóttir,
sem lauk nýlega diplómanámi í jákvæðri sálfræði, fjallar einmitt um mikilvægi þess
í pistli sínum að auka vellíðan og hamingju því hamingjan er jafn mikilvæg og lík-
amleg og andleg heilsa.
Það er hvergi betra að hlúa að sér en úti í náttúrunni og augljóst af þeim ljós-
myndum sem bárust í ljósmyndasamkeppnina að hjúkrunarfræðingar sækja í nátt-
úruna til að endurheimta orkuna. forsíðumyndin, sem tekin er af rudolf adolfssyni,
er einmitt úr fjörunni á ingjaldssandi.
2 tímarit hjúkrunarfræðinga • 1. tbl. 96. árg. 2020
Helga Ólafs ritstjóri.
Ritstjóraspjall
Hryggir og hryggjarstykki
TÍMARIT HJÚKRUNARFRÆÐINGA
Suðurlandsbraut 22, 108 reykjavík
Sími 540 6405
netfang helga@hjukrun.is
Vefsíða www.hjukrun.is
Útgefandi: félag íslenskra hjúkrunarfræðinga
Sími skrifstofu 540 6400
Ritstjóri og ábyrgðarmaður helga Ólafs Fagritstjóri hrund Scheving Thorsteinsson Ritnefnd aðalbjörg
Stefanía helgadóttir, alda Ásgeirsdóttir, anna Ólafía Sigurðardóttir, hafdís Skúladóttir, hrund Scheving
Thorsteinsson, Margrét hrönn Svavarsdóttir, Sigurlaug anna Þorsteinsdóttir Blaðamaður Magnús hlynur
hreiðarsson Forsíðu mynd rudolf adolfsson Ljósmyndir Þorkell Þorkelsson o.fl. Yfirlestur og próförk
ragnar hauksson Auglýsingar Erna Sigmundsdóttir sími 821 2755 Hönnun og umbrot Egill Baldurs son
ehf. Prentun Prenttækni ehf.
Tekið er á móti efni til birtingar á netfanginu ritstjori@hjukrun.is. Leiðbeiningar um ritun fræðslu- og fræði-
greina er að finna á vefsíðu tímaritsins.
iSSn 2298-7053