Tímarit hjúkrunarfræðinga - 2020, Blaðsíða 36

Lög á Íslandi heimila hvorki líknardráp né dánaraðstoð, en hver og einn hefur ákveðin
lagaleg réttindi sem heimila honum að hafna meðferð sem lengir líf hans ef hann er
dauðvona og veita honum rétt til þess að fá að deyja með reisn. Siðferðilegt gildi þess
að sinna líknardrápi eða veita dánaraðstoð út frá sjálfræði sjúklingsins, hlutverki heil-
brigðisstarfsfólks og virð ingu fyrir lífinu er enn á umræðustigi hér á landi og er mál-
efnið umdeilt.
36 tímarit hjúkrunarfræðinga • 1. tbl. 96. árg. 2020
Hver er réttur okkar til að ráða eigin lífslokum?
Hjúkrunarfræðingarnir Guðfinna Ýr Sumarliðadóttir, Hanna María Alfreðsdóttir, Rakel Guð -
mundsdóttir og Þórhildur Guðbjörg Hjaltadóttir réðust ekki á garðinn þar sem hann er lægstur
þegar þær unnu lokaverkefnið sitt til BS-prófs í hjúkrunarfræði við Háskólann á Akureyri síðasta
vetur. Þær ákváðu að gera verkefni í formi rannsóknaráætlunar sem bar titilinn Réttur til að
ráða eigin lífslokum; viðhorf til lögleiðingar líknardráps1 og dánaraðstoðar2 á Íslandi.
Stoltir hjúkrunarfræðingar með lokaverk-
efnið sitt frá Háskólanum á Akureyri.
Frá vinstri: Hanna, Þórhildur, Rakel
og Guðfinna.
1 Líknardráp (e. euthanasia): Það að gefa einstaklingi lyf sem bindur enda á líf hans að einlægri ósk
hans og með upplýstu samþykki.
2 Dánaraðstoð (e. assisted death): Það að útvega einstaklingi lyf sem hann hefur verið upplýstur um hvernig
hann geti notað til þess að binda enda á líf sitt.