Þjóðmál - 01.12.2016, Qupperneq 14

í kosningunum í apríl 2009
fékk Samfylkingin 29,8% og 20
þingmenn. Nú fékkflokkurinn
aðeins 5,8% og 3 þingmenn. Er
einsdæmi hér að flokkur hafi
glutrað niður fylgi sínu á svo
dramatískan hátt.
Hvort Samfylkingin rís
úr öskunni kemur í Ijós en
jafnaðarmannaflokkar víðar
í Evrópu eiga nú undir högg
að sækja og verða að laga
sig að breyttum aðstæðum
vilji þeir halda lífi. Fyrsta
heilbrigðiseinkenni Samfylk-
ingarinnar ætti að birtast í
afneitun á ESB-aðildarstefnunni
sem Jóhanna Sigurðardóttir og
Össur Skarphéðinsson settu á
oddinn á árinu 2009.
Á síðasta kjörtímabili fór fylgi
Pírata upp fyrir öll skynsamleg
mörk í skoðanakönnunum, sló
upp í 42% og var um 40% í árs-
byrjun 2016. Vegna athyglinnar
sem beindist að Pírötum vegna
dæmalauss prófkjörs þeirra fyrir
þingkosningarnar og tilraunar-
innar til stjórnarmyndunar á
lokadögunum fyrir kosningar
hrundi af þeim fylgið og hefur
haldið áfram að minnka að
kosningum loknum.
í stjórnarmyndunarviðræðunum hefur
Birgitta Jónsdóttir slegið út af borðinu allar
kröfur sem hún kynnti fyrir kosningar um
stutt þing sem helgaði sig stjórnarskrár-
málinu og um uppstokkun á stjórnarráðinu
eða aukið vald löggafarvalds á kostnað
framkvæmdavalds. Það stendur ekki steinn
yfir steini kosningastefnu Birgittu.
VII.
Hér var í síðasta hefti Þjóðmála fullyrt að
besti kosturinn að loknum kosningum
yrði framhald á stjórnarsamstarfi Sjálf-
stæðismanna og Framsóknarmanna.Til
þess hafa þeir ekki meirihluta á nýju þingi.
Þótt Framsóknarflokkurinn
hafi fengið átta þingmenn
kjörna er sagt að í raun séu
aðeins sex þingmenn að baki
þátttöku flokksins í ríkisstjórn,
Sigmundur Davíð Gunnlaugs-
son og Gunnar Bragi Sveinsson
hafi skapað sér slíka sérstöðu í
þingflokknum að þeir eigi ekki
samleið með öðrum þar.
Á lýðveldistímanum hefur
þriggja flokka stjórn aldrei setið
heilt kjörtímabil. Þingflokkar
hafa þó jafnan verið færri en
þeir eru nú og aldrei hafa
jafnmargir nýir þingmenn setið
á alþingi.
f samfélaginu er mikið umrót
og vantrú á lykilstofnunum
þess. Þrjú mál skulu nefnd:
Vegna sakamála í tengslum við
bankahrunið hefur markvisst
verið vegið að hæstaréttar-
dómurum.Trú á eftirlits-
stofnunum minnkaði vegna
svonefnds brúneggjamáls, í
Ijós kom að neytendum hafði
verið seld svikin vara á yfir-
verði. Bankastjóri Landsbanka
íslands neyddist til að segja af
sér vegna aðgæsluleysis við
sölu á hlut bankans í greiðslu-
fyrirtækinu Borgun.
Við þetta bætist síðan virðingarleysi fyrir
alþingi og stjórnmálamönnum. Við þessar
aðstæður er brýnt að í ríkisstjórn setjist menn
með reynslu af landstjórninni. Hana er mesta
að finna í Sjálfstæðisflokki, Framsóknarflokki
og Vinstri hreyfingunni - grænu fram-
boði. Meginmarkmið stjórnarinnar yrði að
stuðla að auknu trausti og samheldni innan
samfélagsins með því að styrkja innviði þess
og varðveita íslensk gildi.
Björn Bjarnason er fyrrverandi þingmaður
Sjálfstæðisflokksins, menntamálaráðherra
og síðar dómsmálaráðherra.
Sigmundur Davíð Gunnlaugsson
og Gunnar Bragi Sveinsson. Spurt
er hvort þingflokkur Framsóknar-
flokksins hafl átta eða sexþing-
menn innan sinna raða.
12 ÞJÓÐMÁL vetrarhefti 2016